完整藏文原文 · 德格版页 当前仅加载第 35 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
དབུས་མེད་པར་ཤིན་ཏུ་བསྟན་པ་དཔག་ཏུ་མེད་པ་དག་ཏུ་སངས་རྒྱས་བཅོམ་ལྡན་འདས་གང་ཇི་སྙེད་འབྱུང་བར་འགྱུར་བ་དེ་དག་གི་དགེ་བའི་རྩ་བ་ལ་ཡང་བྱང་ཆུབ་སེམས་དཔའ་དེ་ཡིད་ཆེས་སོ། །ད་ལྟར་བྱུང་བའི་དེ་བཞིན་གཤེགས་པའི་སངས་རྒྱས་ཀྱི་ཡེ་ཤེས་མཐའ་དང་
D44.035.0274b01.01དབུས་མེད་པར་བསྟན་པ། མ་ལུས་པར་མངོན་པར་སངས་རྒྱས་པའི་སངས་རྒྱས་བཅོམ་ལྡན་འདས་དེ་དག་གི་དགེ་བའི་རྩ་བ་ལ་ཡང་བྱང་ཆུབ་སེམས་དཔའ་དེ་ཡིད་ཆེས་ཤིང་ཡོངས་སུ་འཛིན་པར་བྱེད་ཡོངས་སུ་རྒྱས་པར་བྱེད། རབ་ཏུ་འཐོབ་པར་བྱེད།
D44.035.0274b02.01ཁོང་དུ་ཆུད་པར་བྱེད། རབ་ཏུ་རེག་པར་བྱེད། ཤིན་ཏུ་བསྒྲུབ་པར་བྱེད། རྒྱུད་གཅིག་ཏུ་གྱུར་པར་བྱེད། སངས་རྒྱས་ཐམས་ཅད་ཀྱང་མཉམ་པ་ཉིད་དུ་ཁོང་དུ་ཆུད་པར་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་སེམས་བསྐྱེད་པ་དེ་ནི་དེ་བཞིན་གཤེགས་
D44.035.0274b03.01པ་ཐམས་ཅད་ཀྱི་གདུང་རྒྱུན་མི་འཆད་པའི་ཕྱིར་སྐྱེའོ། །འཇིག་རྟེན་གྱི་ཁམས་མ་ལུས་པ་ཐམས་ཅད་རྒྱས་པར་དགང་པའི་ཕྱིར་སྐྱེའོ། །འཇིག་རྟེན་གྱི་ཁམས་ཐམས་ཅད་དུ་གཏོགས་པའི་སེམས་ཅན་ཡོངས་སུ་བསྒྲལ་བའི་ཕྱིར་སྐྱེའོ། །འཇིག་རྟེན་གྱི་ཁམས་
D44.035.0274b04.01ཐམས་ཅད་འདུ་བ་དང་། འཇིག་པ་ཡོངས་སུ་ཤེས་པར་བྱ་བའི་ཕྱིར་སྐྱེའོ། །འཇིག་རྟེན་གྱི་ཁམས་ཐམས་ཅད་དུ་གཏོགས་པའི་སེམས་ཅན་རྣམས་ཀྱི་ཀུན་ནས་ཉོན་མོངས་པ་དང་། རྣམ་པར་བྱང་བ་ཡོངས་སུ་ཤེས་པར་བྱ་བའི་ཕྱིར་སྐྱེའོ། །
D44.035.0274b05.01འཇིག་རྟེན་གྱི་ཁམས་ཐམས་ཅད་ཀྱི་སྲིད་པ་གསུམ་ཡོངས་སུ་དག་པ་ཡོངས་སུ་ཤེས་པར་བྱ་བའི་ཕྱིར་སྐྱེའོ། །སེམས་ཅན་ཐམས་ཅད་ཀྱི་བསམ་པ་དང་བག་ལ་ཉལ་བ་དང་། བག་ཆགས་ཐམས་ཅད་ཡོངས་སུ་ཤེས་པར་བྱ་བའི་ཕྱིར་སྐྱེའོ། །སེམས་ཅན་
D44.035.0274b06.01ཐམས་ཅད་ཀྱི་ཤི་འཕོ་དང་། སྐྱེ་བ་ཡོངས་སུ་ཤེས་པར་བྱ་བའི་ཕྱིར་སྐྱེའོ། །སེམས་ཅན་ཐམས་ཅད་ཀྱི་དབང་པོ་དང་། སྦྱོར་བ་ཡོངས་སུ་ཤེས་པ་བྱ་བའི་ཕྱིར་སྐྱེའོ། །སེམས་ཅན་ཐམས་ཅད་ཀྱི་སེམས་དང་སྤྱོད་པ་ཡོངས་སུ་ཤེས་པར་
D44.035.0274b07.01