完整藏文原文 · 德格版页 当前仅加载第 35 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་སྦྱོར་འཇུག་ཅིང་། །འགྲོ་བ་ཐམས་ཅད་སྙིང་རྗེ་ཆེན་པོས་ཁྱབ་བྱས་ནས། །རང་བཞིན་དག་པས་ཐར་ལམ་བྱ་བ་མེད་པར་སྟོན། །གང་རྣམས་རྒྱལ་བའི་སྟོབས་རྣམས་ཇི་བཞིན་ཚད་མེད་དང་། །གང་རྣམས་མཁའ་ལྟར་འགྲོ་བ་ཀུན་ཏུ་
D44.035.0280a01.01མཐའ་ཡས་ཤིང་། །གང་རྣམས་སེམས་ཅན་ཁམས་ཀུན་ཡོངས་སུ་དགྲོལ་བརྩོན་པ། །དེ་དག་བསྐལ་པ་བྱེ་བར་གྲངས་མེད་སྤྱད་པ་སྤྱོད། །ལས་མཆོག་བླ་ན་མེད་པ་ཤིན་ཏུ་སྦྱངས་པ་ཡིས། །ཡོན་ཏན་དམ་པ་སྣ་ཚོགས་རྣམས་ཀྱང་ཀུན་སེམས་ཤིང་། །བྱང་ཆུབ་
D44.035.0280a02.01སེམས་དཔའ་དེ་དག་སྤྱོད་པ་མཆོག་{མྱི་,མི་}གཏོང་། །ཐམས་ཅད་མཁྱེན་པའི་ཡེ་ཤེས་འབྱུང་བ་རྣམ་པར་ལྟ། །སེམས་འབྱུང་གཅིག་གིས་འཇིག་རྟེན་བསམ་གྱིས་མི་ཁྱབ་པ། །འབྱམ་ཀླས་ཀུན་ཏུ་རྒྱུ་ཞིང་འགྲོ་བ་རབ་ཏུ་སྣང་། །རྟོག་དང་རྣམ་རྟོག་{མྱི་,མི་}བྱེད་དག་པའི་སེམས་
D44.035.0280a03.01དང་ལྡན། །དེ་དག་གཅིག་མིན་ལུས་ལ་ལུས་གཅིག་སྟོན་པ་བྱེད། །དེ་དག་འཇིག་རྟེན་ཀུན་ལ་རྟོག་པར་མི་བྱེད་དེ། །མགོན་པོ་ཀུན་གྱི་ཆོས་ཉིད་ཡོངས་སུ་མི་རྟོག་གོ །དེ་དག་ཆོས་ཀུན་རྣམ་འབྱེད་འདོད་ཆགས་བྲལ་གྱུར་པ། །འགྲོ་བ་ཐར་བར་བྱ་བ་ཡོངས་སུ་མི་གཏོང་
D44.035.0280a04.01ངོ་། །འཇིག་རྟེན་ཀུན་གྱི་འདུ་ཤེས་རྣམ་པ་གང་ཡོད་པ། །བཟང་ངན་འབྲིང་དང་དེ་བཞིན་ཆུང་དང་སྣ་ཚོགས་ཀྱི། །འདུ་ཤེས་ཐིབས་པོ་དག་དང་རབ་རྒལ་རྣམ་ཕྱེ་སྟེ། །དེ་དག་བྱིན་རླབས་རྣམ་པར་འཕྲུལ་པ་ཤིན་ཏུ་སྟོན། །ཇི་ལྟར་སྒྱུ་མ་རྣམ་པ་སྣ་ཚོགས་ཚད་མེད་
D44.035.0280a05.01པ། །དེ་འདྲའི་རྣམ་པར་འཕྲུལ་པས་ཆོས་དབྱིངས་འདི་དག་འགེངས། །ནམ་མཁའི་དབྱིངས་ཀྱི་མཐའ་ཀླས་ལུས་ཀྱི་བྱེ་བྲག་གིས། །འགྲོ་བ་རྣམས་ཀྱི་མོས་པ་ཇི་བཞིན་སྟོན་པ་བྱེད། །དེ་དག་གང་ལའང་མ་ཆགས་རྟོག་དང་རྣམ་རྟོག་མེད། །དོག་པ་མེད་ཅིང་ཉོན་མོངས་
D44.035.0280a06.01དེ་བཞིན་རློམ་སེམས་མེད། །དེ་དག་སངས་རྒྱས་ཆགས་པའི་བློ་མེད་ཐར་ལ་མིན། །འགྲོ་བ་ཀུན་ལའང་བདེ་བའི་འདུ་ཤེས་རབ་ཏུ་སྐྱེད། །འཇིག་རྟེན་ཀུན་ན་ཤེས་ལ་མཁས་རབ་མི་འཇིགས་པ། །འཇིག་རྟེན་འདུ་ཤེས་གནས་ལ་འཇུག་པར་{མྱི་,མི་}བྱེད་དེ། །དེ་དག་
D44.035.0280a07.01