完整藏文原文 · 德格版页 当前仅加载第 35 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
སྦུབས་སུ་དུས་ཀུན་ཏུ། །སངས་རྒྱས་ཞིང་གི་རྡུལ་དང་མཉམ་པ་ཡི། །རྒྱལ་སྲས་ཇི་ཚུལ་འདོད་པ་དེ་བཞིན་དུ། །ཞིང་རྣམས་རྒྱ་མཚོ་དེ་ཚུལ་དག་པར་འགྱུར། །གལ་ཏེ་རྒྱལ་བ་རྣམས་ནི་སྐྱེར་འགྱུར་ན། །ཞིང་རྣམས་རྒྱན་གྱིས་ཤིན་ཏུ་བརྒྱན་
D44.035.0101a01.01པར་འགྱུར། །བསམ་པ་ཡོངས་སུ་དག་བཞིན་རྒྱས་འགྱུར་ཏེ། །འདི་ན་ཞིང་རྒྱན་ཕུན་སུམ་ཚོགས་པའོ། །གལ་ཏེ་རྒྱལ་བ་མྱ་ངན་འདས་གྱུར་ན། །དེ་ཚེ་དེ་ཞིང་རྒྱན་རྣམས་འགྲིབ་པར་འགྱུར། །སེམས་ཅན་རྣམས་ཀྱང་སྣོད་དུ་རུང་བ་མིན། །ཞིང་གི་རྒྱ་མཚོ་དེ་ཡང་ཉོན་མོངས་
D44.035.0101a02.01ལྡན། །སངས་རྒྱས་རྫུ་འཕྲུལ་རྣམ་འཕྲུལ་ཡངས་པ་དག །བསམ་གྱིས་མི་ཁྱབ་གང་ཚེ་སྟོན་པ་ན། །དེ་ཚེ་ཞིང་རྣམས་རྒྱ་མཚོ་མང་པོ་དག །ཀུན་ཀྱང་རྒྱན་གྱིས་རྣམ་པར་བརྒྱན་པར་འགྱུར། །ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོ་ཐ་{མྱི་,མི་}དད་པའི་ཚུལ་
D44.035.0101a03.01ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱ་སྟེ། །དེ་དག་ནི་སངས་རྒྱས་བཅོམ་ལྡན་འདས་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱིས་གསུངས་སོ། །གསུང་ངོ་གསུང་བར་འགྱུར་རོ། །དེ་ནི་
D44.035.0101a04.01འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོ་གཅིག་ཏུ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་ཐ་མི་དད་པ་དང་། འདི་ལྟ་སྟེ། འཇིག་རྟེན་གྱི་ཁམས་རྒྱ་མཚོ་དག་ཏུ་སངས་རྒྱས་སྐྱེ་ཞིང་འབྱུང་བ་ཐ་མི་དད་པ་དང་འདི་ལྟ་སྟེ། འཇིག་རྟེན་གྱི་
D44.035.0101a05.01ཁམས་རྒྱ་མཚོ་དག་གི་སྙིང་པོ་བྱང་ཆུབ་ཐམས་ཅད་ནས་ཆོས་ཀྱི་དབྱིངས་ཀྱི་ཕྱོགས་རྒྱས་པར་འགེངས་པ་ཐ་མི་དད་པ་དང་འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོ་དག་གི་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་ཐ་མི་དད་པ་དང་། འདི་ལྟ་སྟེ་འཇིག་རྟེན་གྱི་
D44.035.0101a06.01ཁམས་རྒྱ་མཚོ་དག་གི་སངས་རྒྱས་ཐམས་ཅད་ཀྱི་འོད་ཀྱི་དཀྱིལ་འཁོར་ཆོས་ཀྱི་དབྱིངས་རྒྱས་པར་འགེངས་པ་ཐ་མི་དད་པ་དང་། འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོ་དག་ཏུ་སངས་རྒྱས་ཐམས་ཅད་ཀྱི་སྤྲུལ་པའི་སྤྲིན་དང་། མཚན་གྱི་འཁོར་ལོ་ཐ་མི་དད་པ་དང་འདི་ལྟ་སྟེ།
D44.035.0101a07.01