完整藏文原文 · 德格版页 当前仅加载第 35 函德格 319b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་གྱུར་པས་སངས་རྒྱས་ཐམས་ཅད་ཀྱི་ཞམ་རིང་ན། བྱང་ཆུབ་སེམས་དཔའི་སྤྱད་པ་ལ་སྤྱོད་པའི་ཚེ། སངས་རྒྱས་ཀྱི་ཆོས་ལ་ཤིན་ཏུ་དད་པ་ཡིན། ཡངས་པར་དད་པ་ཡིན། དེ་བཞིན་གཤེགས་པའི་བྱང་ཆུབ་ལ་ཤིན་ཏུ་མོས་པ་ཡིན། བྱང་ཆུབ་
D44.035.0319b01.01སེམས་དཔའི་སྨོན་ལམ་གྱི་རྒྱུན་མི་འཆད་པ་ཡིན། བསྐལ་པ་ཐམས་ཅད་དུ་མི་སྐྱོ་བའི་སེམས་དང་ལྡན་པ་ཡིན། སྡུག་བསྔལ་ཐམས་ཅད་ཀྱིས་སྒྱིད་ལུག་པར་འགྱུར་བ་མེད་པ་ཡིན། བདུད་ཐམས་ཅད་ཀྱིས་ཕྱིར་བརྒལ་དུ་མེད་པ་ཡིན། སངས་རྒྱས་
D44.035.0319b02.01ཐམས་ཅད་ཀྱིས་ཤིན་ཏུ་བྱིན་གྱིས་བརླབས་པ་ཡིན། བྱང་ཆུབ་སེམས་དཔའི་དཀའ་ཐུབ་ཐམས་ཅད་ཀྱིས་རྣམ་པར་སྦྱངས་པ་ཡིན། བྱང་ཆུབ་སེམས་དཔའི་བརྟུལ་ཤུགས་ཀྱིས་ཚད་མི་ཤེས་པ་ཡིན། ཐེག་པ་ཆེན་པོའི་སྨོན་ལམ་ལས་ཕྱིར་མི་ལྡོག་
D44.035.0319b03.01པ་ཡིན། དེ་ལ་བྱང་ཆུབ་སེམས་དཔའི་སྤྱོད་པ་བསྒྲུབ་པར་དཀའ་བ་ལ་གནས་ཏེ། སེམས་བསྐྱེད་པ་གཅིག་གིས་བསྐལ་པ་གྲངས་མེད་པར་འཁོར་ཡང་ཕྱིར་མི་ལྡོག་པ་ཡིན་ཏེ། བྱང་ཆུབ་སེམས་དཔའི་སྨོན་ལམ་ཆེན་པོ་ཡང་རྒྱུན་མི་གཅོད་དོ། །
D44.035.0319b04.01དེ་མཐོང་བ་ཙམ་གྱིས་ཀྱང་། སེམས་ཅན་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་བྱེད་དོ། །ཐོས་པ་དང་བསྙེན་བཀུར་བས་ཀྱང་། སེམས་ཅན་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་
D44.035.0319b05.01ཕྱིར་མི་ལྡོག་པར་བྱེད་དོ། །སེམས་ཅན་ཐམས་ཅད་སེམས་ཅན་མེད་པར་ཡང་ཤེས་ཏེ། སེམས་ཅན་གྱི་ཁམས་ཡོངས་སུ་གཏོང་བ་མ་ཡིན་ནོ། །འདི་ལྟ་སྟེ་དཔེར་ན་མཉན་པ་ནི་ཕ་རོལ་ཏུ་འགྲོ་བ་ཡང་མ་ཡིན་ནོ། །ཚུ་རོལ་ཏུ་འགྲོ་བ་འང་མ་ཡིན།
D44.035.0319b06.01ཆུ་ཀླུང་གི་གཞུང་ལ་གནས་པ་འང་མ་ཡིན། འགྲོ་བ་དང་འོང་བ་རྒྱུན་མི་འཆད་པའི་ཕྱིར་ཕ་རོལ་དང་ཕ་རོལ་མ་ཡིན་པར་སེམས་ཅན་རྣམས་ཀྱང་སྒྲོལ་ལོ། །དེ་བཞིན་དུ་བྱང་ཆུབ་སེམས་དཔའ་ཡང་འཁོར་བར་འགྲོ་བ་ཡང་མ་ཡིན། མྱ་ངན་ལས་འདས་པར་འགྲོ་
D44.035.0319b07.01