完整藏文原文 · 德格版页 当前仅加载第 35 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་སྣང་བྱེད་པའི་སྤྱོད་ཡུལ་ལོ། །རྒྱལ་བ་ཉིད་ཀྱི་ཆོས་རྣམས་ཟབ་པ་སྟེ། །ཐམས་ཅད་ཆོས་ཀྱི་འགྲོ་བར་རང་བྱུང་ཞིང་། །ངོ་བོ་ཉིད་ཀྱི་ཆོས་ཉིད་སྟོན་པ་མཛད། །དེ་ལ་དྲག་ཤུལ་འོད་ནི་རབ་ཏུ་དགའ། །ལྟ་བའི་མུན་ནག་གཏི་མུག་སྒྲིབ་
D44.035.0040a01.01པ་ཡི། །འཇིག་རྟེན་བག་མེད་འཁྲུགས་པ་ཐམས་ཅད་ལ། །རྒྱལ་བས་ཆོས་ནི་རབ་ཏུ་བསྟན་མཛད་དེ། །དེ་ལ་རྣམ་པར་སྣང་བའི་ལྷ་དགའ་འོ། །རྒྱལ་བའི་སྨོན་ལམ་སྔན་ཅད་བྱུང་བའི་རྣམས། །ཅི་འདྲ་བསམ་གྱིས་ཁྱབ་པར་མི་རུང་སྟེ། །སྟོབས་དང་ཕ་རོལ་
D44.035.0040a02.01ཕྱིན་པས་རྣམ་པར་སྦྱང་། །འོད་འཕྲོ་སྤྲིན་ནི་འདི་ལ་འདི་ལྟར་འཇུག །དེ་ལ་ཆུའི་ལྷ་སྤྲིན་དང་ན་བུན་ཀུན་ཏུ་གྲུབ་པའི་རྒྱལ་མཚན་གྱི་རྣམ་པར་ཐར་པ་ནི། སེམས་ཅན་ཐམས་ཅད་ལ་བྱམས་པའི་ཚུལ་ལ་ཡང་དག་པར་འཇུག་པ་ཞེས་བྱའོ། །ཆུའི་ལྷ་སྤྲིན་སྒྲའི་
D44.035.0040a03.01ཤུགས་རྒྱ་མཚོའི་སྤྲིན་གྱི་རྣམ་པར་ཐར་པ་ནི། ཆོས་ཀྱི་སྤྲིན་མཐའ་ཡས་པ་འབྱུང་བའི་རྒྱན་ཅེས་བྱའོ། །ཆུའི་ལྷ་ཆུ་སྣ་ཚོགས་ཀྱི་གཙུག་ཕུད་ཀྱི་རྣམ་པར་ཐར་པ་ནི། འགྲོ་བ་སྣོད་དུ་གྱུར་པ་ཐམས་ཅད་ལ་རྣམ་པར་ལྟ་ཞིང་། སྡུད་པའི་སྦྱོར་བ་ཞེས་བྱའོ། །ཆུའི་
D44.035.0040a04.01ལྷ་བཟང་པོར་ཁྱིལ་བ་གྲུབ་པའི་དཔལ་གྱི་རྣམ་པར་ཐར་པ་ནི། སངས་རྒྱས་ཀྱི་ཡུལ་ཟབ་མོའི་འོད་ཀྱི་ཆར་པའི་བྱིན་གྱི་རླབ་ཤེས་བྱའོ། །ཆུའི་ལྷ་ཀུན་ནས་སྤོས་དྲི་མ་མེད་པའི་མྱུ་གུའི་དཔལ་གྱི་རྣམ་པར་ཐར་པ་ནི། སངས་རྒྱས་ཀྱི་འོད་དྲི་མ་མེད་པ་རྣམ་པར་ལྟ་བ་
D44.035.0040a05.01ལ་ཡང་དག་པར་འཇུག་པའི་བྱིན་གྱི་རླབ་ཤེས་བྱའོ། །ཆུའི་ལྷ་དབའ་རླབས་ཀྱི་སྒྲ་བསོད་ནམས་སྟེགས་ཀྱི་འོད་ཀྱི་རྣམ་པར་ཐར་པ་ནི། ཆོས་ཀྱི་དབྱིངས་མཚན་ཉིད་མེད་ཅིང་དྲི་མ་མེད་པ་ཞེས་བྱའོ། །ཆུའི་ལྷ་ཚིམ་པར་བྱ་བ་ལ་དབང་བྱེད་པ་ཡོངས་སུ་
D44.035.0040a06.01སྒྲུབ་པའི་རྣམ་པར་ཐར་པ་ནི། སྙིང་རྗེ་རྒྱ་མཚོ་མི་ཟད་པའི་སྒོར་འཇུག་པ་ཞེས་བྱའོ། །ཆུའི་ལྷ་སའི་རྡུལ་སྙེད་ཀྱི་སྒོ་ནས་དབྱངས་འབྱུང་བའི་རྣམ་པར་ཐར་པ་ནི། སངས་རྒྱས་དང་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དུ་དགའ་བའི་ཤུགས་འབྱུང་བའི་
D44.035.0040a07.01