完整藏文原文 · 德格版页 当前仅加载第 35 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཞེས་བྱའོ། །ལྷའི་བུ་མེ་ཏོག་དྲི་མ་མེད་ཅིང་ཡིད་དུ་འོང་བའི་འོད་ཀྱི་རྣམ་པར་ཐར་པ་ནི། ལྷའི་བུ་དགའ་བ་ཐམས་ཅད་ལ་རྩེ་བ་རྗེས་སུ་དྲན་པའི་རིམ་པ་ཞེས་བྱའོ། །ལྷའི་བུ་ཡེ་ཤེས་ཉི་མའི་མིག་གི་རྣམ་པར་ཐར་པ་ནི། ལྷའི་བུ་ཐམས་ཅད་སྐྱེ་བར་རབ་ཏུ་བརྗོད་པའི་དགེ་བ་
D44.035.0022b01.01ལ་རྨོངས་པ་མེད་པ་ཞེས་བྱའོ། །ལྷའི་བུ་ཡང་དག་པར་བསྐུལ་བའི་འོད་ཀྱི་དབང་ཕྱུག་གི་རྣམ་པར་ཐར་པ་ནི། ལྷའི་འཁོར་ཐམས་ཅད་ཡང་དག་པར་བསྐུལ་ཞིང་ཕན་ཚུན་དོགས་པའི་ཐེ་ཙོམ་རྣམ་པར་གདོན་མི་ཟ་བར་གཅོད་པ་ཞེས་བྱའོ། །དེ་ནས་ལྷའི་དབང་པོ་བརྒྱ་བྱིན་གྱིས་
D44.035.0022b02.01སངས་རྒྱས་ཀྱི་མཐུས་སུམ་ཅུ་རྩ་གསུམ་པའི་རིས་ཀྱི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །དུས་གསུམ་བདེ་བར་གཤེགས་པ་ཐམས་ཅད་དང་། །དེ་དག་སྤྱོད་ཡུལ་རྒྱ་ཆེན་དེ་དག་དང་། །དེ་
D44.035.0022b03.01དག་ཞིང་འབྱུང་འཇིག་པ་ཇི་བཞིན་དྲན། །རྒྱལ་བའི་མཐུ་ཡིས་དེ་དག་དྲི་མེད་སྣང་། །སངས་རྒྱས་སྐུ་མང་ཕྱོགས་སུ་རྒྱས་བྱས་ཤིང་། །མཉམ་མེད་གཟུགས་ཀུན་འགྲོ་ལ་ཕན་པའི་ཕྱིར། །རྒྱལ་བ་ཀུན་ནས་ལྷམ་མེ་ལྷང་ངེ་སྟེ། །གྲགས་པའི་དཀྱིལ་འཁོར་འོད་
D44.035.0022b04.01ཀྱིས་འདི་མཐོང་ངོ་། །བྱམས་པ་རྒྱ་མཚོའི་ཚུལ་ནི་རྒྱ་ཆེ་ཞིང་། །ཤིན་ཏུ་ཡངས་པས་འགྲོ་བ་ཀུན་བཀང་ནས། །སྔོན་བསྒོམས་སེམས་ཅན་མཐའ་ཡས་ཁམས་ཀྱང་བཏུལ། །དྲི་མེད་མིག་གི་གཙུག་ཕུད་འདི་མཐོང་ངོ་། །བདེ་གཤེགས་ཡོན་ཏན་རྒྱ་མཚོ་དེ་
D44.035.0022b05.01དྲན་པས། །བདག་གི་དགའ་བ་ཡང་དག་འབྱུང་སྐྱེས་ཏེ། །སངས་རྒྱས་འཇིག་རྟེན་ཀུན་ན་མཉམ་མེད་མཆོག །འདི་ནི་གྲགས་རྒྱལ་དྲི་མེད་རྣམ་ཐར་ཏོ། །ལས་དགེ་རྒྱ་མཚོས་འགྲོ་བ་ཀུན་བཀང་ཞིང་། །དྲི་མེད་མ་ལུས་རྒྱལ་བས་བསྟན་པ་མཛད། །དེ་ལས་
D44.035.0022b06.01བསོད་ནམས་ཡངས་པ་ཀུན་བྱུང་སྟེ། །དགའ་བདེ་གཙུག་ཕུད་ཚུལ་ནི་འདི་ཡིན་ནོ། །སངས་རྒྱས་སྐྱེ་བ་ཡངས་པས་ཕྱོགས་བཀང་ཞིང་། །བདེ་གཤེགས་འགྲོ་བ་རྒྱས་པས་མངོན་ཏུ་འགྱུར། །དེ་དག་རྒྱ་ཆེན་སེམས་ཅན་འདུལ་ལ་ལྟོས། །དེ་ཡི་ཚུལ་ལ་དྲན་པའི་རྒྱན་
D44.035.0022b07.01