完整藏文原文 · 德格版页 当前仅加载第 35 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟེ་བར་ཕྱིན་ཙམ་བྱེད། །རི་རབ་རྩེ་དང་ཉིད་ཀྱི་མགོ་ཡང་སྙོམས། །དེ་ནི་འདོད་ཆགས་ཞེ་སྡང་གཏི་མུག་ཅན། །འོན་ཀྱང་དེ་འདྲའི་རྫུ་འཕྲུལ་སྟོན་བྱེད་ན། །འཇིག་རྟེན་སྒྲོན་མ་བདུད་རྣམས་ཡོངས་འདུལ་བ། །རྫུ་འཕྲུལ་མཐའ་ཡས་ཇི་རོབ་སྟོན་མི་བྱེད། །བསམ་
D44.035.0235a01.01ཡས་བརྒྱ་བྱིན་འཕྲུལ་ལའང་ལྟོས་ཤིག་དང་། །ལྷ་དང་ལྷ་དབང་འཐབ་པར་གྱུར་པའི་ཚེ། །ལྷ་མིན་བྱེ་བ་འཕྱེས་པ་ཇི་སྙེད་པ། །དེ་སྙེད་བརྒྱ་བྱིན་རང་གི་ལུས་འཕྲུལ་བྱེད། །ལྷ་མིན་དབང་པོ་ལྷ་མིན་ཕལ་ཀུན་གྱིས། །བརྒྱ་བྱིན་རང་རང་མདུན་ན་འདུག་པར་ཤེས། །དེ་ནི་རྡོ་རྗེ་འཆང་བས་གཟུང་
D44.035.0235a02.01འགྱུར་ཅེས། །ལྷ་མིན་དབང་པོ་ཀུན་ཀྱང་མགོ་རྨོངས་སོ། །འཇིགས་པའི་གཟུགས་ཀྱིས་མིག་སྟོང་རབ་བསྟན་ཏེ། །རྡོ་རྗེ་མེ་ལྕེ་འབར་བ་རབ་གཟས་ཤིང་། །ལུས་ལ་གོ་བགོས་གཟི་བརྗིད་ཐུབ་དཀའ་བའི། །བརྒྱ་བྱིན་མཐོང་ནས་ལྷ་མིན་དབང་པོ་འབྱེར། །དེའི་བསོད་ནམས་ཕལ་གྱི་
D44.035.0235a03.01སྟོབས་དང་མཐུས། །ལྷ་རྒྱལ་དོན་དུ་རྣམ་པར་འཕྲུལ་བྱེད་ན། །འགྲོ་བ་མ་ལུས་ཀུན་གྱི་མགོན་གྱུར་པའི། །བསོད་ནམས་མི་ཟད་རྣམས་ཀོ་ཅིར་མི་འཕྲུལ། །ལྷ་རྣམས་བསྐུལ་བའི་ལྷ་རྫས་རྔ་ཡོད་པ། །ལྷ་ཡི་ལས་རྣམས་རྣམ་པར་སྨིན་པས་བྱུང་། །ལྷ་རྣམས་བག་མེད་སྤྱོད་
D44.035.0235a04.01པར་ཤེས་གྱུར་ནས། །མཁའ་ལས་རྔ་ཡི་དབྱངས་ཀྱང་རབ་ཏུ་སྒྲོག །འདོད་པ་ཐམས་ཅད་མི་རྟག་མི་བརྟན་ཏེ། །འཇིག་ཅིང་མི་གནས་དབུ་བའི་རང་བཞིན་འདྲ། །སྒྱུ་མ་སྨིག་རྒྱུ་ཆུ་ཡི་ཟླ་བ་བཞིན། །སྲིད་པ་ཀུན་ཀྱང་རྨི་ལམ་སྤྲིན་གྱི་དངོས། །བག་མེད་ཐམས་ཅད་གཅུགས་ཅན་མྱ་
D44.035.0235a05.01ངན་ལྡན། །ཚེམས་ཀྱི་ལམ་ཡིན་འཆི་མེད་ལམ་མ་ཡིན། །ཇི་སྙེད་བག་མེད་རྣམ་པར་སྤྱོད་པ་རྣམས། །བདུད་ཀྱི་ཆུ་སྲིན་ཆེན་པོས་ཟོས་པ་ཡིན། །ཡོངས་སུ་འཛིན་པ་ཐམས་ཅད་སྡུག་བསྔལ་རྩ། །སྐྱེ་བ་ཐམས་ཅད་འཕགས་པ་ཀུན་གྱིས་སྨད། །འདོད་པའི་ཡོན་ཏན་
D44.035.0235a06.01མཐར་ཟད་རང་བཞིན་གྱིས། །ཆོས་ལ་མོས་པས་རྟག་ཏུ་དགའ་བར་གྱིས། །བརྒྱ་བྱིན་ལྷར་བཅས་རྔ་ཡིས་བསྐུལ་བྱས་ནས། །ཀུན་ཀྱང་ཆོས་བཟང་མདུན་སར་དོང་ཕྱིན་ཏེ། །ལྷ་མང་ཀུན་ལ་ཆོས་གཏམ་ཞི་བའི་རྣམས། །འདོད་ཆགས་བྲལ་དང་རྗེས་སུ་མཐུན་པ་
D44.035.0235a07.01