完整藏文原文 · 德格版页 当前仅加载第 35 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
གཏི་མུག་གདུངས། །མེ་ལྕེ་འབར་ཕུང་འཇིགས་གཟུགས་མི་བཟད་བསྲེགས་གྱུར་པ། །མཐོང་ནས་སྒྲོལ་ཕྱིར་ཞུགས་པ་དེ་དག་སྤྱོད་ཡུལ་འདིའོ། །ལམ་གོལ་ལམ་མ་ཡིན་པའི་རྐྱེན་ལ་སྤྱོད་གྱུར་ཅིང་། །མུན་པ་ཆེན་པོར་རྟོལ་བར་དཀའ་རྙེད་འགྲོ་མཐོང་ནས། །
D44.035.0201b01.01སྣང་བ་ཆེན་པོ་བསྐྱེད་དེ་སངས་རྒྱས་ཆོས་སྟོན་ཅེས། །འདི་སྐད་ཚིག་བརྗོད་དེ་དག་སྤྱོད་ཡུལ་འདི་ཡིན་ནོ། །སྲིད་པའི་མཚོས་གཡེངས་སེམས་ཅན་རབ་ཏུ་མང་བ་དག །མཐའ་མི་མཐོང་ཞིང་སྐྱབས་མེད་དོ་ཞེས་མི་དགའ་བ། །མཐོང་ནས་བརྩོན་འགྲུས་སྟོབས་བསྐྱེད་
D44.035.0201b02.01ཆོས་ཀྱི་གྲུ་སྦྱར་ཅིང་། །ཕ་རོལ་སུ་འགྲོ་ཞེས་བརྗོད་དེ་དག་སྤྱོད་ཡུལ་འདིའོ། །སེམས་ཅན་རྩ་བ་མེད་ལ་གནས་པ་མི་མཁས་ཀུན། །གཡང་ས་ཆེན་པོར་ལྟུང་ཞིང་སེམས་ཉམས་རྨོངས་མཐོང་ནས། །སྙིང་རྗེས་ཆོས་ཀྱི་ཟམ་ལ་མཁས་པ་སུ་འགོད་ཅིང་། །དྲན་
D44.035.0201b03.01པར་གྱིས་ཤེས་སུ་སྨྲ་དེ་དག་སྤྱོད་ཡུལ་འདིའོ། །ཤིན་ཏུ་དོག་པའི་བཙོན་རར་སྡུག་བསྔལ་སེམས་ཅན་རྣམས། །ནད་དང་རྒ་བས་གཟིར་ཅིང་མཚམས་ཀྱིས་མནར་བ་དག །མཐོང་ནས་བདག་གིས་ཐབས་ཀྱི་ཆོས་རྣམས་ཀུན་བརྩམས་ཏེ། །སེམས་ཅན་ཀུན་དགྲོལ་
D44.035.0201b04.01སེམས་པ་དེ་དག་སྤྱོད་ཡུལ་འདིའོ། །སངས་རྒྱས་ཆོས་རྣམས་ཐམས་ཅད་ཐོས་གྱུར་ཐེ་ཙོམ་མེད། །ཆོས་དབྱིངས་སྤྱོད་ཡུལ་ཕྱོགས་བཅུ་ཀུན་ཏུ་རྒྱས་བཀང་སྟེ། །འདི་དག་ཐམས་ཅད་བརྟགས་ན་གསོག་ཀྱང་མི་འཇིགས་ཤིང་། །སེམས་ཅན་ཀུན་ལ་སྙོམས་བྱེད་དེ་
D44.035.0201b05.01ཡི་སྤྱོད་ཡུལ་ལོ། །དེ་ནས་འོད་ཟེར་དེ་དག་འཇིག་རྟེན་གྱི་ཁམས་དེ་དག་ནས་འདས་ཏེ། ཤར་ཕྱོགས་ལོགས་སུ་འཇིག་རྟེན་གྱི་ཁམས་བྱེ་བ་ཕྲག་བརྒྱ་སྣང་བར་བྱས་སོ། །འཇིག་རྟེན་གྱི་ཁམས་བྱེ་བ་སྟོང་སྣང་བར་བྱས་སོ། །འཇིག་རྟེན་གྱི་ཁམས་བྱེ་བ་བརྒྱ་ཕྲག་སྟོང་སྣང་བར་བྱས་སོ། །འཇིག་
D44.035.0201b06.01རྟེན་གྱི་ཁམས་བྱེ་བ་ཁྲག་ཁྲིག་སྣང་བར་བྱས་སོ། །འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྣང་བར་བྱས་སོ། །འཇིག་རྟེན་གྱི་ཁམས་བྱེ་བ་ཁྲག་ཁྲིག་སྟོང་སྣང་བར་བྱས་སོ། །འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་ཕྲག་སྟོང་སྣང་བར་བྱས་སོ། །འཇིག་རྟེན་
D44.035.0201b07.01