完整藏文原文 · 德格版页 当前仅加载第 35 函德格 351a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་སྤྲིན་གྱི་ཆར་བྱེ་བ་བརྒྱ་སྟོང་ཕྲག་བཅུ་ཤིན་ཏུ་ཀླུབ་པར་འབབ་པ། ལྷ་རྫས་ཀྱི་རིན་པོ་ཆེའི་སྤྲིན་གྱི་ཆར་བྱེ་བ་བརྒྱ་སྟོང་ཕྲག་བཅུ་ཁ་དོག་སྣ་ཚོགས་སུ་འབབ་པ། ལྷ་རྫས་ཀྱི་རིན་པོ་ཆེའི་སེ་མོ་དོའི་སྤྲིན་གྱི་ཆར་བྱེ་བ་བརྒྱ་སྟོང་ཕྲག་བཅུ་རྒྱན་ཆེན་པོར་འབབ་
D44.035.0351a01.01པ། ལྷ་རྫས་ཀྱི་ཙན་དན་གྱི་སྤྲིན་གྱི་ཆར་བྱེ་བ་བརྒྱ་སྟོང་ཕྲག་བཅུ་ཙན་དན་རྣམ་པ་སྣ་ཚོགས་ཀྱི་ཁ་དོག་དུ་མར་འབབ་པ། ལྷ་རྫས་ཀྱི་ཨ་ཀ་རུ་དང་། ཙན་དན་གྱི་སྤྲིན་གྱི་ཆར་བྱེ་བ་བརྒྱ་སྟོང་ཕྲག་བཅུ་ཤིན་ཏུ་ཡོག་པར་འཐུལ་ཞིང་འབབ་པ། རིན་པོ་ཆེའི་
D44.035.0351a02.01རྒྱལ་མཚན་བྱེ་བ་བརྒྱ་སྟོང་ཕྲག་བཅུ་ཤིན་ཏུ་བསྒྲེང་བ། རིན་པོ་ཆེའི་བ་དན་བྱེ་བ་བརྒྱ་སྟོང་ཕྲག་བཅུ་ཤིན་ཏུ་སྤྱངས་པ། སྣམ་བུ་རིན་པོ་ཆེའི་ལྡ་ལྡི་བྱེ་བ་བརྒྱ་སྟོང་ཕྲག་བཅུ་ཤིན་ཏུ་བྲེས་པ། སྤོས་ཀྱི་སྣོད་བྱེ་བ་བརྒྱ་སྟོང་ཕྲག་བཅུ་ནས་ཤིན་ཏུ་འཐུལ་བ།
D44.035.0351a03.01རིན་པོ་ཆེའི་ཕྲེང་བའི་ཆུན་པོ་བྱེ་བ་བརྒྱ་སྟོང་ཕྲག་བཅུ་ཀུན་ཏུ་སྤྱངས་པ། རིན་པོ་ཆེའི་སིལ་སྙན་བྱེ་བ་བརྒྱ་སྟོང་ཕྲག་བཅུ་ཤིན་ཏུ་འཁྲོལ་ཞིང་འཛིན་པ། ལྷ་རྫས་ཀྱི་རྡུལ་ཡབ་བྱེ་བ་བརྒྱ་སྟོང་ཕྲག་བཅུ་རྣམ་པར་རློབ་ཅིང་འཛིན་པ། རིན་པོ་ཆེའི་དྲིལ་
D44.035.0351a04.01བུའི་དྲ་བ་བྱེ་བ་བརྒྱ་སྟོང་ཕྲག་བཅུ་ཤིན་ཏུ་འཁྲོལ་བ། །རིན་པོ་ཆེའི་སྟེགས་བུ་བྱེ་བ་བརྒྱ་སྟོང་ཕྲག་བཅུས་ཀུན་ནས་བསྐོར་བ། རིན་པོ་ཆེའི་ཤིང་ཏ་ལའི་ཕྲེང་བ་བྱེ་བ་བརྒྱ་སྟོང་ཕྲག་བཅུ་ཀུན་ནས་འགྲེང་བ། རིན་པོ་ཆེའི་ཕྲེང་བ་བྱེ་བ་བརྒྱ་སྟོང་
D44.035.0351a05.01ཕྲག་བཅུས་ལྡ་ལྡིར་བརྒྱན་པ། རིན་པོ་ཆེའི་ཤིང་བྱེ་བ་བརྒྱ་སྟོང་ཕྲག་བཅུས་ཀུན་ནས་ཡོག་ཅིང་འཁོར་བ། ཁང་པ་བརྩེགས་པ་རིན་པོ་ཆེའི་རྒྱན་ཅན་བྱེ་བ་བརྒྱ་སྟོང་ཕྲག་བཅུས་ནང་གི་རྒྱན་དུ་དཀྲིགས་པ། རིན་པོ་ཆེའི་ཁང་བུ་བྱེ་བ་བརྒྱ་སྟོང་གི་སྒོ་ལ་
D44.035.0351a06.01རིན་པོ་ཆེ་ཐམས་ཅད་ཀྱི་ཕྲེང་བ་བཀྱེ་བ། གསེར་གྱི་དྲིལ་བུ་བྱེ་བ་བརྒྱ་སྟོང་ཕྲག་བཅུ་འཁྲོལ་བའི་སྒྲ་ཡིད་དུ་འོང་བར་འབྱུང་བ། དཔལ་གྱི་བེའུ་བྱེ་བ་བརྒྱ་སྟོང་ཕྲག་བཅུའི་ཕྲེང་བ་རབ་ཏུ་སྤྱངས་པས་ཡོངས་སུ་དག་པ། རིན་པོ་ཆེའི་བཀྲ་ཤིས་བྱེ་བ་བརྒྱ་སྟོང་ཕྲག་
D44.035.0351a07.01