完整藏文原文 · 德格版页 当前仅加载第 35 函德格 392b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར། །སེམས་ཀྱང་རབ་ཏུ་རྣམ་པར་དག་པར་འགྱུར། །དེས་ནི་མི་ཟད་མཐར་ཕྱིན་ཚུལ་རྟོགས་པའི། །འདུས་བྱས་བསོད་ནམས་ཟད་པར་འགྱུར་བ་མེད། །གང་རྣམས་བྱང་ཆུབ་སེམས་དང་ལྡན་འགྱུར་ཅིང་། །འཇིག་རྟེན་ཀུན་ལ་གནས་
D44.035.0392b01.01པ་མེད་པ་དག །འགྲོ་བ་ཀུན་ལ་ཆགས་པ་མེད་པ་ཡིན། །ཕྱོགས་རྣམས་ཀུན་ཏུའང་མཐའ་ཡས་རབ་ཏུ་འགྲོ། །གང་གིས་མི་ཡི་དབང་པོ་ཀུན་འབྱུང་བ། །དེ་འདྲའི་སེམས་སུ་ཡོངས་སུ་བསྔོ་བ་བྱེད། །འགྲོ་བ་ཐམས་ཅད་སེམས་དང་མཉམ་
D44.035.0392b02.01རྟོགས་ཀྱང་། །འགྲོ་བ་ཀུན་ཏུ་སེམས་ནི་དམིགས་པ་མེད། །དེ་དག་དངོས་པོ་ཐམས་ཅད་མ་ལུས་པར། །ཆོས་རྣམས་དངོས་མེད་ཇི་བཞིན་འཇུག་པ་བྱེད། །ཅི་ནས་འཇིག་རྟེན་ལམ་དུ་ཉམས་མེད་པར། །རྣམ་དག་མིག་ཅན་ཡོངས་
D44.035.0392b03.01སུ་བསྔོ་བ་བྱེད། །དེས་ནི་སྲིད་རྣམས་ཡོངས་སུ་དག་པར་བསྔོ། །དངོས་སུ་སྲིད་ལ་རྟོག་པར་མི་བྱེད་དེ། །དངོས་དང་དངོས་མེད་ཚུལ་ནི་ཤེས་བྱེད་ཅིང་། །འོད་གསལ་དང་བས་སེམས་ཀྱང་ཚིམ་པར་བྱེད། །སངས་རྒྱས་ཞིང་གཅིག་
D44.035.0392b04.01གནས་པར་མི་བྱེད་དེ། །ཞིང་རྣམས་མ་ལུས་ཀུན་ལའང་གནས་མི་འཆའ། །འདུས་བྱས་ཆོས་ཀྱིས་སྙེམས་པར་མི་བྱེད་དེ། །དེ་དག་རང་བཞིན་ལའང་མི་གནས་སོ། །ཅི་ནས་རྒྱལ་བ་ཀུན་གྱི་ཀུན་མཁྱེན་དང་། །ཅི་ནས་བླ་མེད་
D44.035.0392b05.01སངས་རྒྱས་རྒྱན་ཐོབ་ཅིང་། །ཅི་ནས་རྒྱལ་བ་ཐམས་ཅད་མཉེས་འགྱུར་བ། །དེ་ལྟར་དེ་དག་ལས་ནི་ཡོངས་སུ་བསྔོ། །ཡེ་ཤེས་དམ་པའི་རྣམ་པ་ཚུལ་ཤེས་པ། །དེ་དག་རྐང་གཉིས་དམ་པ་དྲན་བྱེད་ཅིང་། །དེ་འདྲའི་ཆོས་
D44.035.0392b06.01རྣམས་གནས་མེད་རབ་ཤེས་པས། །དེ་འདྲའི་བསོད་ནམས་གནས་པ་མེད་པར་འགྱུར། །དེ་དག་འགྲོ་བ་ཀུན་གྱི་སྐྱབས་ཡིན་ཏེ། །ལས་ཀྱི་མཐའ་རྣམས་ཐམས་ཅད་རྣམ་པར་སྦྱངས། །འགྲོ་བ་ཀུན་ལ་ཕན་དང་བདེ་སེམས་ཀྱིས། །
D44.035.0392b07.01