完整藏文原文 · 德格版页 当前仅加载第 35 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
སྒོར། །སངས་རྒྱས་རྣམ་པར་འཕྲུལ་བས་ཚུལ་སྟོན་ཏེ། །དབང་པོ་དཔལ་གྱི་རྣམ་ཐར་རྒྱ་མཚོའོ། །དེ་བཞིན་གཤེགས་པའི་རྫུ་འཕྲུལ་རྣམས་དང་ནི། །{མྱི་,མི་}ཟད་འདས་པའི་ཞིང་རྣམས་ཐམས་ཅད་ཀྱང་། །དེ་དག་སྤྲུལ་པའི་དཀྱིལ་འཁོར་གཅིག་ཏུ་སྟོན། །
D44.035.0014b01.01ཆོས་ཀྱི་དཀྱིལ་འཁོར་སྒོ་མོ་གཅིག་ལ་ཡང་། །ཆོས་ཀྱི་སྒོ་མོ་མི་ཟད་རྒྱ་མཚོ་དག །སངས་རྒྱས་ཆོས་ཉིད་རབ་ཏུ་ངེས་སྒྲོགས་ཏེ། །ཤེས་པའི་མིག་ནི་འདི་ཡི་ཚུལ་ལ་འཇུག །ཕྱོགས་བཅུ་དག་ན་ཞིང་དབྱིངས་ཇི་སྙེད་པ། །དེ་དག་ཀུན་ཏུ་སངས་རྒྱས་ཆོས་སྟོན་ཀྱང་། །
D44.035.0014b02.01རྒྱལ་བ་དེ་ནི་གར་ཡང་འཕོ་མི་མཛད། །དགའ་བའི་གཙུག་གི་བློ་གྲོས་སྤྱོད་ཡུལ་ལོ། །དེ་བཞིན་གཤེགས་པའི་གཟུགས་བརྙན་འདྲ་བ་སྟེ། །མགོན་པོ་ཆོས་ཀྱི་གཞལ་མེད་ཁང་སྣང་བ། །ཆོས་ཉིད་རབ་ཏུ་ཞི་བ་ཡང་དག་སྟོན། །ཡོན་ཏན་བློ་གྲོས་བཟང་པོས་འདི་མཐོང་ངོ་། །
D44.035.0014b03.01རང་བྱུང་རྣམས་ཀྱི་སྤྱོད་ཡུལ་རྣམས་ལ་ལྟོས། །སེམས་ཅན་ཀུན་གྱི་དབང་པོའི་ཚུལ་བཞིན་དུ། །བསམ་ཡས་འབྱུང་བའི་སྒོ་མོས་ཆོས་ཆར་འབེབས། །འདི་ནི་ཞི་བའི་འོད་ཀྱི་ལྷ་སྟོན་ཏོ། །ཐུགས་རྗེ་རྒྱ་ཆེན་རབ་ཏུ་བསྐྱེད་བྱས་ཤིང་། །སེམས་ཅན་ཕན་ཕྱིར་མགོན་པོ་
D44.035.0014b04.01རྣམས་འབྱུང་སྟེ། །སྣོད་ཀྱི་ཚུལ་བཞིན་ཆོས་ཀྱི་ཆར་ཡང་འབེབས། །སྣང་བ་ཆེན་པོའི་བློ་གྲོས་འདི་སྟོན་ཏོ། །དེ་ལ་ལྷའི་རྒྱལ་པོ་དགེ་བར་གྲགས་པའི་བློ་གྲོས་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་རྣམ་པར་ཐར་པའི་ཚོགས་ཀྱི་ཚུལ་ལ་རྣམ་པར་ལྟར་འཛུད་
D44.035.0014b05.01པ་ཞེས་བྱའོ། །ལྷའི་རྒྱལ་པོ་མཆོག་ཏུ་སྣང་བའི་རྣམ་པར་ཐར་པ་ནི། ལྷའི་བུ་རང་བཞིན་རྣམ་པར་རིག་པའི་འོད་ཅེས་བྱའོ། །ལྷའི་བུ་རབ་ཏུ་ཞི་བའི་དཔལ་གྱི་རྣམ་པར་ཐར་པ་ནི། ཐབས་ཀྱི་ཚུལ་དང་སྒོ་ཐམས་ཅད་ཀྱི་སངས་རྒྱས་ཀྱི་ཡུལ་ཡོངས་སུ་སྦྱོང་བ་ཞེས་བྱའོ། །
D44.035.0014b06.01ལྷའི་བུ་དབྱངས་ཀྱི་རི་བོའི་རྣམ་པར་ཐར་པ་ནི། འཁོར་བའི་རྒྱ་མཚོའི་ཕྱི་མའི་མཐའ་ཐམས་ཅད་དུ་འགྲོ་བ་ཡོངས་སུ་སྒྱུར་བ་ཞེས་བྱའོ། །ལྷའི་བུ་དྲན་པ་དགེ་བའི་མིག་གི་རྣམ་པར་ཐར་པ་ནི། དེ་བཞིན་གཤེགས་པའི་ཚུལ་རྗེས་སུ་དྲན་ཞིང་སེམས་ཅན་འདུལ་བའི་བྱིན་གྱི་རླབས་ཤེས་བྱའོ།།
D44.035.0014b07.01