完整藏文原文 · 德格版页 当前仅加载第 35 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེ་མཆེད་རབ་ཏུ་ཐོབ་པ་གཞན་དང་གཞན་གྱིས། །སེམས་ཅན་རྣམས་ལ་ཆོས་ཡོངས་སུ་བསྟན་པའང་རབ་ཏུ་ཤེས་སོ། །སངས་རྒྱས་ཀྱི་མཚན་ཤིན་ཏུ་བསྟན་པ་ཞེས་བྱ་བའི་ལེའུ་སྟེ་བཅུ་གཉིས་པའོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་
D44.035.0184b01.01ཏུ་རྒྱས་པ་ཆེན་པོའི་མདོ། །བམ་པོ་བཅུ་དྲུག་པ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་ཀྱིས་བྱང་ཆུབ་སེམས་དཔའ་དེ་དག་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དག་འདི་ན་སྡུག་བསྔལ་འཕགས་པའི་བདེན་པ་
D44.035.0184b02.01ཞེས་བྱ་བ་དེ་ལ། འཇིག་རྟེན་གྱི་ཁམས་མི་མཇེད་འདི་ཉིད་ན་ཡང་བྱུང་བ་ཞེས་བྱའོ། །གནོད་པ་ཞེས་བྱའོ། སྐལ་བ་མི་མཉམ་པ་ཞེས་བྱའོ། །{དམྱིགས་,དམིགས་}པ་ཞེས་བྱའོ། །ཀུན་འབྱུང་བ་ཞེས་བྱའོ། །གསལ་ཤིང་གི་རང་བཞིན་ཞེས་བྱའོ། །གནས་
D44.035.0184b03.01ཀྱི་རྩལ་བ་ཞེས་བྱའོ། །གདོན་མི་ཟ་བ་ཞེས་བྱའོ། །ཤུ་བའི་གཟེབས་ཞེས་བྱའོ། །བྱིས་པའི་སྤྱོད་པ་ཞེས་བྱའོ། །ཀྱེ་རྒྱལ་བའི་སྲས་དག་གང་འདི་ན་ཀུན་འབྱུང་བ་འཕགས་པའི་བདེན་པ་ཞེས་བྱ་བ་དེ་ཡང་འཇིག་རྟེན་གྱི་ཁམས་མི་མཇེད་འདི་ཉིད་ན་ཡང་ཡོངས་
D44.035.0184b04.01སུ་འབྲེལ་བ་ཞེས་བྱའོ། །ཆུད་ཟ་བ་ཞེས་བྱའོ། །ཚོར་བར་གཅེན་པ་ཞེས་བྱའོ། །མྱོང་བར་བྱེད་པ་ཞེས་བྱའོ། །སྦྱོར་བ་ལས་བྱུང་བ་ཞེས་བྱའོ། །ངེས་པ་ཞེས་བྱའོ། །དྲན་པ་ཅན་ཞེས་བྱའོ། །བརྗོད་པ་ཞེས་བྱའོ། །སེམས་ཅན་གྱི་ཕྱི་བཞིན་སྙེགས་པ་
D44.035.0184b05.01ཞེས་བྱའོ། །ཕྱིན་ཅི་ལོག་གི་རྩ་བ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པ་འཕགས་པའི་བདེན་པ་ཞེས་བྱ་བ་དེ་ཡང་འཇིག་རྟེན་གྱི་ཁམས་མི་མཇེད་འདི་ཉིད་ན་ཡང་འཛུད་པ་ཞེས་བྱའོ། །རྡུལ་དང་བྲལ་བ་ཞེས་བྱའོ། །ཞི་བ་ཞེས་
D44.035.0184b06.01བྱའོ། །མཚན་ཉིད་མེད་པ་ཞེས་བྱའོ། །མི་ཉམས་པ་ཞེས་བྱའོ། །རང་བཞིན་མེད་པ་ཞེས་བྱའོ། །སོ་སོར་ལྡན་པ་ཞེས་བྱའོ། །ནུབ་པར་འགྲོལ་བ་ཞེས་བྱའོ། །རང་བཞིན་དུ་གྱུར་པ་ཞེས་བྱའོ། །རང་བཞིན་ལ་གནས་པ་ཞེས་བྱའོ། །ཀྱེ་རྒྱལ་བའི་སྲས་
D44.035.0184b07.01