完整藏文原文 · 德格版页 当前仅加载第 35 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
བཀྱེ་བ། །འོད་ཟེར་སྤྲིན་ལ་ཟད་མི་ཤེས། །འཇིག་རྟེན་འདི་དག་སྣང་བར་བྱེད། །སངས་རྒྱས་རྣམ་པར་འཕྲུལ་ལ་ལྟོས། །སངས་རྒྱས་རྣམས་ཀྱི་སྐུ་དག་ལས། །འོད་གཟེར་རྣམས་ནི་དྲི་མེད་པ། །སེམས་ཅན་ཀུན་དང་མཉམ་པའི་ལུས། །ཕྱོགས་
D44.035.0149b01.01དང་ཕྱོགས་མཚམས་རྒྱས་འགེངས་ལྟོས། །སངས་རྒྱས་གསུང་ནི་ཡིད་འོང་བ། །འགྲོ་བ་ཀུན་ཏུ་རབ་ཏུ་བསྒྲགས། །འགྲོ་ཀུན་དབྱངས་ཀྱི་ཡན་ལག་ཏུ། །སངས་རྒྱས་ཡོན་ཏན་རྣམ་པར་བརྗོད། །སངས་རྒྱས་འོད་ཀྱིས་ཕོག་པ་ཡི། །སེམས་ཅན་ཀུན་ཀྱང་
D44.035.0149b02.01བདེ་བར་གྱུར། །སྡུག་བསྔལ་ཐམས་ཅད་རབ་ཏུ་ཞི། །འགྲོ་བ་ཀུན་ཀྱང་དགའ་བ་སྐྱེས། །བྱང་ཆུབ་སེམས་དཔའི་སྤྲིན་གྱི་རྣམས། །རིན་ཆེན་སྤྲིན་རྣམས་རབ་འགྱེད་ཅིང་། །བསྟོད་པའི་སྤྲིན་གྱིས་རྒྱལ་བའི་དྲུང་། །ཕྱོགས་བཅུ་ཀུན་ནས་མངོན་པར་འོང་། །
D44.035.0149b03.01སྙིང་པོ་བྱང་ཆུབ་འདི་ལ་ཡང་། །སྒྲ་ཡི་རྒྱ་མཚོ་ཟབ་མོ་གྲག །སེམས་ཅན་ཐམས་ཅད་སྡུག་བསྔལ་ཞི། །སངས་རྒྱས་རྣམ་པར་འཕྲུལ་ལ་ལྟོས། །ཀུན་ཀྱང་སྲི་ཞུ་ལྡན་གྱུར་ཏེ། །དགའ་ཤིང་ཤིན་ཏུ་མོས་བྱས་ཤིང་། །ཆོས་ཀྱི་རྒྱལ་པོ་བལྟ་བའི་ཕྱིར། །
D44.035.0149b04.01འཇིག་རྟེན་མགོན་པོའི་དྲུང་དུ་འདོང་། །ཀྱེ་རྒྱལ་བའི་སྲས་དག་རྒྱལ་བུ་གཞོན་ནུ་གཟི་བརྗིད་ཆེན་པོས་ཚིགས་སུ་བཅད་པ་འདི་བརྗོད་པའི་ཚེ། སངས་རྒྱས་ཀྱི་བྱིན་གྱི་རླབས་ཀྱིས་འཇིག་རྟེན་གྱི་ཁམས་དཔལ་གྱི་སྒྲ་ཐམས་ཅད་ཀྱི་སེམས་ཅན་གྱི་གནས་ཀུན་
D44.035.0149b05.01ཏུ་ཤིན་ཏུ་གྲག་པར་གྱུར་ཏོ། །དེ་ནས་རྒྱལ་པོ་བལྟ་ན་དགའ་བ་ཤིན་ཏུ་གཙང་བའི་བློ་གྲོས་ཀྱིས་ཚིགས་སུ་བཅད་པ་འདི་དག་ཐོས་ནས་དགའ་བ་ཆེན་པོ་སྐྱེས་ཏེ། །རང་གི་འཁོར་དེ་དག་ལ་ཚིགས་སུ་བཅད་དེ་སྨྲས་པ། །ཞང་བློན་རྣམས་དང་གཞོན་ནུ་དང་། །
D44.035.0149b06.01རྒྱལ་པོའི་མི་དང་བློན་པོ་དང་། །ཚོང་པ་རྣམས་དང་དེ་བཞིན་དུ། །ཡུལ་མི་རྣམས་ཀྱང་ཀུན་འདུས་ཤིག །གྲོང་ཁྱེར་རྣམས་ནི་ཀུན་ཏུ་ཡང་། །རྔ་སྒྲ་དག་གིས་མྱུར་དུ་སྒྲོགས། །ཀུན་ཀྱང་འཐུན་པར་ལྷན་ཅིག་ཏུ། །རྒྱལ་བ་བལྟ་བའི་ཕྱིར་དེངས་
D44.035.0149b07.01