完整藏文原文 · 德格版页 当前仅加载第 35 函德格 6b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་སེལ་ཅིང་རྣམ་པར་སྤྱོད་པ་དང་། སྒྲ་དབྱངས་ཀུན་ཏུ་འབྱུང་བ་དང་། ཉི་མའི་འོད་འགྲོ་བའི་མཆོག་གི་རྒྱལ་མཚན་དང་། ཕྱོགས་བཅུར་རྨོངས་པ་མེད་པར་ལྟ་བ་དང་། སྨན་གྱི་ལྷ་མདངས་བཟང་པོ་ཀུན་ཏུ་འགྱེད་པའི་མིག་དང་། དེ་དག་ལ་སོགས་པ་སྨན་གྱི་ལྷ་མཐའ་
D44.035.0006b01.01ཡས་པ་ཀུན་ཀྱང་སྙིང་རྗེ་དྲི་མ་{མྱེད་,མེད་}པའི་དཀྱིལ་འཁོར་གྱིས་རབ་ཏུ་སྣང་བར་གྱུར་པ་ཤ་སྟག་དང་ཐབས་གཅིག་གོ །ལོ་ཏོག་གི་ལྷ་མཐའ་ཡས་པ་དག་དང་ཡང་ཐབས་གཅིག་སྟེ། འདི་ལྟར་ལོ་ཏོག་གི་ལྷ་དང་འཇམ་པའི་དཔལ་དང་། དུས་ཀྱི་མེ་ཏོག་རྣམ་པར་མཛེས་པའི་འོད་དང་།
D44.035.0006b02.01རྩལ་དམ་པའི་སྟོབས་དང་མདངས་ཀྱི་ངད་མཐའ་ཡས་པ་རབ་ཏུ་འགྱེད་པ་དང་། ས་ཀུན་གྱི་རྩ་བ་འབྲས་བུ་དང་། གཙུག་ཕུད་ཁ་དོག་སྣ་ཚོགས་དང་། ཡལ་ག་དྲི་མ་{མྱེད་,མེད་}པར་གྲུབ་པ་དང་། སྤོས་སྣ་ཚོགས་ཤིན་ཏུ་གྲུབ་པ་དང་། བཟང་ཞིང་ཡིད་དུ་འོང་བར་སྣང་བ་དང་། ལོ་ཏོག་གི་
D44.035.0006b03.01ལྷ་ཁ་དོག་རྣམ་པར་དག་ཅིང་འོད་དྲི་མ་{མྱེད་,མེད་}པ་དང་། དེ་དག་ལ་{སྩོགས་,སོགས་}པ་ལོ་ཏོག་གི་ལྷ་མཐའ་ཡས་པ་ཀུན་ཀྱང་དགའ་བ་དང་མགུ་བ་དང་རངས་པ་ཤིན་ཏུ་ཐོབ་པ་ཤ་སྟག་དང་ཐབས་གཅིག་གོ །ཆུ་ཀླུང་གི་ལྷ་མུ་{མྱེད་,མེད་}པ་དག་དང་ཡང་ཐབས་གཅིག་སྟེ། འདི་ལྟར་ཆུ་ཀླུང་གི་ལྷ་ཆུ་བོ་
D44.035.0006b04.01ཀུན་དང་ལྡན་པ་དང་། རི་དང་ཆུ་ཀུན་ལ་རྟེན་པ་དང་། རྡུལ་ཐམས་ཅད་དྲི་མ་{མྱེད་,མེད་}པར་རྣམ་པར་དག་པའི་མིག་དང་། ང་རོས་ཁྱབ་པར་བྱེད་པ་དང་། སྲོག་ཆགས་ཀྱི་རྒྱུད་མཐའ་ཡས་པ་སྐྱོབ་པ་དང་། གདུང་བ་མེད་པ་རྒྱ་མཚོ་གདུང་བ་མེད་པའི་འོད་དྲི་མ་མེད་པ་དང་། དགའ་བདེ་ཀུན་
D44.035.0006b05.01ནས་འབྱུང་བ་དང་། ཡོན་ཏན་གྱི་ཤུགས་ཡངས་པའི་རྒྱལ་མཚན་དང་། འཇིག་རྟེན་ཐམས་ཅད་ཀྱི་དཔལ་རྣམ་པར་སྣང་བ་དང་། ཆུ་ཀླུང་གི་ལྷ་ཚོགས་ཆེན་པོ་རྒྱ་མཚོའི་དཔལ་གྱི་འོད་དང་། དེ་དག་ལ་སོགས་པ་ཆུ་ཀླུང་གི་ལྷ་མུ་མེད་པ་ཀུན་ཀྱང་འགྲོ་བ་ཐམས་ཅད་ལ་ཕན་པའི་དོན་
D44.035.0006b06.01དུ་ཡིད་ལ་བྱེད་པ་ལ་བརྩོན་པ་ཤ་སྟག་དང་ཐབས་གཅིག་གོ །རྒྱ་མཚོའི་ལྷ་བསམ་གྱིས་མི་ཁྱབ་པ་དག་དང་ཡང་ཐབས་གཅིག་སྟེ། འདི་ལྟར་རྒྱ་མཚོའི་ལྷ་རིན་པོ་ཆེའི་འོད་འབྱུང་བའི་དཔལ་དང་། རྡོ་རྗེ་ཀུན་ནས་སྲ་ཞིང་{མྱི་,མི་}ཆོམས་པའི་རྒྱལ་མཚན་དང་ལྡན་པ་དང་། རྡུལ་དང་དྲི་མ་
D44.035.0006b07.01