完整藏文原文 · 德格版页 当前仅加载第 35 函德格 333a 版页；藏文 NFD、目录标记与异常页序保留在来源切片中，重复版页行以稳定序号区分。
ཡེ་ཤེས་མཐའ་ཡས་ཤེས་རབ་ཤིན་ཏུ་ཆེ་བ་རྣམས། །ཀུན་ཏུ་སྤྱོད་ཡུལ་ལྡན་པ་དག །ཐམས་ཅད་གཟིགས་པ་དེ་དག་སྤྱོད་འདི་ཡིན། །ཡོན་ཏན་ཀུན་གྱི་མཐར་ཕྱིན་པ། །སེམས་ཅན་ཡངས་པ་གཅིག་ནས་
D44.035.0333a01.01གཅིག་བརྒྱུད་སྒྲོལ་བ་རྣམས། །ཡིད་ནི་ཡོངས་སུ་ཉམས་མེད་པ། །རྟག་ཏུ་བརྩོན་པ་དེ་དག་སྤྱོད་འདི་ཡིན། །ཀུན་མཁྱེན་ཐམས་ཅད་གཟིགས་པ་དག །སངས་རྒྱས་ཐམས་ཅད་དུས་གསུམ་གཤེགས་པ་མགོན་པོ་ཡི། །རིགས་དང་རྒྱུད་
D44.035.0333a02.01དུ་སྐྱེས་པ་རྣམས། །རྒྱལ་སྲས་དེ་དག་སྤྱོད་པ་འདི་ཡིན་ནོ། །རྗེས་སུ་བསྟན་ལ་བརྩོན་བྱེད་པ། །ཕས་ཀྱི་རྒོལ་བའི་ལམ་ལ་འཇིགས་མེད་སྤྱོད་པ་དང་། །མཐའ་ཡས་བློ་ཡི་སྤྱོད་པ་དང་། །སངས་རྒྱས་བྱང་ཆུབ་རྗེས་སུ་ཞུགས་པ་རྣམས། །མཐའ་
D44.035.0333a03.01དབུས་མེད་པ་ཞིང་གི་རྣམས། །ཐམས་ཅད་ཀུན་ཏུ་སྣང་བ་གཅིག་གིས་གསལ་བར་བྱེད། །ཐམས་ཅད་སྣང་བར་བྱེད་པ་རྣམས། །མུན་པ་སེལ་བའི་སྤྱོད་པ་འདི་ཡིན་ནོ། །གང་དུ་རྒྱལ་བས་མཛད་འོས་པ། །དེར་ནི་སེམས་ཅན་ཁྲག་ཁྲིག་ཤིན་
D44.035.0333a04.01ཏུ་འདུལ་བྱེད་ཅིང་། །སངས་རྒྱས་སྐུ་དང་སངས་རྒྱས་ཞིང་། །སངས་རྒྱས་རྒྱན་ཅན་ཁྲག་ཁྲིག་སྣང་བར་བྱེད། །སྤྱོད་པ་དག་ནི་མཐའ་ཡས་ལ། །སུ་གནས་བརྟན་པ་དེ་དག་ཤེས་པར་ཇི་ལྟར་རུང་། །སྤྱད་པ་ཐམས་ཅད་ཤིན་ཏུ་སྟོན། །
D44.035.0333a05.01འགྲོ་བ་སྤྱོད་པ་ཐམས་ཅད་མཐར་ཐུག་བྱེད། །ཆོས་ཀྱི་དབྱིངས་དང་མཉམ་པ་ཡི། །བདག་གི་ལུས་ནི་བརྗོད་དུ་མེད་པར་གྱུར་པ་ཡིས། །དེ་དག་ལེགས་པ་བརྗོད་བྱས་ཀྱང་། །བསྐལ་པ་ཁྲག་ཁྲིག་དག་གིས་མི་
D44.035.0333a06.01ཟད་དོ། །ཡོན་ཏན་ཀུན་ཏུ་མཐའ་ཡས་ཤིང་། །ཡོན་ཏན་མཆོག་རྣམས་ཐམས་ཅད་མཐའ་ཡས་པའི། །ཡོན་ཏན་ཀུན་ནི་བརྗོད་བྱས་ཏེ། །ཐུབ་པས་བསྐལ་པར་གསུངས་ཀྱང་ཟད་མི་འགྱུར། །རང་རྒྱལ་རྣམས་དང་ཉན་ཐོས་ལ། །གཞོལ་
D44.035.0333a07.01