完整藏文原文 · 德格版页 当前仅加载第 35 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
སྐུ་དག་ཏུ། །རྒྱ་མཚོའི་ཞིང་ལ་རབ་ཏུ་འཇུག །སངས་རྒྱས་ཀུན་གྱི་ཞིང་དག་ཏུ། །བྱིན་གྱི་རླབས་རྣམས་རབ་བསྟན་པས། །གཞན་དང་གཞན་གྱི་ལུས་ངག་དང་། །མིང་གིས་ཀུན་ན་རབ་ཏུ་གནས། །བྱང་ཆུབ་སྙིང་པོར་རྣམ་
D44.035.0080a01.01འཕྲུལ་དང་། །བྱང་ཆུབ་མངོན་པར་འཚང་རྒྱ་ཞིང་། །ཆོས་ཀྱི་འཁོར་ལོ་བསྐོར་བ་དག །སྐད་ཅིག་སེམས་ཀྱིས་སྟོན་པ་བྱེད། །ཞིང་རྣམས་འབྱམ་ཀླས་ཐམས་ཅད་དང་། །བསྐལ་པ་བྱེ་བ་བསམ་ཡས་དག །བྱང་ཆུབ་སེམས་དཔའ་མཉམ་གཞག་རྣམས། །
D44.035.0080a02.01སྐད་ཅིག་སེམས་ཀྱིས་རྣམ་པར་སྟོན། །སངས་རྒྱས་ཞིང་རྣམས་ཐམས་ཅད་ན། །བྱང་ཆུབ་སེམས་དཔའི་སྤྲུལ་པ་རྣམས། །སངས་རྒྱས་སྐུ་ལ་རྣམ་སྤྱོད་ཀྱང་། །མཐའ་མ་རྙེད་པར་{མྱི་,མི་}རུང་ངོ་། །དེ་ནས་བྱང་ཆུབ་སེམས་དཔའ་སེང་གེ་འོད་ཟེར་སྣང་བའི་མཐུས་
D44.035.0080a03.01འབྱིན་པའི་བློ་གྲོས་ཀྱིས། སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་རྣམ་པར་སྣང་མཛད་ཀྱིས། །ཆོས་ཀྱི་འཁོར་ལོ་རབ་ཏུ་བསྐོར། །ཆོས་དབྱིངས་ཚུལ་རྣམས་ཐམས་
D44.035.0080a04.01ཅད་ཀྱང་། །སངས་རྒྱས་སྤྲིན་གྱིས་མངོན་དུ་ཡོག །འཇིག་རྟེན་ཁམས་རྣམས་རྒྱ་མཚོ་དག །ཕྱོགས་བཅུ་ཀུན་ན་གང་ཡོད་པ། །ཐམས་ཅད་ཀུན་ཏུ་འཁོར་ལོ་འཁོར། །དེ་ནི་སྨོན་ལམ་རྣམ་པར་འཕྲུལ་པའོ། །འཁོར་རྣམས་རྒྱ་མཚོ་རྒྱ་ཆེ་བ། །གཞན་
D44.035.0080a05.01དང་གཞན་གྱི་མིང་དག་གིས། །ཞིང་རྣམས་གནས་པ་ཀུན་ཏུ་ཡང་། །ཆོས་ཀྱི་འཁོར་ལོ་ཀུན་ཏུ་འཁོར། །རྣམ་པར་སྣང་མཛད་བྱིན་རླབས་ཀྱིས། །ཞིང་རྣམས་རྒྱ་མཚོ་ཀུན་ཏུ་ཡང་། །ཀུན་ཏུ་བཟང་པོའི་སྨོན་ལམ་དག །བརྗོད་ཅིང་ཞིང་རྣམས་ཀུན་ཏུ་འབྱུང་། །
D44.035.0080a06.01ཞིང་ཀུན་རྡུལ་ལ་སྐུ་ཡི་རྣམས། །ཐམས་ཅད་ཆོས་རབ་རབ་ཏུ་འབེབས། །འདྲེས་པ་མེད་ཅིང་འབྱུང་བ་མེད། །འཇིག་རྟེན་དག་ན་རྣམ་པར་མཛེས། །བསྐལ་པ་བྱེ་བ་གྲངས་མེད་པར། །ཞིང་ཀུན་རྡུལ་ཕྲན་སྦུབས་དག་ཏུ། །རྣམ་པར་སྣང་བ་མཛད་པའི་གསུང་། །
D44.035.0080a07.01