完整藏文原文 · 德格版页 当前仅加载第 35 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
སོང་སྐྱེ་གནས་སུ། །ལུས་ནི་མངོན་པར་འབྱུང་འགྱུར་ཏེ། །བདག་གི་ལས་ཀྱི་ཉེས་པ་ཡིས། །སྡུག་བསྔལ་ཚོར་བ་རབ་ཏུ་མྱོང་། །གཤིན་རྗེའི་འཇིག་རྟེན་རྣམས་ནའང་སྣང་། །སྐོམ་དང་བཀྲེས་པས་རབ་ཏུ་མནར། །{མྱེ་,མེ་}ཡི་རི་ཡི་གདུང་བ་ཡིས། །
D44.035.0143a01.01སྡུག་བསྔལ་ཚོར་བའང་མྱོང་བར་འགྱུར། །ལ་ལ་རིན་ཆེན་བདུན་ལས་བྱུང་། །ལ་ལ་སྣ་ཚོགས་གཟུགས་སུ་གནས། །དགེ་བའི་ལས་ཀྱིས་བྱུང་བ་སྟེ། །སྣ་ཚོགས་ཁྱིམ་གྱིས་རབ་ཏུ་བརྒྱན། །མི་དང་ལྷ་རྣམས་ལ་ལ་ནི། །མཐོ་རིས་དག་གི་འཇིག་རྟེན་ན། །དགེ་བའི་བསོད་ནམས་
D44.035.0143a02.01འབྲས་བུར་ལྡན། །དགའ་བདེ་མྱོང་བ་དེ་དག་ལྟོས། །སྤུའི་རྩེ་མོ་གཅིག་ལ་ཡང་། །ཞིང་རྣམས་བྱེ་བ་བསམ་མི་ཁྱབ། །སྣ་ཚོགས་དབྱིབས་ཀྱང་ཐ་དད་དེ། །དེ་དག་འདྲེས་པ་གང་ཡང་མེད། །རང་རང་སོ་སོའི་ལས་ཀྱིས་ན། །སེམས་ཅན་ཁམས་རྣམས་བསམ་མི་ཁྱབ། །འདུ་
D44.035.0143a03.01ཤེས་སྣ་ཚོགས་འཛིན་པ་རྣམས། །བདེ་དང་སྡུག་བསྔལ་ཉམས་སུ་མྱོང་། །ཞིང་རྣམས་ལ་ལ་མཐའ་ཡས་འོད། །སེམས་ཅན་མང་དོན་ཀུན་ནས་གནས། །ཡོངས་འབྱུང་རྡོ་རྗེ་ཨུཏྤ་ལ། །སྣ་ཚོགས་རྣམ་དག་དྲི་མ་མེད། །ཞིང་རྣམས་ལ་ལ་འོད་ཟེར་དངོས། །འོད་ཀྱི་འཁོར་ལ་ཀུན་
D44.035.0143a04.01ནས་གནས། །ཙན་དན་གསེར་ལས་ཡོངས་སུ་བྱུང་། །འོད་འཕྲོ་སྤྲིན་གྱི་མདོག་དང་མཉམ། །ཞིང་རྣམས་ལ་ལ་ཉི་ཟླའི་དངོས། །སྤོས་ཀྱི་གོས་ཀྱིས་ཀུན་ནས་ཡོག །ལ་ལ་པད་མོ་གཅིག་ལ་སྟེ། །བྱང་ཆུབ་སེམས་དཔས་ཡོངས་སུ་རྒྱས། །ལ་ལ་མཚན་གྱི་མདོག་དང་འོད། །
D44.035.0143a05.01ཞིང་རྣམས་རིན་ཆེན་དྲི་མ་མེད། །མིག་འཕྲུལ་འོད་ཀྱང་རབ་ཏུ་འགྱེད། །འོད་ཟེར་དྲ་བས་སྣང་བར་བྱས། །ཞིང་རྣམས་ལ་ལ་རྡོ་རྗེ་དང་། །པད་མོའི་དངོས་སུ་སྤོས་ལ་གནས། །ལ་ལ་ནོར་བུའི་འོད་ཀྱང་ཡིན། །ཞིང་རྣམས་ཡོངས་སུ་དག་ལ་ལྟོས། །མེ་ཏོག་གློང་ལས་ལ་
D44.035.0143a06.01ལ་བྱུང་། །བསམ་གྱིས་མི་ཁྱབ་ཞིང་ལ་ལྟོས། །སངས་རྒྱས་སྤྲུལ་པས་ཀུན་ཏུ་ཁྱབ། །བྱང་ཆུབ་སེམས་དཔའི་འོད་དང་མཉམ། །ལ་ལ་མེ་ཏོག་ཤིང་རྣམས་དང་། །ལོ་མའི་དཀྱིལ་འཁོར་སྣ་ཚོགས་ཏེ། །ནོར་བུའི་སྤྲིན་གྱིས་ཀུན་ཏུ་ཁྱབ། །ཞིང་གི་དཀྱིལ་འཁོར་རྣམ་པར་
D44.035.0143a07.01