完整藏文原文 · 德格版页 当前仅加载第 35 函德格 294b 版页；藏文 NFD、目录标记与异常页序保留在来源切片中，重复版页行以稳定序号区分。
རྟོགས་པར་བྱེད་པ་དང་། སངས་རྒྱས་ཀྱི་ཞིང་གི་རྒྱན་ཀུན་ནས་ཉོན་མོངས་པ་མེད་པ་དང་། འོད་ཀྱི་རྒྱན་འོད་ཟེར་གྱི་དྲ་བ་མཐའ་དང་དབུས་མེད་པ་བཀྱེ་བས་འགྲོ་བ་ཐམས་ཅད་སྣང་བར་བྱེད་པ་དང་། འཁོར་གྱི་དཀྱིལ་འཁོར་གྱི་རྒྱན་སེམས་ཅན་གྱི་རྣམ་པ་ཚད་མེད་པའི་
D44.035.0294b01.01ཚོགས་ཡོངས་སུ་མགུ་བར་བྱེད་པ་དང་། རྫུ་འཕྲུལ་རྣམ་པར་འཕྲུལ་པའི་རྒྱན་སེམས་ཅན་གྱི་བསམ་པ་ཇི་ལྟ་བ་བཞིན་དུ་རྫུ་འཕྲུལ་གྱིས་རྣམ་པར་འཕྲུལ་པ་དང་། བསྟན་པའི་རྒྱན་མཁས་པའི་སྐྱེ་བོ་ཐམས་ཅད་ཀྱིས་ཡོངས་སུ་གཟུང་བ་དང་། མྱ་ངན་ལས་
D44.035.0294b02.01འདས་པའི་རྒྱན་མངོན་པར་སངས་རྒྱས་པ་གཅིག་གིས་ཕྱོགས་བཅུ་མ་ལུས་པར་རྒྱས་པར་འགེངས་པ་དང་། ཆོས་བྱིན་གྱིས་བརླབས་པའི་རྒྱན་ཡུལ་དང་། དུས་དང་སྣོད་ཇི་ལྟ་བ་བཞིན་དུ་སྟོན་པ་དག་སྟེ། དེ་དག་རྒྱན་དེ་ལྟ་བུས་སེམས་བསྐྱེད་པ་
D44.035.0294b03.01ཐམས་ཅད་དུ་མངོན་པར་བསྒྲུབ་པས་ལུས་དང་ངག་དང་ཡིད་ཀྱི་ལས་དོན་ཡོད་པ་དང་། ཡེ་ཤེས་ཆེན་པོ་དོན་ཡོད་པ་རབ་ཏུ་འཐོབ་སྟེ། དེ་དག་མཐོང་བས་ཀྱང་འདི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨྱིན་པར་འགྱུར་བའི་ཕྱིར་
D44.035.0294b04.01སེམས་ཅན་རྣམས་ལ་དོན་ཡོད་པ་ཡིན་ཏེ། ཐོས་པ་དང་བསྙེན་བཀུར་བ་དང་། འགྲོགས་པ་དང་། རྗེས་སུ་དྲན་པ་དང་། རྗེས་སུ་རབ་ཏུ་བྱུང་བ་དང་། ཆོས་སྟོན་པ་དང་། དགེ་བའི་རྩ་བ་ལ་རྗེས་སུ་ཡིད་རང་བ་དང་། དད་ཅིང་མོས་པ་དང་། ཆུང་ངུ་ན་
D44.035.0294b05.01མིང་བརྗོད་པ་ཙམ་ཡང་འདི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨྱིན་པའི་ཕྱིར་སེམས་ཅན་རྣམས་ལ་དོན་དུ་འགྱུར་བ་ཡིན་ནོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན་རྩིའི་མིང་མཐོང་ན་བདེ་བ་ཞེས་བྱ་བ་དེ་མཐོང་མ་ཐག་ཏུ་སེམས་ཅན་
D44.035.0294b06.01རྣམས་ཀྱི་ལུས་ལ་ཞེན་པའམ་ལྟོར་ཟོས་པའི་དུག་རབ་ཏུ་ཞི་བར་འགྱུར་རོ། །ཀྱེ་རྒྱལ་བའི་སྲས་དེ་བཞིན་དུ་ཆོས་དེ་ལྟ་བུ་དང་ལྡན་པའི་བྱང་ཆུབ་སེམས་དཔའ་ཡང་མཐོང་མ་ཐག་ཏུ་སེམས་ཅན་རྣམས་ཀྱི་ཉོན་མོངས་པའི་དུག་ཐམས་ཅད་བྱང་བར་འགྱུར་ཏེ། ཆོས་དཀར་
D44.035.0294b07.01