完整藏文原文 · 德格版页 当前仅加载第 35 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་། །འདི་ལས་འཇིག་རྟེན་འགྲོ་བ་ཀུན་གྱི་བདེ་བ་འབྱུང་། །འདི་ལས་རྒྱལ་བས་བསྔགས་པའི་ལེགས་པ་ཐམས་ཅད་འབྱུང་། །འདིས་ནི་སེམས་ཅན་གཙོ་ལ་ཐེ་ཙོམ་མེད་པར་འགྱུར། །འདིས་ནི་འཇིག་རྟེན་ཀུན་གྱི་སྒྲིབ་
D44.035.0285a01.01པ་ཟད་པར་འགྱུར། །འདིས་ནི་ཞིང་རྣམས་ཡོངས་སུ་དག་པའི་མཆོག་དུ་འགྱུར། །འདི་ལས་འཇིག་རྟེན་དམ་པ་ཤེས་དང་ལྡན་པ་འབྱུང་། །གང་ཞིག་ཕྱོགས་བཅུའི་རྒྱལ་བ་བལྟ་བར་འདོད་པ་དང་། །གང་ཞིག་བྱིན་དང་བསོད་ནམས་{མྱི་,མི་}ཟད་མཛོད་འདོད་དང་། །
D44.035.0285a02.01གང་ཞིག་འགྲོ་བ་ཀུན་གྱི་སྡུག་བསྔལ་ཟློག་འདོད་པ། །དེས་ནི་ཡོན་ཏན་མཐའ་ཡས་བྱང་ཆུབ་སེམས་བསྐྱེད་བྱ། །བྱང་ཆུབ་སེམས་དཔའ་སེམས་དང་པོ་བསྐྱེད་པའི་བསོད་ནམས་ཀྱི་ཕུང་པོའི་དཔེ་ཡང་དག་པར་བསགས་པ་ཚིགས་སུ་བཅད་པའི་ལེའུ་ཞེས་བྱ་བ་སྟེ་ཉི་ཤུ་གཉིས་སོ།། །།
D44.035.0285a03.01སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་ཉི་ཤུ་གསུམ་པ། །དེ་ནས་བྱང་ཆུབ་སེམས་དཔའ་བརྩོན་འགྲུས་བློ་གྲོས་ཀྱིས་བྱང་ཆུབ་སེམས་དཔའ་ཆོས་ཀྱི་བློ་གྲོས་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་ཐམས་
D44.035.0285a04.01ཅད་མཁྱེན་པ་ཉིད་ཀྱི་སེམས་བསྐྱེད་པ་རབ་ཏུ་ཐོབ་པ། སེམས་དང་པོ་བསྐྱེད་པ་ལ་གནས་པ། དེ་ལྟར་ཚད་མེད་པའི་བསོད་ནམས་ཀྱི་ཚོགས་དང་ལྡན་པ། ཐམས་ཅད་མཁྱེན་པའི་ཡེ་ཤེས་རྒྱ་ཆེན་པོ་ལ་ཡང་དག་པར་འཛེག་པ། བྱང་ཆུབ་སེམས་དཔའི་
D44.035.0285a05.01སྐྱོན་མེད་པར་ཤིན་ཏུ་ཆུད་པ། འཇིག་རྟེན་ཀུན་ཏུ་ཁྲིད་པར་བྱེད་པ་རྣམ་པར་བཟློག་པ། རྫོགས་པའི་སངས་རྒྱས་ཀྱི་འཇིག་རྟེན་ལས་འདས་པའི་ཆོས་ཉིད་ཀྱི་རྗེས་སུ་སོང་བ་འདས་པ་དང་། མ་བྱོན་པ་དང་། ད་ལྟར་བྱུང་བའི་དེ་བཞིན་གཤེགས་པ་ཐམས་
D44.035.0285a06.01ཅད་ཀྱི་བྱིན་གྱིས་བརླབས་པ། བྱང་ཆུབ་སེམས་དཔའི་རྣམ་པར་དགོད་པ་ལ་ཤིན་ཏུ་ངེས་པ། རྫོགས་པའི་བྱང་ཆུབ་ཏུ་རབ་ཏུ་གཞོལ་བ་དེ་དག་གིས་དེ་བཞིན་གཤེགས་པའི་བསྟན་པ་ལ་ཇི་ལྟར་བརྩོན་པར་བྱས་པའི་རྣམ་པ་གང་གིས། དེ་བཞིན་གཤེགས་པ་
D44.035.0285a07.01