完整藏文原文 · 德格版页 当前仅加载第 35 函德格 313a 版页；藏文 NFD、目录标记与异常页序保留在来源切片中，重复版页行以稳定序号区分。
རྨོངས་པ་མེད་པར་བསྐལ་པ་བརྗོད་དུ་མེད་པར་བྱང་ཆུབ་སེམས་དཔའི་སྤྱོད་པ་ལ་གནས་སོ། །དེ་དྲན་པ་ཡོངས་སུ་དག་པའི་ཡན་ལག་ཚད་མེད་པ་དང་ལྡན་པ་ཡིན་ཏེ་དེས་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་
D44.035.0313a01.01སེམས་དཔའ་འམ། དགེ་བའི་བཤེས་གཉེན་རྣམས་ལས་བསྐལ་པ་གྲངས་མེད་པ་ན་ཆོས་ཐོས་པར་གྱུར་པ་ཟབ་མོ་ཟབ་མོར་སྣང་བའམ། ཡངས་པའི་ཆོས་རྒྱན་རྣམ་པར་ཕྱེ་བའམ། ཆོས་སྣ་ཚོགས་ཚིག་དང་ཡི་གེ་སྣ་ཚོགས་ཀྱིས་བསྟན་
D44.035.0313a02.01པའམ། བྱང་ཆུབ་སེམས་དཔའི་རྒྱན་གྱི་ཆོས་སངས་རྒྱས་ཀྱི་བྱིན་གྱིས་བརླབས་སྣང་བ་ཅན་ནམ། བླ་ན་མེད་པའི་སངས་རྒྱས་ཀྱི་ཆོས་ལྷག་པའི་བསམ་པ་དགེ་བ་དང་མོས་པས་རྣམ་པར་དག་པའམ། འཇིག་རྟེན་ཐམས་ཅད་ལ་མི་གནས་
D44.035.0313a03.01པའི་ཆོས་འཇིག་རྟེན་གྱི་ཁོང་དུ་ཆུད་པ་དང་འཐུན་པའམ། ཆོས་ཡངས་པ་རྒྱ་ཆེན་པོའི་ཆོས་སུ་བསྟན་པའམ། རབ་རིབ་དང་བྲལ་བའི་ཆོས་འཇིག་རྟེན་གྱིས་ཤེས་པར་བྱ་བའམ། འཇིག་རྟེན་ཐམས་ཅད་དང་ཐུན་མོང་མ་ཡིན་པའི་ཆོས་
D44.035.0313a04.01བྱང་ཆུབ་སེམས་དཔའི་ཡེ་ཤེས་ཀྱི་རྗེས་སུ་སོང་བའམ། བླ་ན་མེད་པའི་ཆོས་ཐམས་ཅད་མཁྱེན་པའི་ཆོས་ཀྱིས་རྒྱ་ཆེར་རྣམ་པར་འཕྲུལ་པ་བསྟན་པ་དེ་ལྟ་བུ་དག་ཐོས་ཀྱང་བསྐལ་པ་གྲངས་མེད་པས་བརྗེད་པར་མི་འགྱུར། ཉམས་པར་མི་འགྱུར།
D44.035.0313a05.01རྒྱུན་འཆད་པར་མི་འགྱུར་རོ། །དེ་ཅིའི་ཕྱིར་ཞེ་ན། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱད་པ་ལ་སྤྱོད་པའི་ཚེ། སེམས་ཅན་སུ་ལ་ཡང་དྲན་པ་རྣམ་པར་འཁྲུག་པར་མི་བྱེད། ཆོས་རིག་པ་ཐོགས་པར་མི་བྱེད། དགེ་བའི་རྩ་
D44.035.0313a06.01བའི་བློ་གྲོས་འཇིག་པར་མི་བྱེད། གཞན་གྱི་བློ་ལ་གནོད་པར་མི་བྱེད་དོ། །ཀྱེ་རྒྱལ་བའི་སྲས་དག་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་འདི་ལྟ་བུའི་སྒྲ་ཆེན་པོ་མཐོ་བ་དག་དང་ཕྲད་པར་གྱུར་ཏེ། དྲག་པོའི་སྒྲ་དང་། མི་བཟད་
D44.035.0313a07.01