完整藏文原文 · 德格版页 当前仅加载第 35 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལ་སྒྲིབ་པ་{མྱེད་,མེད་}པས་སྣང་བར་གྱུར་པ་སྟེ། དེ་ནི་འདི་ལྟར་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱི་སྔོན་བསྐལ་པ་རྒྱ་མཚོ་ནས། བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། བསྡུ་བའི་དངོས་པོ་བཞིས་ཡོངས་སུ་བསྡུས་ཏེ། དེ་བཞིན་གཤེགས་པ་དེ་དང་དེ་དག་
D44.035.0012b01.01གི་དྲུང་དུ་བཞུད་པའི་ཚེ། དགེ་བའི་རྩ་བ་ཡོངས་སུ་བཟུང་ཞིང་ཐབས་ཀྱི་སྒོ་དེ་དག་གིས་ཡོངས་སུ་སྨིན་པར་བྱས་ཏེ་རྣམ་པ་ཐམས་ཅད་མཁྱེན་པ་ཉིད་ཀྱི་ལམ་ལ་བཀོད་ཅིང་། དགེ་བའི་རྩ་བ་ཚད་མེད་པ་རབ་ཏུ་བསྐྱེད་པས་བསོད་ནམས་ཆེན་པོའི་སྟོབས་དང་ཤུགས་རབ་ཏུ་ཐོབ་པ་དག་གོ །སྨོན་
D44.035.0012b02.01ལམ་གྱི་ཚུལ་རྒྱ་མཚོ་གཞན་དང་གཞན་ལ་རབ་ཏུ་ཞུགས་ཤིང་སྤྱོད་པའི་དཀྱིལ་འཁོར་གཞན་དང་གཞན་ཡོངས་སུ་དག་པས། ཡང་དག་པར་བྱུང་བ་འབྱུང་བའི་ལམ་གཞན་དང་གཞན་གྱིས་ཤིན་ཏུ་འབྱུང་བའི་དེ་བཞིན་གཤེགས་པ་གཞན་དང་གཞན་མཐོང་བས་སྣང་བར་གྱུར་པ་དག་སྟེ། དེ་
D44.035.0012b03.01དག་ནི་མོས་པའི་སྟོབས་གཞན་དང་གཞན་གྱིས་དེ་བཞིན་གཤེགས་པའི་ཡོན་ཏན་རྒྱ་མཚོ་ལ་འཇུག་གོ །སངས་རྒྱས་བལྟ་བའི་རྣམ་པར་ཐར་པའི་སྒོ་གཞན་དང་གཞན་གྱིས་རྣམ་པར་འཕྲུལ་ལོ། །དེ་ནི་འདི་ལྟ་སྟེ་ལྷའི་བུ་དབང་ཕྱུག་ཆེན་པོའི་རིས་སུ་གཏོགས་པ་ཤིན་ཏུ་འོད་འཕྲོ་རྒྱ་མཚོའི་
D44.035.0012b04.01རྣམ་པར་ཐར་པ་ནི་ཆོས་ཀྱི་དབྱིངས་དང་། ནམ་མཁའ་ལྟར་ཞི་བའི་ཚུལ་གྱི་མཐུ་ཞེས་བྱའོ། །ལྷའི་བུ་དབང་ཕྱུག་གྲགས་པ་རབ་ཏུ་སྣང་བའི་རྣམ་པར་ཐར་པ་ནི་ཆོས་ཐམས་ཅད་ལ་དབང་བའི་སྟོབས་ལ་ཡང་དག་པར་གཞོལ་ཞིང་ཀུན་ནས་རྗེས་སུ་འགྲོ་བས་རྣམ་པར་སྤྱོད་པ་ཞེས་བྱའོ། །ལྷའི་བུ་
D44.035.0012b05.01དགེ་བའི་མིག་དྲི་མ་མེད་པའི་རྣམ་པར་ཐར་པ་ནི། ཆོས་ཐམས་ཅད་འབྱུང་བ་མེད་པ་དང་། འགྲོ་བ་མེད་པ་དང་། བརྗོད་དུ་མེད་ཅིང་སྦྱར་བ་མེད་པ་ཞེས་བྱའོ། །ལྷའི་བུ་ཤེས་རབ་ཆེན་པོས་དགའ་ཞིང་སྤྲོ་བའི་རྣམ་པར་ཐར་པ་ནི། ཆོས་ཀྱི་ཚུལ་ཐམས་ཅད་ལ་མངོན་སུམ་དུ་གྱུར་པའི་ཤེས་
D44.035.0012b06.01རབ་རྒྱ་མཚོས་རྣམ་པར་དཔྱོད་པ་ལ་རབ་ཏུ་སྣང་བ་ཞེས་བྱའོ། །ལྷའི་བུ་འོད་མི་སྒུལ་བའི་དབང་ཕྱུག་གི་རྣམ་པར་ཐར་པ་ནི་སེམས་ཅན་ལ་བསམ་གཏན་གྱི་དགའ་བ་དང་བདེ་བ་མཐའ་ཡས་པ་ལ་མོས་པ་བསྟན་པ་རྒྱ་ཆེན་པོའི་ཚུལ་ཡང་དག་པར་འབྱུང་བ་ཞེས་བྱའོ། །ལྷའི་བུ་མིག་ཤིན་ཏུ་མཉམ་
D44.035.0012b07.01