完整藏文原文 · 德格版页 当前仅加载第 35 函德格 273b 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་པ་ལ་གྲངས་མེད་པ། བཞི་པ་ལ་བསམ་གྱིས་མི་ཁྱབ་པ། ལྔ་པ་ལ་མཚུངས་པ་མེད་པ། དྲུག་པ་ལ་ཀུན་ཏུ་མཐའ་ཡས་པ། བདུན་པ་ལ་མུ་མེད་པ། བརྒྱད་པ་ལ་ས་མཚམས་མེད་པ། དགུ་པ་ལ་གཞལ་དུ་མེད་པའི་བར་དུ་སྟེ། ཀྱེ་རྒྱལ་བའི་
D44.035.0273b01.01སྲས་དཔེ་སྔ་མ་དེ་དག་ལྟ་ཞོག་གི །ཀྱེ་རྒྱལ་བའི་སྲས་འདི་ལ་སྐྱེས་བུ་བཅུ་པ་ཞིག་སྐྱེས་ཏེ། སྐྱེས་བུ་སྔ་མ་དགུ་པོ་དེ་དག་དང་། འཇིག་རྟེན་གྱི་ཁམས་གཞལ་དུ་མེད་པ་བཅུར་གཏོགས་པའི་སེམས་ཅན་ཕལ་དེ་དག་གིས། བསྐལ་པ་དཔག་ཏུ་མེད་
D44.035.0273b02.01པར་སངས་རྒྱས་མཆོད་པ་དང་། རིམ་གྲོས་མཉེས་པར་བྱས་པ་དེ་ཙམ་དུ་སེམས་བསྐྱེད་པ་གཅིག་གིས་མཉེས་པར་བྱེད་ཅིང་། ཚུལ་དེ་ལྟར་སེམས་བསྐྱེད་པ་རེ་རེར་མཉེས་པར་བྱེད་པས། ཤར་ཕྱོགས་ལོགས་སུ་འཇིག་རྟེན་གྱི་ཁམས་བརྗོད་དུ་མེད་པར་
D44.035.0273b03.01གཏོགས་པའི་སེམས་ཅན་རྣམས་དང་ལྷན་ཅིག་པས། ཞལ་ཟས་རོ་བྲོ་བའི་མཆོག་བརྗོད་དུ་མེད་པ་ཞེས་བྱ་བ་ནས། གཞན་ཡང་རྒྱ་ཆེར་ཏེ་དེ་ལྟ་བུས་སངས་རྒྱས་བཅོམ་ལྡན་འདས་བརྗོད་དུ་མེད་པ་མཉེས་པར་བྱས་པ་ནས། ཀྱེ་རྒྱལ་བའི་སྲས་བྱང་ཆུབ་
D44.035.0273b04.01སེམས་དཔའ་སེམས་དང་པོ་བསྐྱེད་པའི་བསོད་ནམས་ཀྱི་ཕུང་པོ་ལ་བསྐལ་པ་བརྗོད་དུ་མེད་པར་གཏོགས་པའི་སངས་རྒྱས་མཆོད་པ་དང་། བསྙེན་བཀུར་བ་ལས་བྱུང་བའི་བསོད་ནམས་ཀྱི་ཕུང་པོ་སྔ་མས་བརྒྱའི་ཆར་ཡང་ཉེ་བར་མི་འགྲོ་ཞེས་བྱ་བ་ནས། རྒྱུའི་
D44.035.0273b05.01བར་དུ་ཡང་ཉེ་བར་མི་འགྲོ་ཞེས་བྱ་བའི་བར་དུ་སྟེ། དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་དེ་ནི་འདི་ལྟར་སངས་རྒྱས་སྐྱེས་པ་དེ་ཙམ་ཉི་ཙེ་ཞིག་མཆོད་ཅིང་བསྙེན་བཀུར་བའམ། སངས་རྒྱས་ཀྱི་མཆོད་པའི་ཡོ་བྱད་དེ་ཙམ་དག་གི་ཕྱིར། བྱང་ཆུབ་སེམས་
D44.035.0273b06.01དཔའ་སེམས་དཔའ་ཆེན་པོ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་མི་སྐྱེའི། དེ་ནི་འདི་ལྟར་འཇིག་རྟེན་གྱི་ཁམས་འབྱམ་ཀླས་པ་མ་ལུས་པ་ཐམས་ཅད་ཆོས་ཀྱི་དབྱིངས་ཀྱིས་ཀླས་པ། ནམ་མཁའི་དབྱིངས་ཀྱི་མཐས་གཏུགས་
D44.035.0273b07.01