完整藏文原文 · 德格版页 当前仅加载第 35 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མར་མེའི་འོད་ཅན་ཏེ། །སེམས་ཅན་རྣམས་ཀྱི་ལས་ཀྱིས་བྱུང་། །ཞིང་རྣམས་ལ་ལ་སངས་རྒྱས་འོད། །བྱང་ཆུབ་སེམས་དཔས་ཀུན་ཏུ་གང་། །ཞིང་རྣམས་ལ་ལ་པད་མོའི་འོད། །འོད་འཕྲོ་འོད་ཅན་རབ་ཏུ་མཛེས། །ཞིང་རྣམས་ལ་ལ་
D44.035.0145a01.01མེ་ཏོག་འོད། །སྤོས་ཆུའི་འོད་དང་ལྡན་པའང་ཡོད། །སྤོས་དང་བདུག་པ་འོད་འཕྲོ་ཅན། །སྨོན་ལམ་དབང་གིས་རྣམ་པར་སྦྱངས། །ཞིང་རྣམས་ལ་ལ་སྤྲིན་འོད་ཅན། །ནོར་བུའི་གོ་ཅའི་འོད་ཀྱིས་གསལ། །སངས་རྒྱས་བྱིན་གྱི་རླབས་ཀྱིས་སྣང་། །ཡིད་དུ་འོང་བའི་སྒྲ་དབྱངས་
D44.035.0145a02.01ལྡན། །རིན་ཆེན་ཅོད་པན་འོད་དང་ལྡན། །རྡོ་རྗེ་གསེར་གྱི་འོད་ཀྱིས་སྣང་། །ཡོངས་སུ་དག་པའི་སྒྲ་དབྱངས་ཅན། །དེ་དག་ན་ནི་སྡུག་བསྔལ་མེད། །ཐམས་ཅད་རྒྱན་གྱི་འོད་ཅན་དང་། །ཞིང་རྣམས་ལ་ལ་ནོར་བུའི་འོད། །ལ་ལ་སྙིང་པོ་བྱང་ཆུབ་འོད། །འཁོར་རྣམས་
D44.035.0145a03.01ཀུན་ཏུ་རབ་ཏུ་སྣང་། །སངས་རྒྱས་སྤྲུལ་པའི་སྣང་བ་ཅན། །སངས་རྒྱས་སྤྲིན་གྱིས་ཀུན་ནས་ཡོག །ཀུན་ཏུ་འོད་ཀྱིས་རབ་ཏུ་སྣང་། །ཆོས་ཀྱི་དབྱིངས་དང་མཉམ་པའི་འོད། །ཞིང་རྣམས་ལ་ལ་མེ་ཡི་འོད། །ཞིང་རྣམས་ལ་ལ་འཇིགས་སྒྲ་ཅན། །མི་ཟད་འཇིགས་
D44.035.0145a04.01པའི་ང་རོ་ཅན། །རྩུབ་ཅིང་བརླང་བའི་སྒྲ་རྣམས་དང་། །ཡིད་མྱོང་འཇིགས་པ་ཆེན་པོ་སྒྲོག །དམྱལ་བ་བྱོལ་སོང་སྐྱེ་གནས་དང་། །གཤིན་རྗེའི་འཇིག་རྟེན་སྡུག་བསྔལ་རྣམས། །མྱ་ངན་རྒྱ་མཚོའི་ཞིང་གི་རྣམས། །ཉོན་མོངས་ལྡན་པའི་སྒྲ་ཡང་འབྱུང་། །ལ་
D44.035.0145a05.01ལ་དག་ན་ཡིད་འོང་སྒྲ། །དགའ་བར་བྱེད་ཅིང་སྟོན་འདེམས་པ། །བདེ་བའི་ལས་རྣམས་འབྲས་བུའི་དབྱངས། །ཞིང་གི་འཁོར་ན་རབ་ཏུ་སྒྲོག །ལ་ལ་བརྒྱ་བྱིན་ལྷ་དབང་དབྱངས། །གཞན་དག་ཚངས་པའི་སྒྲ་དབྱངས་ཏེ། །འཇིག་རྟེན་ཀུན་གྱི་དབྱངས་སུ་ཡང་། །
D44.035.0145a06.01ལ་ལའི་ཞིང་ན་རབ་ཏུ་གྲག །ཞིང་རྣམས་ལ་ལ་སྤྲིན་གྱི་སྒྲ། །རིན་ཆེན་རྒྱ་མཚོ་འོད་ཟེར་དང་། །ནོར་བུར་ཤིང་གི་གཟུགས་སྒྲ་དང་། །རོལ་མོའི་སྒྲ་ཡིས་ཀུན་ཏུ་ཁྱབ། །འོད་ཟེར་ཀློང་གི་སྒྲ་རྣམས་དང་། །སངས་རྒྱས་སྤྲུལ་པ་མི་ཟད་དང་། །བྱང་ཆུབ་སེམས་
D44.035.0145a07.01