完整藏文原文 · 德格版页 当前仅加载第 35 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
ཅག་རྣམས་ནི་འདི་སྙམ་དུ། །རི་རབ་རྩེ་ལ་བདེ་གཤེགས་སྙམ། །འཇིག་རྟེན་ཁམས་ནི་ཀུན་ན་ཡང་། །སངས་རྒྱས་ངོ་མཚར་རྨད་རེ་ཆེ། །འཇིག་རྟེན་ཁམས་རྣམས་ཐམས་ཅད་ན། །བྱང་ཆུབ་མཆོག་ཏུ་སེམས་བཏང་
D44.035.0241a01.01ཞིང་། །དེ་དག་སྨོན་ལམ་འདི་བཏབ་སྟེ། །བྱང་ཆུབ་སྤྱོད་པ་རབ་ཏུ་སྤྱོད། །ཁ་དོག་མདོག་ནི་ཚད་མེད་པས། །གང་ཟག་མཆོག་ནི་བསྐྱོད་བྱེད་ཀྱང་། །ཆོས་ཀྱི་དབྱིངས་ལ་མི་ཆགས་ཏེ། །དེ་དག་སུས་ཀྱང་མི་ཤེས་སོ། །གང་གིས་འཇིག་རྟེན་མུན་བསྩལ་ཞིང་། །
D44.035.0241a02.01ཐམས་ཅད་དུས་སུ་རྣམ་སྣང་བ། །དེ་ལ་འདྲ་བ་གང་ཡང་མེད། །དེ་ནི་ཤེས་པར་ཇི་ལྟར་རུང་། །དེ་ནས་བྱང་ཆུབ་སེམས་དཔའ་ཐམས་ཅད་བློ་གྲོས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །འདྲེན་པ་རྣམས་ནི་མཐོང་ནས་
D44.035.0241a03.01ཀྱང་། །བསྐལ་པ་མང་པོ་འདས་གྱུར་ཏེ། །འཇིག་རྟེན་མགོན་སྐྱོབ་དེ་དག་གིས། །ཆོས་ཉིད་དེ་ནི་ཤེས་པ་མིན། །མཚན་མ་དག་ལ་སྤྱོད་པ་རྣམས། །གཏི་མུག་དྲ་བ་འཕེལ་བར་གྱུར། །སངས་རྒྱས་གང་གིས་མ་མཐོང་བ། །འཁོར་བའི་བཙོན་རར་མདོངས་པ་
D44.035.0241a04.01ཡིན། །ཆོས་རྣམས་འདི་དག་བརྟག་བྱས་ན། །རང་བཞིན་ཤེས་པར་མི་རུང་སྟེ། །སྐྱེ་དང་ཤི་འཕོས་གྱུར་པ་རྣམས། །མིང་ཙམ་དུ་ནི་བསྟན་པ་ཡིན། །ཆོས་རྣམས་གང་ཡང་འགྲོ་བ་མེད། །གང་ཡང་དེ་བཞིན་སྐྱེ་བ་མེད། །ཆོས་ཉིད་འདི་ནི་ཤེས་གྱུར་ན། །སངས་
D44.035.0241a05.01རྒྱས་ཀུན་ན་རབ་ཏུ་སྣང་། །གཟུང་དུ་མེད་ཅིང་བལྟར་མེད་ཅིང་། །ཆོས་ཀྱི་རྣམས་ནི་རང་བཞིན་མེད། །དངོས་མེད་པ་ཡི་མཐའ་ཤེས་ན། །སངས་རྒྱས་རྣམས་ལ་ཚད་ཀྱང་མེད། །ཚད་མེད་པ་ཡི་ཆོས་རྣམས་ཀྱི། །རང་བཞིན་གང་གིས་ཡོངས་ཤེས་པ། །དེ་ནི་ཅི་ཞིག་
D44.035.0241a06.01ཡོད་ཅེས་པར། །མཐོང་བར་གྱུར་པ་གང་ཡང་མེད། །གང་རྣམས་མཚན་མའི་རྗེས་འབྲང་བ། །དེ་དག་བྱིས་པའི་ཆོས་ཉིད་དེ། །དེ་ཕྱིར་མཚན་ཉིད་ཀུན་མེད་པའི། །སངས་རྒྱས་རྣམས་ཀྱང་མི་མཐོང་ངོ་། །དུས་གསུམ་འབྱུང་བའི་ཐུབ་པ་རྣམས། །མཚན་རབ་
D44.035.0241a07.01