完整藏文原文 · 德格版页 当前仅加载第 35 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱི། །དམིགས་པ་ཀུན་གྱི་སྒོ་ནས་ཀྱང་། །ཐམས་ཅད་ཚུལ་ལ་འཇུག་པ་ཡི། །མི་ཟད་ཚུལ་རྣམས་རབ་ཏུ་སྣང་། །ཞིང་གི་རྣམས་ནི་བསམ་མི་ཁྱབ། །རྒྱུད་རྣམས་མི་ཟད་ཤིན་ཏུ་འབྱུང་། །རྒྱན་རྣམས་བསྟན་པ་ཐ་དད་
D44.035.0142a01.01དེ། །དྲང་སྲོང་ཆེན་པོའི་བྱིན་རླབས་སོ། །ཞིང་གི་རྒྱུད་རྣམས་དེ་དག་ན། །འཇིག་རྟེན་བསམ་གྱིས་མི་ཁྱབ་ཁམས། །ཀུན་ནས་འདུ་ཞིང་རྣམ་པར་འཇིགས། །འབྱུང་ཞིང་འཇིག་པར་དེ་བཞིན་འགྱུར། །ཇི་ལྟར་ཤིང་ལ་ལོ་མ་རྣམས། །འབྱུང་ཞིང་ལྷུང་བར་འགྱུར་བ་ལྟར། །དེ་
D44.035.0142a02.01བཞིན་ཞིང་གི་རྒྱུད་རྣམས་ན། །འཇིག་རྟེན་ཁམས་ན་འབྱུང་བ་ཡིན། །ཇི་ལྟར་ཤིང་གི་སྐྱེ་གནས་ནས། །ཤིང་ཏོག་སྣ་ཚོགས་འབྱུང་བ་ལྟར། །དེ་བཞིན་ཞིང་གི་རྒྱུད་རྣམས་ན། །སེམས་ཅན་སྣ་ཚོགས་འབྱུང་བ་ཡིན། །ཇི་ལྟར་ས་བོན་ཁྱད་པར་གྱིས། །འབྲས་བུ་སྣ་ཚོགས་
D44.035.0142a03.01སྣང་བ་ལྟར། །དེ་བཞིན་ལས་ཀྱི་ཁྱད་པར་གྱིས། །སེམས་ཅན་རྣམས་དང་ཞིང་བྱུང་ངོ་། །ཡིད་བཞིན་རིན་ཆེན་རྒྱལ་པོ་རྣམས། །ཁ་དོག་ཀུན་ཏུ་སྣང་བ་ལྟར། །སེམས་ཅན་བསམ་པ་རྣམ་དག་པས། །དེ་བཞིན་ཞིང་རྣམས་རབ་ཏུ་སྣང་། །ཀླུ་ཡི་རྒྱལ་པོའི་སྤྲིན་གྱི་རྣམས། །
D44.035.0142a04.01ནམ་མཁའི་དབྱིངས་ལ་སྟོན་པ་ལྟར། །དེ་བཞིན་སངས་རྒྱས་སྨོན་ལམ་གྱིས། །ཞིང་གི་རྣམས་ནི་འབྱུང་བ་ཡིན། །སྒྱུ་མའི་མཁན་པོ་སྔགས་དག་གིས། །སྒོ་རྣམས་སྣ་ཚོགས་སྟོན་པ་ལྟར། །དེ་བཞིན་སེམས་ཅན་ལས་རྣམས་ཀྱིས། །བསམ་གྱིས་མི་ཁྱབ་ཞིང་འབྱུང་ངོ་། །
D44.035.0142a05.01ཇི་ལྟར་རི་མོའི་གཟུགས་ཀྱི་རྣམས། །རི་མོའི་ལས་ཀྱིས་བྲིས་པ་ལྟར། །དེ་བཞིན་ཞིང་རྣམས་འདི་དག་ཀུན། །སེམས་ཀྱིས་རི་མོར་བྲིས་པ་ཡིན། །སེམས་ཅན་ལུས་ཀྱི་རྣམ་པ་དག །ཇི་ལྟར་སེམས་ཀྱིས་བརྟགས་པ་ལྟར། །དེ་བཞིན་ཞིང་གི་རྣམ་པ་ཡང་། །ཐམས་ཅད་ལས་ཀྱིས་
D44.035.0142a06.01རྣམ་པར་བྲིས། །ཇི་ལྟར་གཞན་དང་གཞན་གཟུགས་སུ། །སེམས་ཅན་རྣམས་ཀྱི་བསམ་པ་བཞིན། །མགོན་པོ་རྣམས་ནི་སྣང་བ་ལྟར། །དེ་བཞིན་ཞིང་རྣམས་སྣང་བའོ། །པདྨོའི་དྲ་བའི་ཕྱི་རོལ་གྱི། །སེམས་ཅན་ཞིང་གི་མཚམས་དག་ན། །དབྱིབས་དང་ཁ་དོག་གཞན་དང་
D44.035.0142a07.01