完整藏文原文 · 德格版页 当前仅加载第 35 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་ཏན་འབྱུང་བའི་བློ་གྲོས་དང་། དེ་དག་ལ་{སྩོགས་,སོགས་}པ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཀྱང་། དེ་བཞིན་གཤེགས་པ་རྣམ་པར་སྣང་མཛད་དང་། དགེ་བའི་རྩ་བ་རྒྱ་མཚོ་གཅིག་གིས་
D44.035.0004a01.01བྱུང་བ་ཕ་རོལ་ཏུ་ཕྱིན་པ་ཐམས་ཅད་ཀྱི་འཁོར་ཡོངས་སུ་རྒྱས་པས་སྣང་བར་གྱུར་པ། ཡེ་ཤེས་ཀྱི་མིག་ཡོངས་སུ་དག་པ། དུས་གསུམ་གྱི་དབྱིངས་ཐམས་ཅད་དུ་སྣང་བས་གསལ་བར་གྱུར་པ། ཏིང་ངེ་འཛིན་གྱི་འཁོར་ཐམས་ཅད་ཡོངས་སུ་དག་པས་སྣང་བར་གྱུར་པ། ཐ་དད་པ་ཡང་
D44.035.0004a02.01དག་པར་ཤེས་པ། རྒྱ་མཚོ་ཡངས་ཤིང་ཟད་མི་ཤེས་པ་དང་། སངས་རྒྱས་ཀྱི་ཡོན་ཏན་དང་མཐུས་སྣང་བར་བྱས་པ། འགྲོ་བ་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བར་བརྩམ་པའི་ཡེ་ཤེས་མཉམ་པ་ཉིད་ཀྱིས་སྣང་བར་བྱས་པ། ཆོས་ཀྱི་དབྱིངས་ཀྱི་སྙིང་པོ་གཅིག་ཏུ་
D44.035.0004a03.01ཐ་{མྱི་,མི་}དད་པའི་ཡེ་ཤེས་ཀྱི་སྣང་བར་གྱུར་པ། སངས་རྒྱས་ཀྱི་རྣམ་པར་ཐར་པ་ཟབ་མོའི་ཡུལ་ཡངས་པ་ལ་ཡེ་ཤེས་ཀྱི་སྤྱོད་ཡུལ་གྱིས་སྣང་བར་བྱས་པ། ས་གཅིག་ལས་བྱུང་བ་ཡོངས་སུ་གནོན་པའི་རྗེས་སུ་འབྲང་བས་ཤིན་ཏུ་སྣང་བར་བྱས་པ། སྨོན་ལམ་གྱི་རྒྱ་མཚོ་ལ་འཇུག་
D44.035.0004a04.01པ་ཕྱི་མའི་མཐའི་བྱིན་གྱི་རླབས་ཀྱི་ཡེ་ཤེས་ཐམས་ཅད་ཀྱི་གནས་པས་སྣང་བར་གྱུར་པ། དེ་བཞིན་གཤེགས་པའི་གསང་བ་རྨད་དུ་བྱུང་བའི་དཀྱིལ་འཁོར་ཡངས་པ་ཡོངས་སུ་ཤེས་པས་སྣང་བར་གྱུར་པ། སངས་རྒྱས་ཀྱི་ཆོས་ཐམས་ཅད་མཉམ་པ་ཉིད་ལ་རྗེས་སུ་བརྟགས་
D44.035.0004a05.01པའི་ཡེ་ཤེས་ཀྱིས་ཤིན་ཏུ་སྣང་བར་གྱུར་པ། དེ་བཞིན་གཤེགས་པའི་ས་ཀུན་ཏུ་འོད་ཀྱི་དབྱིངས་དང་། གནས་སུ་རྣམ་པར་སྤྱོད་དུ་དབང་བ། ཏིང་ངེ་འཛིན་རྒྱ་མཚོ་མཐའ་ཡས་པའི་སྒོ་ཐམས་ཅད་དུ་རྣམ་པར་རྒྱུ་བས་སྣང་བར་གྱུར་པ། ཡེ་ཤེས་སྣང་བ་ཐམས་ཅད་ཀྱི་རྗེས་སུ་
D44.035.0004a06.01སོང་ཞིང་འགྲོ་བ་ཐམས་ཅད་ཀྱི་སྤྱོད་པ་རྒྱ་མཚོ་ལ་ཤིན་ཏུ་གནས་པ། ཆོས་རྒྱ་མཚོ་ཐམས་ཅད་ཀྱི་གཟུངས་དང་། ཐ་དད་པ་ཡང་དག་པར་ཤེས་པ་བསྟན་པ་དང་། ཡོངས་སུ་བསྟན་པ་ལ་མཁས་པ། སངས་རྒྱས་ཀྱི་ཡོན་ཏན་རྒྱ་མཚོར་གཏོགས་པ་ཐམས་ཅད་ཀྱིས་ཁྱབ་
D44.035.0004a07.01