完整藏文原文 · 德格版页 当前仅加载第 35 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
བཟློག་པར་འགྱུར། །བདུད་ཀྱི་ལས་རྣམས་ཀུན་ཀྱང་དེ་བཞིན་སྤོང་། །རྣམ་སྣང་འོད་ཀྱི་སྤྱོད་ཡུལ་འདི་ཡིན་ནོ། །རྒྱ་མཚོའི་འཁོར་རྣམས་ཐམས་ཅད་ཀུན་ཏུ་ཡང་། །རྒྱལ་བ་བཞུགས་པས་མངོན་པར་རབ་ཏུ་མཛེས། །ཆོས་
D44.035.0022a01.01ཀྱི་སྤྲིན་ཆེན་ཆར་ཡང་རབ་འབེབས་ཏེ། །གྲགས་པ་ཀུན་ཏུ་གྲགས་པའི་རྣམ་ཐར་ཏོ། །དེ་ལ་ལྷའི་དབང་པོ་བརྒྱ་བྱིན་གྱི་རྣམ་པར་ཐར་པ་ནི། དུས་གསུམ་དུ་གཤེགས་པའི་དེ་བཞིན་གཤེགས་པ་སྐྱེ་བ་འབྱུང་བ་དང་། རྣམ་པར་འཇིག་པ་རྒྱ་ཆེན་པོ་རྗེས་སུ་དྲན་པ་
D44.035.0022a02.01ཡིད་ལ་བྱ་བ་དགའ་བ་ཆེན་པོའི་ཤུགས་ཤེས་བྱའོ། །ལྷའི་བུ་སྒྲ་ཀུན་ཏུ་གྲགས་པའི་དབང་ཕྱུག་དཀྱིལ་འཁོར་གྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་གཟུགས་དེ་བཞིན་གཤེགས་པའི་གཟུགས་ཀྱི་སྐུའི་ཡོན་ཏན་ཏུ་ཡོངས་སུ་སྤྱོད་པའི་ཤུགས་ཀྱི་སྙིང་པོ་ཞེས་
D44.035.0022a03.01བྱའོ། །ལྷའི་བུ་བྱམས་པར་ལྟ་བའི་གཙུག་ཕུད་ཀྱི་རྣམ་པར་ཐར་པ་ནི། བྱམས་པའི་སྤྲིན་གྱིས་ཀུན་ཏུ་ཁེབས་པར་བྱེད་པའི་བྱིན་གྱི་རླབས་ཀྱིས་ཁྱབ་པར་བྱེད་པ་ཞེས་བྱའོ། །ལྷའི་བུ་རིན་པོ་ཆེའི་འོད་ཀུན་ཏུ་གྲགས་པའི་རྒྱལ་མཚན་གྱི་རྣམ་པར་ཐར་པ་ནི། འཇིག་
D44.035.0022a04.01རྟེན་ཐམས་ཅད་ཀྱི་ཡོན་ཏན་དང་། མཐུ་དང་སེམས་ཅན་གྱི་རྣམ་པ་སངས་རྒྱས་རྗེས་སུ་དྲན་པའི་སྒོ་ཀུན་ནས་འཇུག་པ་ཞེས་བྱའོ། །ལྷའི་བུ་དགའ་བདེ་འབྱུང་བའི་གཙུག་ཕུད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་གཞལ་མེད་ཁང་རྣམ་པར་བལྟ་བའི་བསོད་
D44.035.0022a05.01ནམས་ཡང་དག་པར་འབྱུང་བའི་བྱིན་གྱིས་རླབས་ཤེས་བྱའོ། །ལྷའི་བུ་དྲན་པ་ཡིད་དུ་འོང་བའི་རྣམ་པར་ཐར་པ་ནི། སངས་རྒྱས་སྐྱེ་བ་འབྱུང་བ་དང་སེམས་ཅན་ཡོངས་སུ་སྨིན་པར་བྱ་བ་རྗེས་སུ་དྲན་པ་རྣམ་པར་སྒོམ་པ་ཞེས་བྱའོ། །ལྷའི་བུ་རི་བོའི་སྒྲའི་དཔལ་གྱི་
D44.035.0022a06.01རྣམ་པར་ཐར་པ་ནི། འཇིག་རྟེན་འཇིག་པ་དང་། འདུ་བ་དང་བསྐལ་པའི་མེ་ཡོངས་སུ་འཕོ་བའི་ཡེ་ཤེས་ཀྱི་རྒྱན་ཅེས་བྱའོ། །ལྷའི་བུ་དྲན་པ་དང་ལྡན་པའི་རྣམ་པར་ཐར་པ་ནི། མ་འོངས་པའི་བྱང་ཆུབ་སེམས་དཔའི་སྤྱོད་པ་འབྱུང་བ་སེམས་ཅན་གདུལ་བའི་རྒྱུ་དྲན་པའི་རིམ་
D44.035.0022a07.01