完整藏文原文 · 德格版页 当前仅加载第 35 函德格 371a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་རྣམས་ཀྱི་དུས་གསུམ་གྱི་ཡོན་ཏན་ཚད་མེད་པ་དང་ལྡན་པ་ཤ་སྟག །དེ་བཞིན་གཤེགས་པ་མངོན་སུམ་དུ་བྱ་བ་དང་། སངས་རྒྱས་འབྱམ་ཀླས་པ་ཐམས་ཅད་བལྟ་བའི་ཕྱིར་ཀུན་ནས་འདུས་པར་
D44.035.0371a01.01གྱུར་ཏོ། །དེ་ནས་བྱང་ཆུབ་སེམས་དཔའ་རྡོ་རྗེ་རྒྱལ་མཚན་གྱིས། སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཡང་དག་སངས་རྒྱས་སྐྱེ་བ་མེད། །རྒྱལ་བ་
D44.035.0371a02.01མྱ་ངན་མི་འདའ་སྟེ། །རྒྱུ་མཐུན་པ་ཡི་སྨོན་ལམ་གྱིས། །དེས་ནི་རྣམ་པར་འཕྲུལ་པ་སྣང་། །འདི་དག་ཆོས་ནི་བསམ་མི་ཁྱབ། །འདི་དག་སེམས་ཀྱི་སྤྱོད་ཡུལ་མིན། །གང་གིས་ཡེ་ཤེས་ཕ་རོལ་ཕྱིན། །དེས་ནི་སངས་རྒྱས་སྤྱོད་
D44.035.0371a03.01ཡུལ་མཐོང་། །ལུས་འདི་ཡང་དག་སངས་རྒྱས་{མྱིན,མིན}། །སྒྲ་ཡང་དེ་བཞིན་གཤེགས་པ་{མྱིན,མིན}། །ལུས་དང་སྒྲ་ལས་གཞན་ན་ཡང་། །སངས་རྒྱས་རྣམ་པར་འཕྲུལ་མི་མཐོང་། །སྔོན་གྱི་ལས་རྣམས་མ་གཏོགས་
D44.035.0371a04.01པར། །རང་བྱུང་རྣམས་ཀྱི་སྤྱོད་ཡུལ་གྱི། །མཆོག་གི་ཚུལ་རྣམས་ཤེས་པ་ནི། །བློ་ཞན་རྣམས་ཀྱིས་མི་ནུས་སོ། །ཡང་དག་སངས་རྒྱས་རྣམ་འཕྲུལ་འདི། །གང་དག་ནས་ཀྱང་མ་འོངས་ཏེ། །གང་དུ་འགྲོ་
D44.035.0371a05.01བར་མི་འགྱུར་རོ། །འདི་དག་རང་བྱུང་སྐུ་ཡིན་ནོ། །ཚད་མེད་ཤིན་ཏུ་འདྲེན་པ་རྣམས། །ཆོས་འདི་རབ་ཏུ་བཤད་མཛད་ཀྱང་། །ཆོས་ལ་གནས་པ་གང་ཡང་མེད། །ཞིང་རྣམས་བྱེ་བ་ཀུན་ན་སྣང་། །མཁྱེན་པས་
D44.035.0371a06.01མཐའ་དང་དབུས་མེད་དེ། །ཆོས་ཀུན་ཐུགས་སུ་ཆུད་ཅིང་རྟོགས། །ཆོས་ཀྱི་དབྱིངས་ལ་རབ་ཞུགས་ནས། །རྣམ་པར་འཕྲུལ་པ་སྟོན་པ་མཛད། །ཆོས་རྣམས་ཀུན་ལ་ཆགས་པ་མེད། །འགྲོ་ལ་དེ་ནི་བསྒྲིབས་མི་མངའ། །
D44.035.0371a07.01