完整藏文原文 · 德格版页 当前仅加载第 35 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་བསོད་ནམས་རྒྱ་མཚོ་ཤིན་ཏུ་འཕགས་ཤིང་ཟིལ་གྱིས་མི་ནོན་པ་ཞེས་བྱ་བ་གསུམ་པ་བྱུང་བར་གྱུར་ཏེ། དེས་དེ་བཞིན་གཤེགས་པ་དེ་མངོན་པར་འཚང་རྒྱ་བའི་རྣམ་པར་འཕྲུལ་པ་མཐོང་ནས། འཁོར་ཐམས་ཅད་དང་དཔུང་གི་ཡན་ལག་བཞིའི་ཚོགས་དང་།
D44.035.0155b01.01རིན་པོ་ཆེ་བདུན་དང་། གྲོང་གི་{མྱི་,མི་}དང་ཡུལ་མིར་བཅས་ཏེ། བཅོམ་ལྡན་འདས་དེ་བཞིན་གཤེགས་པ་བསོད་ནམས་རྒྱ་མཚོ་ཤིན་ཏུ་འཕགས་ཤིང་ཟིལ་གྱིས་མི་ནོན་པ་གང་ན་བཞུགས་པ་དེར་དོང་ནས། དེས་བཅོམ་ལྡན་འདས་དེ་ལ་རིན་པོ་ཆེའི་ཁང་པ་བརྩེགས་པ། སྤོས་དང་ནོར་
D44.035.0155b02.01བུ་ཐམས་ཅད་ཀྱི་རྒྱན་གྱི་སྙིང་པོ་ཞེས་བྱ་བ་ཕུལ་ལོ། །དེར་དེ་བཞིན་གཤེགས་པ་དེས་ཀུན་ཏུ་བལྟ་བའི་སྤྱོད་པ་བྱང་ཆུབ་སེམས་དཔའི་སྤྱོད་པ་སྣང་བ་ཞེས་བྱ་བའི་མདོ། འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་མདོའི་འཁོར་དང་བཅས་པའང་ཡང་དག་པར་བཤད་
D44.035.0155b03.01པར་གྱུར་ཏོ། །དེ་ཐོས་ནས་བྱང་ཆུབ་སེམས་དཔའ་གཟི་བརྗིད་ཆེན་པོས། བསོད་ནམས་ཆེན་པོའི་རྣམ་པར་སྣང་བ་ཞེས་བྱ་བའི་ཏིང་ངེ་འཛིན་རབ་ཏུ་ཐོབ་པོ། །ཏིང་ངེ་འཛིན་དེ་ཐོབ་ནས་ཀྱང་དུས་གསུམ་གྱི་བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་རྒྱ་མཚོ་མངོན་དུ་
D44.035.0155b04.01གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་བསོད་ནམས་རྒྱ་མཚོ་ཤིན་ཏུ་འཕགས་ཤིང་ཟིལ་གྱིས་མི་ནོན་པས་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་གཟིགས་ཏེ། བྱང་ཆུབ་སེམས་དཔའ་གཟི་བརྗིད་ཆེན་པོ་ལ་ཚིགས་སུ་བཅད་དེ་གསུངས་
D44.035.0155b05.01པ། །ཡོན་ཏན་བསོད་ནམས་ཀུན་གྱི་གཟི་བརྗིད་ཅན། །བྱང་ཆུབ་མཆོག་གི་སྨོན་ལམ་ཡིད་ལྡན་པ། །འགྲོ་བ་ཀུན་ལ་སྙིང་རྗེ་རྒྱ་མཚོ་ཡིས། །ང་ཡི་དྲུང་དུ་ཁྱོད་འོངས་ལེགས་སོ་ལེགས། །སྙིང་རྗེའི་སྙིང་པོ་ཁྱོད་ནི་སེམས་ཅན་རྣམས། །སྡུག་
D44.035.0155b06.01བསྔལ་གྱུར་པ་ཀུན་གྲོལ་དོན་ཞུགས་པས། །འགྲོ་བ་ཀུན་གྱི་མགོན་དང་སྐྱབས་སུ་འགྱུར། །བྱང་ཆུབ་སྤྱོད་པའི་ཚུལ་ཡང་དེ་ཡིན་ནོ། །བྱང་ཆུབ་སེམས་དཔའ་ཤིན་ཏུ་བརྟན་པ་རྣམས། །སྐྱོ་མེད་ཡིད་ཀྱིས་སྤྱོད་པ་སྤྱད་པ་དག །མཆོག་ཏུ་གྱུར་ཅིང་དམ་པ་ཆགས་
D44.035.0155b07.01