完整藏文原文 · 德格版页 当前仅加载第 35 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་གང་ཇི་སྙེད་སྐྱེས་པ་དེ་དག་ཐམས་ཅད་ཀྱང་སྦྱིན་པའི་ཕ་རོལ་ཏུ་ཕྱིན་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ་ཤ་སྟག་སྟེ། དེ་བཞིན་དུ་ཚུལ་ཁྲིམས་དང་བཟོད་པ་དང་བརྩོན་འགྲུས་དང་བསམ་གཏན་དང་། ཤེས་རབ་
D44.035.0162a01.01ཀྱི་ཕ་རོལ་ཏུ་ཕྱིན་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ་ནས། ཡེ་ཤེས་ཀྱི་ཕ་རོལ་ཏུ་ཕྱིན་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་བར་ལ་རབ་ཏུ་གནས་པ་མངོན་པར་ཤེས་པ་རྒྱ་མཚོ་འཇིག་རྟེན་
D44.035.0162a02.01གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ། སེམས་ཅན་ཡོངས་སུ་སྨིན་པར་བྱ་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ། བྱང་ཆུབ་ཀྱི་ཕྱོགས་ཀྱི་ཆོས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་
D44.035.0162a03.01ཤིན་ཏུ་ཕྲ་བ་སྙེད་ལ་རབ་ཏུ་གནས་པ་ཤ་སྟག་གོ །ཅིའི་ཕྱིར་ཞེ་ན་སྟོང་གི་འཇིག་རྟེན་གྱི་ཁམས་ཀུན་ཏུ་སྤྱོད་པ་དེ་ལ་ཀུན་ཏུ་སྤྱོད་པ་ཞེས་བྱ་ཞེ་ན། འཇིག་རྟེན་གྱི་ཁམས་རྒྱ་མཚོ་མང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དག་ན། ཆོས་ཀྱི་ཁམས་རྒྱ་མཚོ་དང་།
D44.035.0162a04.01འཇིག་རྟེན་གྱི་ཁམས་རྒྱ་མཚོ་དང་། སངས་རྒྱས་ཀྱི་ཁམས་རྒྱ་མཚོ་དང་། བྱང་ཆུབ་སེམས་དཔའི་ཁམས་རྒྱ་མཚོ་དང་། སེམས་ཅན་གྱི་ཁམས་རྒྱ་མཚོ་གང་ཇི་སྙེད་པ་དེ་དག་ཐམས་ཅད་ཀུན་ནས་རྣམ་པར་སྤྱོད་པས་ཀུན་ཏུ་སྤྱོད་པ་དེ་ལ་ཀུན་ཏུ་སྤྱོད་པ་ཞེས་བྱའོ། །དེ་ལྟར་
D44.035.0162a05.01དེ་དག་ལ་སོགས་པ་སྟོང་གི་འཇིག་རྟེན་གྱི་ཁམས་ཀུན་ཏུ་སྤྱོད་པ་དེ་ནི། ཡོན་ཏན་ཚད་མེད་པ་དང་ལྡན་པ་སྟེ། མདོར་ན་སྟོང་གཉིས་ཀྱི་འཇིག་རྟེན་གྱི་ཁམས་ལྷན་ཅིག་སྤྱོད་པ་དེ་ན་ཡོན་ཏན་གང་ཇི་སྙེད་ཡོད་པའི་ཡོན་ཏན་དེ་དག་ནི་སྟོང་གི་འཇིག་རྟེན་གྱི་ཁམས་ཀུན་ཏུ་སྤྱོད་པ་ན་
D44.035.0162a06.01ཡོད་དོ། །སྟོང་གི་འཇིག་རྟེན་གྱི་ཁམས་ཀུན་ཏུ་སྤྱད་པ་ཞེས་བྱ་བ་དེ་ན། གླིང་བཞི་པ་གནས་ཀྱི་དམ་པ་ཞེས་བྱ་བ་མཚེ་མའི་ལྷའི་ལུས་ཀྱི་དབྱིབས་སུ་འདུག་པ་གླིང་བཞི་པའི་འཇིག་རྟེན་གྱི་ཁམས་མང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་དང་ལྡན་པ་
D44.035.0162a07.01