完整藏文原文 · 德格版页 当前仅加载第 35 函德格 311a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སངས་རྒྱས་ཀྱི་ཚུལ་གྱི་རྗེས་སུ་བསྙེགས་པའི་སེམས་ཀྱིས་བཟོད་པར་བྱའོ་སྙམ་མོ། །ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བྱང་ཆུབ་སེམས་དཔའི་སྤྱོད་པ་གསུམ་པ་སྟེ། མི་མཐུན་
D44.035.0311a01.01པ་མེད་པ་ཞེས་བྱའོ། །ཀྱེ་རྒྱལ་བའི་སྲས་དག །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྤྱོད་པ་བཞི་པ་མི་ཟད་པ་ཞེས་བྱ་བ་དེ་གང་ཞེ་ན། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་དང་ལྡན་པ་ཡིན་ཏེ། བརྩོན་འགྲུས་
D44.035.0311a02.01མཆོག་དང་ལྡན་པ་ཡིན། བརྩོན་འགྲུས་རབ་དང་ལྡན་པ་ཡིན། བརྩོན་འགྲུས་དམ་པ་དང་ལྡན་པ་ཡིན། བརྩོན་འགྲུས་ཕུལ་དང་ལྡན་པ་ཡིན། བརྩོན་འགྲུས་འཕགས་པ་དང་ལྡན་པ་ཡིན། བརྩོན་འགྲུས་གྱ་ནོམ་པ་དང་ལྡན་པ་ཡིན། བརྩོན་འགྲུས་བླ་ན་
D44.035.0311a03.01མེད་པ་དང་ལྡན་པ་ཡིན། བརྩོན་འགྲུས་མཉམ་པ་མེད་པ་དང་ལྡན་པ་ཡིན་ཏེ། དེ་ལ་འདོད་ཆགས་ཀྱི་རང་བཞིན་མེད། ཞེ་སྡང་གི་རང་བཞིན་མེད། གཏི་མུག་གི་རང་བཞིན་མེད། ང་རྒྱལ་གྱི་རང་བཞིན་མེད། འཆབ་པའི་རང་བཞིན་མེད། ཕྲག་དོག་
D44.035.0311a04.01གི་རང་བཞིན་མེད། འཇུངས་པའི་རང་བཞིན་མེད། སྒྱུའི་རང་བཞིན་མེད། ཁྲེལ་མེད་པའི་རང་བཞིན་མེད་དོ། །དེ་ནི་སེམས་ཅན་གང་ལ་ཡང་ཐོ་བརྩམ་པའི་ཕྱིར། བརྩོན་འགྲུས་མི་རྩོམ་སྟེ། གཞན་དུ་ན་ཉོན་མོངས་པ་ཐམས་
D44.035.0311a05.01ཅད་ཡོངས་སུ་སྤང་བའི་ཕྱིར་བརྩོན་འགྲུས་རྩོམ་མོ། །བག་ལ་ཉལ་བ་ཐམས་ཅད་ཡང་དག་པར་གཞོམ་པའི་ཕྱིར་བརྩོན་འགྲུས་རྩོམ་མོ། །བག་ཆགས་ཐམས་ཅད་ཡོངས་སུ་བསལ་བའི་ཕྱིར། བརྩོན་འགྲུས་རྩོམ་མོ། །སེམས་ཅན་གྱི་ཁམས་ཡོངས་
D44.035.0311a06.01སུ་ཤེས་པར་བྱ་བའི་ཕྱིར། བརྩོན་འགྲུས་རྩོམ་མོ། །ཤི་འཕོ་དང་སྐྱེ་བ་ཐམས་ཅད་ཡོངས་སུ་ཤེས་པར་བྱ་བའི་ཕྱིར། བརྩོན་འགྲུས་རྩོམ་མོ། །ཉོན་མོངས་པ་ཐམས་ཅད་ཡོངས་སུ་ཤེས་པར་བྱ་བའི་ཕྱིར། བརྩོན་འགྲུས་རྩོམ་མོ། །སེམས་ཅན་གྱི་
D44.035.0311a07.01