完整藏文原文 · 德格版页 当前仅加载第 35 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་འཁྲུགས་པར་ལྟུང་བའི་འཇིགས་པའང་མེད། ཤེས་རབ་འཆལ་བར་ལྟུང་བའི་འཇིགས་པ་འང་མེད་པས། དེའི་ཕྱིར་ཡོངས་སུ་འཛིན་པའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལ་ཡོངས་སུ་འཛིན་པ་ཞེས་
D44.035.0161a01.01བྱའོ། །དེ་ལྟར་དེ་དག་ལ་སོགས་པ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་དེ་ནི་ཡོན་ཏན་ཚད་མེད་པ་མང་པོ་དང་ལྡན་པ་སྟེ། མདོར་ན་འཇིག་རྟེན་གྱི་ཁམས་རི་རབ་ཀུན་ཏུ་བཟང་པོ་ན་ཡོན་ཏན་ཇི་སྙེད་ཅིག་ཡོད་པ་དེ་སྙེད་ཀྱི་ཡོན་ཏན་ནི་སྟོང་
D44.035.0161a02.01གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་ན་ཡོད་དོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་དེ་ན་སྟོང་གཉིས་ཀྱི་འཇིག་རྟེན་གྱི་ཁམས་ལྷན་ཅིག་སྤྱོད་པ་ཞེས་བྱ་བ། འཕྲུལ་དགའི་ལྷའི་དབྱིབས་སུ་
D44.035.0161a03.01འདུག་པ། སྟོང་གཉིས་ཀྱི་འཇིག་རྟེན་གྱི་ཁམས་མང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་ཡོད་དེ། སྟོང་གཉིས་ཀྱི་འཇིག་རྟེན་གྱི་ཁམས་ལྷན་ཅིག་སྤྱོད་པ་ཞེས་བྱ་བ་དེ་ནི། རྟག་ཏུ་དེ་བཞིན་གཤེགས་པའི་འོད་རྒྱ་
D44.035.0161a04.01མཚོ་མང་པོ་དང་མི་འབྲལ་ལོ། རྟག་ཏུ་དེ་བཞིན་གཤེགས་པའི་ཡེ་ཤེས་ཀྱི་འོད་ཟེར་དྲ་བ་རྒྱ་མཚོ་དང་མི་འབྲལ་ལོ། །རྟག་ཏུ་དེ་བཞིན་གཤེགས་པའི་སྐུ་རྒྱ་མཚོ་དང་མི་འབྲལ་ལོ། །རྟག་ཏུ་དེ་བཞིན་གཤེགས་པའི་གསུང་རྒྱ་མཚོ་དང་མི་འབྲལ་ལོ། །རྟག་ཏུ་དེ་བཞིན་གཤེག་
D44.035.0161a05.01གཤེགས་པའི་མངོན་པར་རྫོགས་པར་འཚང་རྒྱ་བ་རྒྱ་མཚོ་དང་མི་འབྲལ་ལོ། །རྟག་ཏུ་དེ་བཞིན་གཤེགས་པའི་ཆོས་ཀྱི་འཁོར་ལོ་བསྐོར་བ་རྒྱ་མཚོ་དང་མི་འབྲལ་ལོ། །རྟག་ཏུ་དེ་བཞིན་གཤེགས་པའི་ཡོངས་སུ་མྱ་ངན་ལས་འདས་པ་ཆེན་པོ་རྒྱ་མཚོ་དང་མི་འབྲལ་ལོ། །རྟག་ཏུ་མུ་
D44.035.0161a06.01སྟེགས་ཀྱི་གནས་ཐམས་ཅད་ཕུ་དུད་དུ་བྱ་བ་རྒྱ་མཚོ་དང་མི་འབྲལ་ལོ། །རྟག་ཏུ་བདུད་ཀྱི་ལས་ཐམས་ཅད་ཡོངས་སུ་གཅོད་པ་རྒྱ་མཚོ་དང་མི་འབྲལ་ལོ། །སྟོང་གཉིས་ཀྱི་འཇིག་རྟེན་གྱི་ཁམས་ལྷན་ཅིག་སྤྱོད་པ་ཞེས་བྱ་བ་དེར་སེམས་ཅན་གང་ཇི་སྙེད་ཅིག་སྐྱེས་པ་དེ་དག་ཐམས་ཅད་ཀྱང་
D44.035.0161a07.01