完整藏文原文 · 德格版页 当前仅加载第 35 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་སྤུ་ཡི་སྒོ་རྣམས་ཀུན་ནས་ཀྱང་། །ནད་ལས་རབ་ཏུ་གྲོལ་བའི་འོད་བཀྱེ་བས། །འཇིག་རྟེན་ཉོན་མོངས་མ་ལུས་ཞི་བར་མཛད། །སྤུ་མདངས་རྒྱུན་གྱི་རྣམ་ཐར་འདི་ཡིན་ནོ། །སྡུག་བསྔལ་ལས་དང་ཉོན་མོངས་སྣ་ཚོགས་པས། །
D44.035.0045a01.01འགྲོ་བ་མདོངས་ཤིང་རབ་ཏུ་རྨོངས་གྱུར་རྣམས། །སངས་རྒྱས་ཡེ་ཤེས་འོད་ཀྱིས་རྣམ་པར་སྤྱོད། །དེ་ནི་མུན་དང་བྲལ་བའི་ལྷས་མཐོང་ངོ་། །རྒྱལ་བའི་གསུང་གཅིག་ལས་ནི་མཐའ་ཡས་པའི། །ཆོས་ཀྱི་སྒོ་མོ་ཐམས་ཅད་ཀུན་ཀྱང་འབྱུང་། །དེ་ནི་སེམས་
D44.035.0045a02.01ཅན་མ་ལུས་ཀུན་ཀྱང་ཤེས། །འདི་ནི་སྒྲ་དང་ལྡན་པའི་རྣམ་ཐར་ཏོ། །རྒྱལ་བའི་ཡེ་ཤེས་བསམ་གྱིས་མི་ཁྱབ་ལྟོས། །སྲིད་པར་སེམས་ཅན་ཡོངས་སུ་སྨིན་བྱས་པ། །དེ་ལ་འགྲོ་ཀུན་མི་མགོན་མངོན་དུ་སྣང་། །ཉི་འོད་ཞི་བའི་ལྷ་ཡིས་དེ་མཐོང་
D44.035.0045a03.01ངོ་། །སངས་རྒྱས་ཐུགས་རྗེའི་ཚུལ་ནི་རྒྱ་མཚོ་སྟེ། །འགྲོ་བ་ཀུན་ལ་ཕན་དོན་དེ་སྐྱེས་སོ། །འགྲོ་བ་ཀུན་ལ་ལམ་རྣམས་ཤིན་ཏུ་སྟོན། །དེ་ནི་ཕྱོགས་སུ་སྣང་བའི་ལྷས་ཤེས་སོ། །སངས་རྒྱས་འགྲོ་དབང་རྣམས་ཀྱི་འོད་ཡངས་པ། །ཕྱོགས་རྣམས་
D44.035.0045a04.01ཐམས་ཅད་མ་ལུས་ཀུན་ཏུ་གང་། །སངས་རྒྱས་རྗེས་སུ་དྲན་པའི་གཟི་བརྗིད་བསྐྱེད། །མདངས་ཀྱི་འོད་དུ་ལྡན་པའི་རྣམ་ཐར་ཏོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་བཞི་པ། དེ་ལ་
D44.035.0045a05.01ནགས་ཚལ་གྱི་ལྷ་ཡལ་ག་སྣ་ཚོགས་ཀྱི་སྤྲིན་གྱི་རྣམ་པར་ཐར་པ་ནི། ཡེ་ཤེས་རྒྱ་མཚོ་ཡངས་ཤིང་མཐའ་ཡས་པའི་སྙིང་པོ་ཞེས་བྱའོ། །ནགས་ཚལ་གྱི་ལྷ་འོད་ཀྱི་ཕུང་པོ་སྣ་ཚོགས་ཀྱི་མིག་ཡིད་དུ་འོང་བའི་འོད་ཀྱི་རྣམ་པར་ཐར་པ་ནི་དགེ་བ་རྒྱ་ཆེན་པོ་ཀུན་ནས་
D44.035.0045a06.01སྤུངས་པའི་ཤུགས་ཤེས་བྱའོ། །ནགས་ཚལ་གྱི་ལྷ་མྱུ་གུ་ཡིད་དུ་འོང་བའི་འོད་ཀྱི་རྣམ་པར་ཐར་པ་ནི། མོས་པ་སྣ་ཚོགས་ཀྱི་མྱུ་གུ་རྣམ་པར་འཕེལ་བ་དང་། ཡོངས་སུ་དག་པར་བྱེད་པ་ཞེས་བྱའོ། །ནགས་ཚལ་གྱི་ལྷ་ལོ་མ་དྲི་མ་མེད་པའི་ཕྲེང་བའི་དཔལ་
D44.035.0045a07.01