完整藏文原文 · 德格版页 当前仅加载第 35 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཆེའི་དབྱིབས་ཀྱི་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་རིན་པོ་ཆེ་ཐམས་ཅད་ཀྱི་མེ་ཏོག་གི་ཟེ་བའི་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སངས་རྒྱས་ཐམས་ཅད་ཀྱི་གསུང་དབྱངས་རྣམ་པར་དམིགས་པའི་ལྷུན་ཅན་ནོ། །
D44.035.0095b01.01དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་ཁམས་རྒྱ་མཚོའི་ལྷུན་ཤིན་ཏུ་བསྟན་པ་རྒྱ་མཚོ་འདི་ཉིད་ལ་རབ་ཏུ་གཟུད་པར་བྱ་བའི་ཕྱིར། སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་
D44.035.0095b02.01སྨྲས་སོ། །ཞིང་གི་རྒྱ་མཚོ་རྣམས་ལ་ནི། །རིན་ཆེན་རང་བཞིན་ཀུན་ནས་གནས། །རྡོ་རྗེ་བཞིན་དུ་མི་ཤིགས་སྲ། །རིན་ཆེན་པདྨོ་རྣམས་ལ་གནས། །ལ་ལ་འོད་ཟེར་རང་བཞིན་ཏེ། །དག་ཅིང་གཟུང་མེད་འོད་ཟེར་འབྱུང་། །རྒྱན་རྣམས་ཀུན་གྱི་འོད་
D44.035.0095b03.01ཟེར་གྱིས། །སྣ་ཚོགས་མཁའ་བཞིན་དྲི་མ་མེད། །ལ་ལ་འོད་ཀྱི་རང་བཞིན་ཏེ། །དག་ཅིང་འོད་གསལ་གཟེར་ལ་གནས། །འོད་ཀྱི་སྤྲིན་ཅན་སྣ་ཚོགས་འོད། །བྱང་ཆུབ་སེམས་དཔའ་རྣམས་ཀྱི་གནས། །ཞིང་རྣམས་རྒྱ་མཚོ་ལ་ལ་ནི། །
D44.035.0095b04.01མིག་ཡོར་ལྟ་བུར་གནས་པ་སྟེ། །བརྗོད་དུ་མེད་ཅིང་གཟུང་དུ་མེད། །སྨོན་ལམ་དབང་གིས་རབ་ཏུ་བྱུང་། །ལ་ལ་ནོར་བུ་མུ་ཏིག་རྒྱུ། །སྙིང་པོ་ཐམས་ཅད་རྣམ་པར་འབར། །མུ་ཏིག་འཁོར་ལོའི་གཞི་དག་ལ། །བྱང་ཆུབ་སེམས་དཔའ་ཡོངས་སུ་གང་། །
D44.035.0095b05.01རིན་ཆེན་འོད་འཕྲོ་བྱུང་བའི་ཞིང་། །འོད་འཕྲོའི་སྤྲིན་གྱིས་མངོན་ཁེབས་ཤིང་། །རིན་ཆེན་ཐམས་ཅད་སྣ་ཚོགས་ལྡན། །ཐམས་ཅད་ལས་ཀྱི་སྤྲུལ་པ་ཡིན། །ལ་ལ་མཚན་ལས་བྱུང་བ་སྟེ། །གཞི་ཀུན་མཚན་གྱིས་ཀུན་ཏུ་བྲིས། །ཅོད་
D44.035.0095b06.01པན་རྣམ་པ་སྣ་ཚོགས་བཀོད། །སངས་རྒྱས་ཀུན་གྱིས་མངོན་པར་སྤྲུལ། །རྒྱ་མཚོའི་སེམས་ལས་བྱུང་བ་ཡི། །ཞིང་རྣམས་མོས་པ་ཉིད་ལ་གནས། །ཡུལ་ན་མི་གནས་སྒྱུ་མ་བཞིན། །ཡོངས་སུ་རྟོག་པས་ཡང་དག་བསྐྱེད། །སངས་
D44.035.0095b07.01