完整藏文原文 · 德格版页 当前仅加载第 35 函德格 175b 版页；藏文 NFD、目录标记与异常页序保留在来源切片中，重复版页行以稳定序号区分。
ས་མང་རྒྱ་མཚོ་འདི་དག་ཐོབ་མ་གྱུར། །ད་ནི་སངས་རྒྱས་སྤྲིན་ལས་བསྒྲུབ་པ་ཡི། །ས་མང་རྒྱ་མཚོ་དམྱིག་ཀྱང་ཐོབ་པར་གྱུར། །བྱང་ཆུབ་དོན་དུ་ཕྱོགས་རྣམས་ཀུན་དབྱིངས་སུ། །རྣ་བས་སྤྱོད་པ་དམ་པ་སྤྱོད་པར་བགྱི། །སྣ་ཡི་ཁམས་
D44.035.0175b01.01ཀྱིས་རང་རྒྱལ་ས་ཐོབ་སྟེ། །རྟེན་འབྲེལ་འབྱུང་བའི་ཆོས་རྣམས་རྟོགས་པར་གྱུར། །ལྕེས་ཀྱང་ཉན་ཐོས་ས་མང་རྒྱ་མཚོ་ཐོབ། །དེས་ནི་ཞི་བའི་བདེ་བ་ཐོབ་པར་གྱུར། །ལུས་ཀྱིས་ས་མང་རྒྱ་མཚོ་ཐོབ་པས་ན། །བསྒྲུབ་པ་སྣ་ཚོགས་རབ་ཏུ་བསྒྲུབ་པར་བགྱི། །ཡིད་
D44.035.0175b02.01ཀྱིས་དུས་གསུམ་ཆོས་མང་རྒྱ་མཚོ་རྣམས། །འཚལ་བར་གྱུར་པས་གཞན་ལ་བསྟན་པར་བགྱི། །དེ་བཞིན་གཤེགས་པ་རྨད་ག་ཅད་ཀྱི་ལེའུ་སྟེ་བཅུ་གཅིག་པའོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་བཅོ་ལྔ་པ། བཅོམ་ལྡན་འདས་ཐོག་
D44.035.0175b03.01མ་མངོན་པར་སངས་རྒྱས་པ་མ་ག་དྷའི་ཆོས་ཀྱི་དགོན་པའི་སྙིང་པོ་བྱང་ཆུབ་ན་བཞུགས་ཏེ། བློ་ཤིན་ཏུ་རྣམ་པར་དག་པ། །{མྱི་,མི་}གཉིས་པས་ཡང་དག་པར་སྤྱོད་པ། ཆོས་མཚན་ཉིད་{མྱེད་,མེད་}པ་ལ་ཤིན་ཏུ་གཞོལ་བ། སངས་རྒྱས་ཀྱི་རྣམ་པར་སྤྱོད་པས་སངས་རྒྱས་ཐམས་ཅད་དང་།
D44.035.0175b04.01མཉམ་པ་ཉིད་བརྙེས་པ། སྒྲིབ་པ་{མྱེད་,མེད་}པས་རྟོགས་པར་ཐུགས་སུ་ཆུད་པ། ཕྱིར་{མྱི་,མི་}ལྡོག་པའི་ཆོས་ཅན་སྤྱོད་ཡུལ་འཕྲོགས་པ་{མྱེད་,མེད་}པ། རྣམ་པར་དགོད་པ་བསམ་གྱིས་{མྱི་,མི་}ཁྱབ་པ། དུས་གསུམ་མཉམ་པ་ཉིད་ལ་ཤིན་ཏུ་བྱུང་བ། ཕོ་བྲང་ཀུན་ཏུ་འོད་ན་སེང་གེའི་ཁྲི་པདྨོའི་
D44.035.0175b05.01སྙིང་པོ་ཅན་ལ་བཞུགས་ཏེ། བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀུན་ཀྱང་སྐྱེ་བ་གཅིག་གིས་ཐོགས་པ་འཇིག་རྟེན་གྱི་ཁམས་གཞན་དང་གཞན་ནས་འདུས་པ། སེམས་ཅན་གྱི་ཁམས་ལ་དཔྱོད་པ་ཆོས་ཀྱི་དབྱིངས་ལ་དཔྱོད་པ། འཇིག་
D44.035.0175b06.01རྟེན་གྱི་ཁམས་ལ་དཔྱོད་པ། མྱ་ངན་ལས་འདས་པའི་དབྱིངས་ལ་དཔྱོད་པ། ལས་ཀྱི་རྣམ་པར་སྨིན་པ་ལ་དཔྱོད་པ། བསམ་པའི་རྒྱུད་ལ་དཔྱོད་པ། དོན་དང་ཡི་གེ་ལ་དཔྱོད་པ། འཇིག་རྟེན་པ་དང་འཇིག་རྟེན་ལས་འདས་པ་ལ་དཔྱོད་པ། འདུས་བྱས་དང་།
D44.035.0175b07.01