完整藏文原文 · 德格版页 当前仅加载第 35 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་གནོན་པ་ཡི། །འོད་ཟེར་འོད་བྱེད་རབ་ཏུ་དགྱེ་བྱས་ཤིང་། །མུན་པ་ཀུན་དང་རྡུལ་རྣམས་ཀུན་བསྩལ་ཏེ། །འཇིག་རྟེན་ཕན་པའི་འོད་དེ་རབ་ཏུ་སྣང་། །འོད་དེས་སེམས་ཅན་ཇི་སྙེད་ཡོངས་བསྐུལ་བ། །དེ་དག་རྒྱལ་བ་མཆོད་ཕྱིར་མེ་མར་འཛིན། །
D44.035.0227b01.01རྒྱལ་བ་མཆོད་ཕྱིར་{མྱེ་,མེ་}མར་བཟུང་བྱས་པས། །འཇིག་རྟེན་སྒྲོན་མ་མཛད་པའི་རྒྱལ་བར་འགྱུར། །འབྲུ་མར་མེ་མར་མར་གྱི་མེ་མར་དང་། །ཤིང་དང་རྩྭ་དང་སྨིག་མ་སྤ་ཡི་སྒྲོན། །སྤོས་དང་རོ་མཆོག་རིན་ཆེན་སྒྲོན་མ་དག །རྒྱལ་བ་རྣམ་གསོལ་འོད་བྱེད་དེ་ཐོབ་བོ། །འོད་
D44.035.0227b02.01ཟེར་སྒྲོལ་ཞེས་བྱ་བ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །དེ་དག་སྲེད་པ་རྣམ་ཡངས་སྲེད་པའི་མཚོར། །སེམས་ཅན་བསྒྲལ་དོན་གོ་ཆ་བརྟན་པ་གྱོན། །གང་རྣམས་སྲེད་པའི་རྣམ་ཡངས་སྲིད་པའི་མཚོར། །སེམས་ཅན་བསྒྲལ་ཕྱིར་གོ་ཆ་
D44.035.0227b03.01བརྟན་གྱོན་པ། །དེ་དག་ཆུ་བོ་བཞི་ལས་སྒྲོལ་བར་བྱེད། །མྱ་ངན་མེད་པ་བདེ་བའི་གྲོང་ཡང་སྟོན། །སྟེགས་དང་ཟམ་པ་གཅིག་སྨིན་བྱས་པ་དང་། །ཆུ་ཀླུང་ལམ་ལ་སྒྲོལ་བའི་གྲུ་བྱིན་ཏེ། །འདུས་བྱས་སུན་ཕྱུང་ཞི་བ་བསྔགས་པས་ན། །དེས་ནི་སྒྲོལ་བའི་འོད་ཟེར་དེ་གྲུབ་
D44.035.0227b04.01བོ། །འོད་ཟེར་སྐོམ་པ་སེལ་བ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །འདོད་པའི་ཡོན་ཏན་སྐོམ་པ་རབ་སྤངས་ཤིང་། །ཆོས་ཀྱིས་རྣམ་གྲོལ་རོ་ལ་དོན་དུ་གཉེར། །འདོད་པའི་ཡོན་ཏན་སྐོམ་པ་རབ་སྤངས་ཏེ། །ཆོས་ཀྱིས་གྲོལ་
D44.035.0227b05.01བའི་རོ་ལ་དོན་གཉེར་བས། །སངས་རྒྱས་བདུད་རྩི་ཆར་པ་འབེབས་པར་འགྱུར། །འཇིག་རྟེན་སྲེད་པའི་སྐོམ་པ་རྣམ་པར་སེལ། །རྫིང་དང་ཆུ་ཀླུང་ཁྲོན་པ་ལུ་མ་དང་། །མཚོ་རྣམས་བྱང་ཆུབ་དོན་དུ་བྱེད་བཙུད་དེ། །འདོད་པ་རྣམས་སྨད་བསམ་གཏན་བསྔགས་པས་ན། །
D44.035.0227b06.01སྐོམ་པ་རྣམ་སེལ་དེ་ནི་དེས་སྒྲུབ་པོ། །འོད་ཟེར་དགའ་བར་བྱེད་པ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །དགའ་བས་རྒྱས་ཤིང་བྱང་ཆུབ་མཆོག་དོན་དུ། །རང་འབྱུང་འགྱུར་བར་བྱ་ཞེས་སེམས་བསྐྱེད་དོ། །ཐུགས་རྗེ་མངའ་རྣམས་སྐུ་
D44.035.0227b07.01