完整藏文原文 · 德格版页 当前仅加载第 35 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ན་འབྱུང་བ་མེད་ཅིང་ཆོས་མེད་དེ། །དགོན་པའི་ཡོན་ཏན་ཐར་པ་མི་དམིགས་པ། །དེ་དག་ཀུན་ཏུ་རྒྱལ་སྲིད་ཆེ་སྤངས་ཤིང་། །ཞི་བའི་ཡིད་ཀྱིས་གནས་མེད་མངོན་པར་འབྱུང་། །དེ་དག་ཁྱིམ་གྱི་བཙོན་ར་སྲིད་གནས་པའི། །
D44.035.0226a01.01འགྲོ་བ་ཐམས་ཅད་ཡོངས་སུ་དགྲོལ་བའི་རྒྱུར། །འདོད་པའི་དགའ་བ་ཀུན་ལ་མི་གནས་པར། །མངོན་པར་བྱུང་ཞིང་ཐར་པ་ཡོངས་སུ་བརྗོད། །དེ་དག་སྤྱོད་པ་བཅུ་རྣམས་སྤྱོད་བྱེད་ཅིང་། །སྐྱེས་ཆེན་རྣམས་ཀྱི་ཆོས་ལ་དེ་དག་སྤྱོད། །དྲང་སྲོང་སྤྱོད་པ་ཐམས་ཅད་མ་ལུས་
D44.035.0226a02.01པར། །ཡོངས་སུ་བསྒོམ་ཞིང་འགྲོ་བའི་དོན་ཀྱང་བྱེད། །གང་ན་སེམས་ཅན་ཚད་མེད་ཆེ་ལྡན་པ། །བདེ་བ་ཕུན་ལྡན་ཉོན་མོངས་ཆུང་ཡོད་པ། །དེ་དག་ཀུན་ཏུ་ནད་གཟེར་ནད་བུ་ཅན། །བདག་ལ་དབང་བྱེད་ཙམ་གྱི་དབང་སྒྱུར་སྟོན། །འདོད་ཆགས་འབར་ཞིང་ཞེ་སྡང་
D44.035.0226a03.01འབར་གྱུར་ཏེ། །གཏི་མུག་རྒྱུ་ལས་འཇིག་རྟེན་མེར་འབར་ཞིང་། །རྒ་ཤི་ནད་ཀྱིས་རབ་ཏུ་འབར་གྱུར་པའི། །འཇིག་རྟེན་བསྟན་ཅིང་སེམས་ཅན་འདུལ་བ་བྱེད། །དེ་དག་སངས་རྒྱས་སྟོབས་བཅུ་མི་འཇིགས་བཞི། །ཆོས་ཀྱི་ཁྱད་པར་{བཅྭོ་,བཅོ་}བརྒྱད་རྣམས་ཀྱིས་ཀྱང་། །སངས་རྒྱས་
D44.035.0226a04.01བདག་ཉིད་ཆེ་བ་བརྗོད་བྱེད་ཅིང་། །སངས་རྒྱས་ཡོན་ཏན་རྣམས་ཀྱིས་འགྲོ་དོན་བྱེད། །དེ་དག་ཡོངས་སྟོན་རྫུ་འཕྲུལ་རྗེས་སྟོན་གྱིས། །གཟུགས་རྣམས་བྱིན་རློབ་མཐུ་ཡིས་མཐུ་ཆེ་བ། །དེ་བཞིན་གཤེགས་པའི་རྫུ་འཕྲུལ་སྟོན་བྱེད་ཅིང་། །རྫུ་
D44.035.0226a05.01འཕྲུལ་རྣམ་པར་འཕྲུལ་པས་སེམས་ཅན་འདུལ། །དེ་དག་ཐབས་ཀྱི་ཚུལ་མང་སྣ་ཚོགས་ཀྱིས། །འགྲོ་བའི་དོན་དུ་འཇིག་རྟེན་རིམ་གྲོར་བྱེད། །འཇིག་རྟེན་མི་ཆགས་ཆུ་ལ་པད་མོ་བཞིན། །དགའ་བ་མོས་པ་སྐྱེ་བར་རྣམ་པར་སྤྱོད། །དེ་དག་རྗོད་
D44.035.0226a06.01བྱེད་བརྗོད་པའི་རྒྱལ་པོ་བྱེད། །གར་མཁན་རྔ་མཁན་གྱད་དང་རོལ་མོ་མཁན། །མཛེས་ཤིང་སྡུག་པར་བཞད་གད་བྱེད་པ་དང་། །སྒྱུ་མཁན་གཟུགས་མང་ཀུན་ཏུ་སྟོན་པར་བྱེད། །གྲོང་དང་གྲོང་དཔོན་ཁ་ལོ་སྒྱུར་བ་དང་། །དེད་དཔོན་ཚོང་དཔོན་
D44.035.0226a07.01