完整藏文原文 · 德格版页 当前仅加载第 35 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དེ་ལ་དགའ་བས་ཉན། །རྒྱལ་བའི་སྐུ་ནི་རབ་ཏུ་ཞི་བ་ལྟོས། །སྐུ་གཟུགས་དུ་མའང་མཚན་ཉིད་མི་མངའ་སྟེ། །འགྲོ་བ་ཀུན་ནའང་བཞུགས་པར་རབ་ཏུ་སྣང་། །མེ་ཏོག་གཙུག་གིས་ཇི་བཞིན་ཉིད་དུ་མཐོང་། །འདྲེན་པའི་ཆོས་ཉིད་བསམ་གྱིས་མི་ཁྱབ་སྟེ། །སེམས་
D44.035.0052b01.01ཅན་དེ་དག་དད་པ་ཅི་བཞིན་དུ། །ལ་ལ་བཞུགས་དང་བཞེངས་དང་གཤེགས་པར་མཐོང་། །དེ་ཡང་སྤྱོད་ལམ་འབྱུང་བའི་ལྷས་མཐོང་ངོ་། །རྒྱལ་བའི་ཚེམས་ཀྱི་མཚམས་རྣམས་ཐམས་ཅད་ནས། །དྲི་ཞིམ་འོད་འཕྲོ་སྒྲོན་མའི་སྤྲིན་བཀྱེ་བས། །འགྲོ་བ་ཀུན་གྱི་ཉོན་
D44.035.0052b02.01མོངས་ཞི་བར་འགྱུར། །དྲི་མེད་སྤོས་ཀྱི་སྤྲིན་གྱིས་དེ་མཐོང་ངོ་། །སངས་རྒྱས་མགོན་པོ་འགྲོ་བའི་སྐྱབས་སུ་བྱུང་། །ཉོན་མོངས་ཤིན་ཏུ་སྡུག་བསྔལ་གཟིར་བ་རྣམས། །མགུ་བར་མཛད་ཅིང་ཉོན་མོངས་ཐམས་ཅད་བསལ། །སྣང་བའི་ཕྲེང་བ་འཆང་བས་
D44.035.0052b03.01འདི་མཐོང་ངོ་། །འདྲེན་པ་བསྐལ་པ་བརྒྱར་ཡང་ཤིན་ཏུ་དཀོན། །རང་བྱུང་འཇིག་རྟེན་དོན་མཛད་སྐྱེས་པ་ནི། །འཇིག་རྟེན་ཀུན་གྱི་དབུལ་བ་རྣམ་པར་སེལ། །ཁྲེལ་ཡོད་དཔལ་གྱི་འོད་སྣང་དེ་སྐད་སྨྲ། །སེམས་ཅན་ཉོན་མོངས་སྒྲིབ་པས་ཉོན་མོངས་ཤིང་། །
D44.035.0052b04.01བདུད་ཀྱི་ལས་ཀྱིས་དཀྲུགས་ཏེ་འཕྱེན་པའི་རྣམས། །དེ་དག་རྒྱལ་བ་རྣམ་ཐར་ལམ་སྟོན་ཏེ། །སྲུང་ཞིང་སྐྱོང་བའི་དཔལ་གྱིས་དེ་མཐོང་ངོ་། །དེ་བཞིན་གཤེགས་པའི་རྣམ་པར་འཕྲུལ་པ་ལྟོས། །སངས་རྒྱས་སྤྲིན་གྱིས་ཆོས་ཀྱི་དབྱིངས་མནན་ཅིང་། །འཇིག་
D44.035.0052b05.01རྟེན་དབང་པོ་གནས་སུ་སེམས་ཅན་འདུལ། །ཀུན་སྒོའི་མིག་གི་དཔལ་གྱི་སྤྱོད་ཡུལ་ལོ། །དེ་ལ་ལག་ན་རྡོ་རྗེ་མཐུ་ཆེན་ཁ་དོག་བཟང་པོའི་འོད་ཀྱི་རྣམ་པར་ཐར་པ་ནི། ཡོན་ཏན་མཐའ་ཡས་པ་དང་། གཟུགས་ཀྱི་སྐུ་རྣམ་པར་དཔྱོད་པ་ཡང་དག་པར་སྟོན་པ་ཞེས་བྱའོ། །
D44.035.0052b06.01ལག་ན་རྡོ་རྗེ་ཉི་མའི་ཤུགས་ཀྱི་རྒྱལ་མཚན་གྱི་རྣམ་པར་ཐར་པ་ནི། སངས་རྒྱས་ཐམས་ཅད་ཀྱི་བ་སྤུ་ལས་ཉི་མའི་དཀྱིལ་འཁོར་གྱི་སྤྲིན་སྣ་ཚོགས་ཀྱི་རྒྱན་འབྱུང་བ་ཞེས་བྱའོ། །ལག་ན་རྡོ་རྗེ་རི་རབ་མེ་ཏོག་འོད་ཀྱི་རྣམ་པར་ཐར་པ་ནི། རྣམ་པར་འཕྲུལ་པ་རྒྱ་ཆེན་པོ་བསྟན་པས།
D44.035.0052b07.01