完整藏文原文 · 德格版页 当前仅加载第 35 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ཐབས་གཅིག་སྟེ། འདི་ལྟར་ལྷའི་རྒྱལ་པོ་རབ་དགའ་ལྡན་དང་། དགའ་བ་རྒྱ་མཚོའི་གཙུག་ཕུད་དང་། ཡོན་ཏན་མཆོག་གི་རྒྱལ་མཚན་དང་། འོད་ཟེར་ཞི་བའི་འོད་དང་། རབ་ཏུ་དགའ་བའི་མིག་དང་། རིན་ཆེན་འོད་ཟེར་ཟླ་བ་དང་། རྣམ་པར་གནོན་པས་རབ་ཏུ་
D44.035.0011a01.01བརྩོན་པ་དང་། རྡོ་རྗེའི་མདོག་གི་འོད་བཟང་པོ་དང་། སྐར་མས་རྒྱན་པའི་དཔལ་དང་། ལྷའི་བུ་དགའ་བ་བཟང་པོ་སྣ་ཚོགས་དང་། དེ་དག་ལ་སོགས་པ་དགའ་ལྡན་གྱི་ལྷའི་རྒྱལ་པོ་བསམ་གྱིས་མི་ཁྱབ་པ་ཀུན་ཀྱང་། སངས་རྒྱས་གཅིག་ནས་གཅིག་ཏུ་འབྱུང་བ་ཐམས་ཅད་རྗེས་སུ་དྲན་པར་ཡིད་ལ་བྱ་
D44.035.0011a02.01བ་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་གོ །འཕྲུལ་དགའི་ལྷའི་རྒྱལ་པོ་མུ་མེད་པ་དག་དང་ཡང་ཐབས་གཅིག་སྟེ། འདི་ལྟར་ལྷའི་རྒྱལ་པོ་རབ་འཕྲུལ་དགའ་དང་། སྒྲས་ཞི་བའི་འོད་དང་། སྟོབས་ཀྱི་འཕྲུལ་པའི་སྒྲའི་འོད་དང་། དབང་ཆེན་སྣ་ཚོགས་དང་། སྤྲིན་སྒྲ་ཤིན་ཏུ་
D44.035.0011a03.01འཕགས་པ་དང་། སྣང་བའི་སྤྱོད་པའི་དཔལ་དང་། གཙུག་ཕུད་ཡིད་དུ་འོང་བའི་འོད་དང་། དགའ་བའི་བློ་གྲོས་དང་། མེ་ཏོག་འོད་ཀྱི་གཙུག་ཕུད་དང་། ལྷའི་རྒྱལ་པོ་ཕྱོགས་ཤིན་ཏུ་སྣང་བ་དང་། དེ་དག་ལ་སོགས་པ་འཕྲུལ་དགའི་ལྷའི་རྒྱལ་པོ་མུ་མེད་པ་ཀུན་ཀྱང་རྣམ་པར་ཐར་པ་
D44.035.0011a04.01རབ་ཏུ་ཞི་བས་སེམས་ཅན་ཐམས་ཅད་གདུལ་བ་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་གོ །ལྷའི་རྒྱལ་པོ་དབང་སྒྱུར་ལ་སོགས་པ་བགྲང་དུ་མེད་པ་དག་དང་ཡང་ཐབས་གཅིག་སྟེ། འདི་ལྟར་ལྷའི་རྒྱལ་པོ་དབང་སྒྱུར་དང་། ལྷའི་རྒྱལ་པོ་མིག་བཟང་པོའི་བློ་གྲོས་དང་། ཅོད་པན་སྣ་ཚོགས་
D44.035.0011a05.01ཀྱི་རྒྱལ་མཚན་དང་། བརྩོན་པའི་བློ་གྲོས་དང་། གོ་འཕང་རྣམ་པར་གནོན་པའི་སྒྲ་དབྱངས་སྣ་ཚོགས་དང་། འོད་ཡིད་དུ་འོང་བའི་རྒྱལ་མཚན་དང་། སྤྱོད་ཡུལ་ཞི་བའི་སྒོ་དང་། འཁོར་ལོའི་རི་མོ་བཟང་པོའི་རྒྱལ་མཚན་དང་། མེ་ཏོག་བློ་གྲོས་སེང་གེའི་དབང་ཕྱུག་དང་། ལྷའི་རྒྱལ་
D44.035.0011a06.01པོ་དབང་པོའི་སྟོབས་རི་མོ་བཟང་པོའི་འོད་དང་། དེ་དག་ལ་སོགས་པ་དབང་སྒྱུར་གྱི་ལྷའི་རྒྱལ་པོ་བགྲང་དུ་མེད་པ་ཀུན་ཀྱང་། ཆོས་ཀྱི་དབང་རྒྱ་ཆེན་པོ་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་གོ །བསམ་གྱིས་མི་ཁྱབ་པའི་ཚངས་པ་ཆེན་པོ་དག་དང་ཡང་ཐབས་གཅིག་སྟེ།
D44.035.0011a07.01