完整藏文原文 · 德格版页 当前仅加载第 35 函德格 365b 版页；藏文 NFD、目录标记与异常页序保留在来源切片中，重复版页行以稳定序号区分。
བསོད་ནམས་ཀྱི་སྟོབས་ཡང་དག་པར་ཡོངས་སུ་བསྒྲུབ་པར་བྱ་བ་དང་། ཤིན་ཏུ་དགའ་བའི་སེམས་བསྐྱེད་པར་བྱ་བ་དང་། ཐེ་ཙོམ་མེད་པའི་ས་ལ་འཇུག་པར་བྱ་བ་དང་། ཁ་ན་མ་ཐོ་བ་མེད་ཅིང་ཡོངས་སུ་དག་པ་འཐོབ་པར་བྱ་བ་དང་། ཐམས་ཅད་མཁྱེན་པ་ཉིད་ལ་
D44.035.0365b01.01བརྟེན་པ་སོ་སོར་འཐོབ་པར་བྱ་བ་དང་། ཆོས་མཐོང་བ་ལས་ཕྱིར་མི་ལྡོག་པར་བྱ་བ་དང་། བྱང་ཆུབ་སེམས་དཔའ་ཐམས་ཅད་ཀྱི་ཚོགས་ཀྱི་རྗེས་སུ་འཇུག་པར་བྱ་བ་དང་། དུས་གསུམ་གྱི་སངས་རྒྱས་ཐམས་ཅད་ཀྱི་རིགས་གྲུབ་པར་བྱ་བ་དེ་ལྟ་དེ་ལྟར་བཅོམ་ལྡན་
D44.035.0365b02.01འདས་ཀྱིས་ཐུགས་རྗེ་ཆེན་པོ་ཀུན་ཏུ་ཁྱབ་པ་དང་། ཐམས་ཅད་མཁྱེན་པའི་ཡེ་ཤེས་ཀྱི་ཕུང་པོ་ཆེན་པོས་བྱིན་གྱིས་བརླབས་ཀྱི་རྒྱན་རྣམ་པ་ཐ་དད་པ་མང་པོ་ཡང་དག་པར་བསྟན་ཏོ། །དེ་ལྟར་བཅོམ་ལྡན་འདས་ཀྱིས་སེམས་ཅན་ཐམས་ཅད་འདུལ་བའི་དབང་དུ་སངས་རྒྱས་ཀྱི་
D44.035.0365b03.01བདག་ཉིད་ཆེ་བ་བརྗོད་པའི་ཕྱིར་ཆགས་པ་མེད་པའི་ཡེ་ཤེས་ཀྱི་སྙིང་པོ་རབ་ཏུ་སྣང་བས། སངས་རྒྱས་ཀྱི་དཔལ་མཐའ་ཡས་པ་རབ་ཏུ་འབར་བ། སངས་རྒྱས་ཀྱི་ཆོ་འཕྲུལ་བསམ་གྱིས་མི་ཁྱབ་པས་རྣམ་པར་སྣང་བ་ཐམས་ཅད་དུ་ཞུགས་པའི་དེ་བཞིན་
D44.035.0365b04.01གཤེགས་པའི་སྐུས་རྣམ་པར་འཕྲུལ་པ་མཐའ་དང་དབུས་མེད་པའི་ཆོ་འཕྲུལ་གྱི་མཐུ་དང་ལྡན་པ། དགོངས་པ་ཡོངས་སུ་རྫོགས་པའི་སྔོན་གྱི་སྨོན་ལམ་གྱིས་ཡོངས་སུ་གྲུབ་པའི་ཡེ་ཤེས་ཀྱི་རྣམ་པར་གནོན་པས་དེ་བཞིན་གཤེགས་པའི་གཤེགས་སྟབས་ཕུན་སུམ་
D44.035.0365b05.01ཚོགས་པ། ཆོས་ཀྱི་དབང་ཕྱུག་བརྙེས་པས་ཆོས་ཐམས་ཅད་ལ་མངའ་བ་དང་ལྡན་པ། ཐམས་ཅད་མཁྱེན་པ་ཉིད་ཀྱི་སྒོ་ནས་བྱུང་བའི་དེ་བཞིན་གཤེགས་པའི་སྐུ་རྣམ་པར་དག་པས་ཤིན་ཏུ་སྐྱངས་པ་མངའ་བ། འདས་པ་དང་། མ་བྱོན་པ་དང་། ད་ལྟར་བྱུང་
D44.035.0365b06.01བའི་སངས་རྒྱས་ཐམས་ཅད་དང་མཉམ་པ་ཉིད་དུ་གྱུར་པ། དགེ་བའི་རྩ་བ་ཐམས་ཅད་ཀྱི་སྙིང་པོ་ཤིན་ཏུ་སྦྱངས་པ། འགྲོ་བ་ཐམས་ཅད་ཀྱི་དཔེས་དཔེར་{མྱི་,མི་}འགྱུར་བའི་སྐུ་གཟུགས་མངའ་བ། མཚན་ཐམས་ཅད་ཀྱི་ལོ་མ་ཤིན་ཏུ་འཕགས་པའི་སྐུ་
D44.035.0365b07.01