完整藏文原文 · 德格版页 当前仅加载第 35 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་གཟི་བརྗིད་དག་ཅིང་ཡངས་པས་རྣམ་པར་སྣང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཨིནྡྲ་ནཱི་ལའི་དབྱིབས་ལྟར་འདུག་པ་སྐར་མདའ་ལྟར་སྣང་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་
D44.035.0138b01.01ཡིད་དུ་འོང་བར་གྲམ་བུའི་ནོར་བུ་མུ་ཏིག་རྣམ་པར་སྣང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་དབྱངས་ཀྱིས་ཀུན་ཏུ་སྒྲོག་པའི་ང་རོ་ལ་དགའ་བ་ཞེས་བྱ་བ་རབ་ཏུ་གནས་ཏེ། དེ་དག་ལ་{སྩོགས་,སོགས་}པ་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་
D44.035.0138b02.01ཕྱི་རོལ་ཁོར་ཡུག་གི་མཚམས་ན་སྤོས་ཆུའི་རྒྱ་མཚོ་ཨིནྡྲ་ནཱི་ལ་རབ་ཏུ་འགྱེད་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཕྱོགས་ཀུན་ཏུ་སྣང་ཞིང་ཐ་མི་དད་པ་ཞེས་བྱ་བ། བྱང་ཆུབ་སེམས་དཔའ་ཐམས་ཅད་ཀྱི་ཆོས་ཡང་དག་པར་འབྱུང་བར་ང་རོ་སྒྲོག་པའི་ལྷུན་ཅན་རབ་ཏུ་
D44.035.0138b03.01གནས་ཏེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་དགེ་བ་དམ་པའི་སྙིང་པོ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་མཆོག་གི་བློ་གྲོས་དམ་པ་ཞེས་བྱ་
D44.035.0138b04.01བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་དབུས་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་ཡང་དག་པར་གནས་པའི་རྒྱན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་
D44.035.0138b05.01པ་འོད་ལྷག་པར་འཕགས་པས་རབ་ཏུ་སྣང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་བཻ་ཌཱུརྱས་བསྒྲུབས་པ་ཀུན་ནས་འཁོར་ལོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་
D44.035.0138b06.01རི་རབ་མར་མེ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཀྱི་རྒྱུད་ཀྱི་ཐོག་མ་ལ་འཇིག་རྟེན་གྱི་ཁམས་མེ་ཏོག་གི་རྒྱ་མཚོ་རྒྱལ་མཚན་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ།
D44.035.0138b07.01