完整藏文原文 · 德格版页 当前仅加载第 35 函德格 318b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འཇུག་པ་གནས་མེད་པས་ཕྱི་མའི་མཐའི་བསྐལ་པའི་མུར་ཐུག་པའི་བསྐལ་པར་བྱང་ཆུབ་སེམས་དཔའི་སྤྱད་པ་སྤྱོད་དོ། །དེ་ཅིའི་ཕྱིར་ཞེ་ན། འདི་ནི་བྱང་ཆུབ་སེམས་དཔའ་འདི་ལྟར་སེམས་བསྐྱེད་དོ། །བདག་གིས་ཆོས་ཀྱི་དབྱིངས་ཐམས་ཅད་སྒྱུ་མ་ལྟ་
D44.035.0318b01.01བུར་ཤེས་པར་བྱའོ། །བདག་གིས་སངས་རྒྱས་ཐམས་ཅད་(བ་,བལྟར་)མེད་པའི་ཚུལ་དུ་མིག་ཡོར་ལྟ་བུར་ཤེས་པར་བྱའོ། །བྱང་ཆུབ་སེམས་དཔའི་སྤྱོད་པ་གནས་མེད་པའི་ཕྱིར། རྨི་ལམ་ལྟ་བུར་ཤེས་པར་བྱའོ། །བདག་གིས་དེ་བཞིན་གཤེགས་
D44.035.0318b02.01པ་རྣམས་ཀྱི་ཆོས་བསྟན་པ་བྲག་ཆ་ལྟ་བུར་ཤེས་པར་བྱའོ། །བདག་གིས་ལས་ཀྱི་རྣམ་པར་ཤེས་པའི་མཐུ་ལས་བྱུང་བས་འཇིག་རྟེན་ཐམས་ཅད་སྤྲུལ་པ་ལྟ་བུར་ཤེས་པར་བྱའོ། །བདག་གིས་སྤྱོད་པའི་མཐུ་ལས་བྱུང་བས་ལུས་ནི་ཡིད་ཀྱི་རྒྱུ་
D44.035.0318b03.01ལས་བྱུང་བར་ཤེས་པར་བྱའོ། །བདག་གིས་སྣ་ཚོགས་དང་འདྲེས་པའི་ཕྱིར་འགྲོ་བ་ཐམས་ཅད་ནི་སེམས་ལྟ་བུར་ཤེས་པར་བྱའོ། །རྣམ་པར་འགྱུར་བ་མེད་པས་བདག་གིས་ཆོས་ཐམས་ཅད་ནི་ཡང་དག་པའི་མཐའ་དང་མཉམ་པར་བསྟན་པར་བྱའོ། །
D44.035.0318b04.01བདག་གིས་ཕྱོགས་བཅུར་སེམས་བསྐྱེད་པས་རྒྱས་པར་བཀང་སྟེ། ཆོས་ཀྱི་དབྱིངས་ཀྱིས་ཀླས་པ། ནམ་མཁའི་མཐས་གཏུགས་པའི་བྱང་ཆུབ་སེམས་དཔའི་སྤྱོད་པ་ལ་གནས་པར་བྱའོ། །བདག་གིས་སེམས་ཡངས་པར་བསྒྱུར་བ་དང་།
D44.035.0318b05.01དྲན་པ་གནས་མེད་པས། སངས་རྒྱས་ཀྱི་ཆོས་ཁོང་དུ་ཆུད་ཅིང་། མཁས་པ་སེམས་ཀྱི་སྐད་ཅིག་གཅིག་གིས་ཐོབ་པར་བྱའོ་ཞེས། དེ་ལྟར་བྱང་ཆུབ་སེམས་དཔའ་དེ་བདག་དང་སངས་རྒྱས་ལ་བདག་མེད་པའི་ཚུལ་གྱིས་ཡང་དག་པར་བལྟ་ཞིང་།
D44.035.0318b06.01སེམས་ཅན་ཆགས་པ་མེད་པའི་མཐར་ཕྱིན་པ། ཚིག་གི་ལམ་གྱི་ས་ལ་སྨིན་པར་བྱེད་པའི་ཚེ་དགའ་བ་མཐའ་ཡས་པ་ཐོབ་པོ། །སངས་རྒྱས་དང་རྫོགས་པའི་སངས་རྒྱས་ཀྱི་ཆོས་ལ་མོས་པ། ཚད་མེད་པ་ཡང་ཡང་དག་པར་རབ་ཏུ་འཐོབ་པོ།
D44.035.0318b07.01