完整藏文原文 · 德格版页 当前仅加载第 35 函德格 260b 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲུབས་པ་{མྱེད་,མེད་}པའི་སྦྱོར་བ་དང་། མཚན་མ་{མྱེད་,མེད་}པའི་ཆོས་གཟུང་བ་དང་། མཚན་ཉིད་མེད་པའི་ཆོས་རབ་ཏུ་ཤེས་པ་དང་། སངས་རྒྱས་ཀྱི་ཆོས་མཉམ་པ་ཉིད་དང་། སངས་རྒྱས་ཀྱི་ཆོས་ཐམས་ཅད་ལ་ཡང་དག་པར་སེམས་པས་ཚངས་པའི་སྤྱོད་པ་ཡོངས་
D44.035.0260b01.01སུ་དག་པར་ཡིད་ལ་བྱའོ། །གོང་དུ་ཡང་ཆོས་བཅུ་དང་ལྡན་པས་ཡིད་ལ་བྱ་སྟེ། བཅུ་གང་ཞེ་ན། འདི་ལྟ་སྟེ། གནས་དང་གནས་མ་ཡིན་པ་ཤེས་པ་དང་ལྡན་པ་དང་། འདས་པ་དང་། མ་འོངས་པ་དང་། ད་ལྟར་བྱུང་བའི་ལས་དང་རྣམ་པར་སྨིན་
D44.035.0260b02.01པ་ཤེས་པ་དང་ལྡན་པ་དང་། བསམ་གཏན་དང་རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། ཀུན་ནས་ཉོན་མོངས་པ་དང་། རྣམ་པར་བྱང་བ་དང་། རྣམ་པར་ལྡང་བ་ཤེས་པ་དང་ལྡན་པ་དང་། དབང་པོ་དང་བརྩོན་
D44.035.0260b03.01འགྲུས་ཐ་དད་པ་དང་། ཡོངས་སུ་རྫོགས་པ་མཆོག་དང་ཐ་མ་ཤེས་པ་དང་ལྡན་པ་དང་། མོས་པ་ཐ་དད་པ་དང་། མོས་པ་དུ་མ་ཤེས་པ་དང་ལྡན་པ་དང་། ཁམས་ཐ་དད་པ་དང་། ཁམས་དུ་མ་ཤེས་པ་དང་ལྡན་པ་དང་། ཐམས་ཅད་དུ་འགྲོ་བའི་
D44.035.0260b04.01ལམ་ཤེས་པ་དང་ལྡན་པ་དང་། ལྷའི་{མྱིག་,མིག་}ཐོགས་པ་མེད་པ་དང་ལྡན་པ་དང་། བསྒྲིབས་པ་མེད་པ་རྗེས་སུ་དྲན་པ་ཤེས་པ་དང་ལྡན་པ་དང་། བག་ཆགས་ཀྱི་མཚམས་སྦྱོར་བ་ཡང་དག་པར་བཅད་པ་ཤེས་པ་དང་ལྡན་པ་སྟེ། དེ་བཞིན་གཤེགས་པའི་
D44.035.0260b05.01སྟོབས་རེ་རེ་ལ་ཡང་རྣམ་པར་དབྱེ་བ་ཤིན་ཏུ་རྒྱ་ཆེ་བར་ཁོང་དུ་ཆུད་པར་བྱའོ། །ཐམས་ཅད་ཀྱང་ཚད་མེད་པར་བལྟ་བར་བྱའོ། །ཐོས་ནས་ཀྱང་སྙིང་རྗེ་ཆེན་པོ་ལ་བརྟན་པར་བྱའོ། །སེམས་ཅན་རྣམ་པར་བསྒོམ་པ་ཡང་མི་གཏང་བར་བྱའོ། །ཆོས་ལ་ཤིན་ཏུ་
D44.035.0260b06.01བརྟགས་པ་ཡང་མི་གཞིག་པར་བྱའོ། །བླ་ན་མེད་པའི་ཆོས་ལ་ཡང་དག་པའི་ཡི་དམ་ཡང་ཤིན་ཏུ་བརྩམ་པར་བྱའོ། །རྣམ་པར་སྨིན་པ་ལ་ཡང་རེ་བ་མེད་པར་བྱའོ། །སྒྱུ་མའི་རང་བཞིན་ཡང་རྗེས་སུ་རྟོགས་པར་བྱའོ། །རྨི་ལམ་གྱི་རང་བཞིན་དུ་
D44.035.0260b07.01