完整藏文原文 · 德格版页 当前仅加载第 35 函德格 369b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། གསེར་གྱི་དྲ་བས་གཡོགས་པའི་ལུས་དང་། འོད་ཟེར་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་གཏོང་བ་དང་། དྲི་མ་མེད་པའི་འོད་གཏོང་བ་དང་། ཚད་མེད་པའི་འོད་རབ་ཏུ་སྐྱེད་པ་དང་། བསམ་པ་རྣམ་པར་དག་པའི་རིན་པོ་ཆེ་ཡང་དག་པར་འཛིན་
D44.035.0369b01.01པའི་གཟུགས་དང་། བྱང་ཆུབ་སེམས་དཔའི་བསམ་པ་ཁ་ན་མ་ཐོ་བ་མེད་པ་ལས་བྱུང་བའི་སྨོན་ལམ་དང་། འགྲོ་བ་ཐམས་ཅད་ཀྱིས་བལྟ་ན་ཡིད་དུ་འོང་བ་དང་། བལྟ་ན་དོན་ཡོད་པར་སེམས་ཅན་གདུལ་བ་དང་། རྣམ་པར་དག་པའི་ཆོས་ཀྱིས་སངས་རྒྱས་ཀྱི་
D44.035.0369b02.01རྣམ་པར་འཕྲུལ་པ་ཡོངས་སུ་སྟོན་པ་དང་། འགྲོ་བ་ཐམས་ཅད་ཡོངས་སུ་བསྐྱབ་པར་བྱང་ཆུབ་སེམས་དཔའི་རྩེ་གཅིག་དུ་སྨོན་ལམ་བཏབ་པས། སྐྱིལ་མོ་ཀྲུང་བཅས་ཏེ་འཁོད་དོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་འདི་ལྟ་སྟེ། ཆགས་
D44.035.0369b03.01པ་མེད་པར་སྤྱོད་པས་སངས་རྒྱས་ཀྱི་ཞིང་ཐམས་ཅད་དུ་འགྲོ་བ་དང་། འདི་ལྟ་སྟེ། གནས་མེད་པའི་ལུས་དང་། འདི་ལྟ་སྟེ། ཚད་མེད་པའི་ལུས་ཀྱིས་ཀུན་ཏུ་འགྲོ་བའི་ཡེ་ཤེས་ཀྱི་ལུས་ཀྱི་བྱིན་གྱི་རླབས་དང་། འདི་ལྟ་སྟེ། མཐའ་དང་དབུས་མེད་པའི་སངས་
D44.035.0369b04.01རྒྱས་ཀྱི་རྣམ་པར་འཕྲུལ་པ་བསམ་གྱིས་མི་ཁྱབ་པ་ལ་འཇུག་པ་དང་། འདི་ལྟ་སྟེ། ཐམས་ཅད་མཁྱེན་པའི་སྒོ་འབྱམ་ཀླས་པ། ཚད་མེད་པར་གྱུར་པ་དང་། འདི་ལྟ་སྟེ། ཆོས་ལ་མི་འཇིགས་པར་མཁས་པའི་སྣང་བ་མཐའ་ཡས་པ་དང་། འདི་ལྟ་
D44.035.0369b05.01སྟེ། ཕྱི་མའི་མཐའི་བསྐལ་པར་མི་ཟད་པའི་ཐ་དད་པ་ཡང་དག་པ་ཤེས་པའི་ཚུལ་བཤད་པ་དང་། འདི་ལྟ་སྟེ། གཟུགས་ཐམས་ཅད་ཀྱིས་སྣང་བར་བྱས་པའི་ཡེ་ཤེས་ཀྱི་ཕུང་པོ་རབ་ཏུ་རྒྱས་པ་དང་། འདི་ལྟ་སྟེ། ཆོས་ཀྱི་དབྱིངས་རྒྱས་པར་གྱུར་
D44.035.0369b06.01པའི་ཤེས་རབ་ཀྱི་{མྱིག་,མིག་}རྣམ་པར་དག་པའི་སྤོབས་པ་དང་། འདི་ལྟ་སྟེ། ནམ་མཁའི་དབྱིངས་ཀྱིས་ཀླས་པར་ཡེ་ཤེས་ཀྱི་སྤྱོད་ཡུལ་ཡོངས་སུ་གནས་པ་དང་། མཚམས་མེད་ཅིང་མཐའ་ཡས་པའི་སངས་རྒྱས་རྣམས་ཀྱི་སྤྱོད་པ་དང་ལྡན་པ་རབ་
D44.035.0369b07.01