完整藏文原文 · 德格版页 当前仅加载第 35 函德格 389b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མོས་པར་བྱ་བ་དང་། རྒྱན་ཆེན་པོས་ཡང་དག་པར་བརྒྱན་པ་དང་། ཚད་མེད་པར་རྣམ་པར་བྲེ་བའི་རྒྱན་དང་། བརྩམས་པ་མཐར་ཕྱིན་པར་བྱ་བ་དང་། སངས་རྒྱས་འབྱུང་བ་ཤིན་ཏུ་དཀོན་པ་བརྗོད་པར་བྱ་བ་དང་། དེ་བཞིན་གཤེགས་པའི་
D44.035.0389b01.01སྟོབས་ཡོངས་སུ་རྫོགས་པར་བྱ་བ་དང་། མཆོད་རྟེན་སྣ་ཚོགས་བསྙེན་བཀུར་བར་བྱ་བ་དང་། སངས་རྒྱས་ཐམས་ཅད་ཀྱི་བསྟན་པ་ཡང་དག་པར་གཟུང་བར་བྱ་བའི་ཕྱིར། དེ་བཞིན་གཤེགས་པ་བཞུགས་ཤིང་འཚོ་སྐྱོང་བ་ལ་དེ་ལྟ་བུའི་རིམ་གྲོ་བྱེད་པ་དང་།
D44.035.0389b02.01དེ་དག་ཡོངས་སུ་མྱ་ངན་ལས་འདས་ནས་ཀྱང་། སངས་རྒྱས་དེ་དག་ཐམས་ཅད་ཀྱི་སྐུ་གདུང་མཆོད་པ་ལ་རབ་ཏུ་བརྩོན་པར་བྱ་བས། བསྐལ་པ་གྲངས་མེད་པ་ཟད་ཀྱང་། དེ་བཞིན་གཤེགས་པ་དེ་དག་མཆོད་པ་དང་བསྙེན་བཀུར་བའི་རྒྱན་དང་། བརྗོད་པ་
D44.035.0389b03.01ཡོན་ཏན་མཐའ་ཡས་པ་བསྔགས་པས་བསྒྲུབས་པ་དང་། འགྲོ་བ་ཐམས་ཅད་ཡོངས་སུ་སྨིན་པར་བྱ་བས་བསྒྲུབས་པ་དེ་དག་མཐར་ཐུག་པར་མ་གྱུར་ཅིག །དེ་ལྟར་རིམ་གྲོར་བྱེད་པ་ལས་ཕྱིར་ལྡོག་པར་མ་གྱུར་ཅིག །རྒྱུན་གཅོད་པར་མ་གྱུར་ཅིག །
D44.035.0389b04.01སེམས་ཡོངས་སུ་སྐྱོ་བ་མེད་པར་གྱུར་ཅིག །མངོན་པར་ཆགས་པའི་འདུ་ཤེས་རྣམ་པར་སྤངས་པ་དང་། མི་གནས་པའི་ཆོས་ཉིད་དང་། དགེ་བའི་རྩ་བ་རློམ་སེམས་ཐམས་ཅད་བཅོམ་པས། རློམ་སེམས་མེད་པར་གྱུར་པ་དང་། ཆོས་འགྱུར་བ་
D44.035.0389b05.01མེད་པ་ཡང་དག་པ་ཇི་ལྟ་བ་བཞིན་གྱིས་རྒྱས་བཏབ་པའི་ཆོས་ཀྱི་སྒོ་དང་། ཚེ་དང་སྐྱེ་བ་ཐམས་ཅད་དུ་འཁོར་བར་གྱུར་པའི་སངས་རྒྱས་ཀྱི་སྤྱོད་པ་དང་། སྐྱེ་བ་མེད་པའི་རང་བཞིན་ལ་སྤྱོད་ཅིང་། དམིགས་པའི་ཆོས་ཀྱིས་རྒྱས་བཏབ་པའི་སེམས་བསྐྱེད་
D44.035.0389b06.01པ་དང་། དེ་བཞིན་གཤེགས་པས་བྱིན་གྱིས་བརླབས་པའི་ཡོངས་སུ་བསྔོ་བ་དང་། ཆོས་ཀྱི་རང་བཞིན་ལ་རབ་ཏུ་བརྩོན་པའི་ཡོངས་སུ་བསྔོ་བ་མཉམ་པ་ཉིད་དང་། མངོན་པར་འདུ་བྱ་བ་མེད་པའི་ཚུལ་ལ་ཞུགས་པའི། མངོན་པར་འདུ་བྱ་བ་མེད་
D44.035.0389b07.01