完整藏文原文 · 德格版页 当前仅加载第 35 函德格 356b 版页；藏文 NFD、目录标记与异常页序保留在来源切片中，重复版页行以稳定序号区分。
འདིའི་དགའ་ལྡན་གྱི་གནས་སུ་ལྷའི་དབང་པོ་རབ་དགའ་ལྡན་གྱི་ཁང་པ་ནོར་བུ་རིན་པོ་ཆེ་ཐམས་ཅད་ཀྱི་རྒྱན་ཅན་དུ་དེ་བཞིན་གཤེགས་པའི་གདན་བཏིང་བར་གྱུར་པ་དེ་བཞིན་དུ། འཇིག་རྟེན་གྱི་ཁམས་ཐམས་ཅད་ཀྱི་གླིང་བཞི་པ་ཆེན་པོ་དག་ན་ཡང་དགའ་
D44.035.0356b01.01ལྡན་གྱི་གནས་དག་ཏུ་ལྷའི་རྒྱལ་པོ་རབ་དགའ་ལྡན་གྱི་ཁང་པ་རིན་པོ་ཆེ་ཐམས་ཅད་ཀྱི་རྒྱན་ཅན་དག་ཏུ་རྒྱན་འདི་ལྟ་བུ་དང་། ཚུལ་འདི་ལྟ་བུ་དང་། དད་པ་འདི་ལྟ་བུ་དང་། མོས་པ་འདི་ལྟ་བུ་དང་། དགའ་བ་འདི་ལྟ་བུ་དང་། རབ་ཏུ་དགའ་བ་འདི་ལྟ་
D44.035.0356b02.01བུ་དང་། ཞེ་ས་འདི་ལྟ་བུ་དང་། རིམ་གྲོ་འདི་ལྟ་བུ་དང་། སྤྲོ་བ་འདི་ལྟ་བུ་དང་། ཉེ་བར་སེམས་པ་འདི་ལྟ་བུས་དེ་བཞིན་གཤེགས་པའི་གདན་བཏིང་བར་གྱུར་ཏོ། །དེ་ནས་ལྷའི་རྒྱལ་པོ་རབ་དགའ་ལྡན་གྱིས་སྟན་བཏིང་ནས། ཞེ་ས་
D44.035.0356b03.01ཅན་གྱི་རིམ་གྲོ་དང་བཅས་པར་དགའ་ལྡན་གྱི་རིས་སུ་གཏོགས་པའི་ལྷའི་བུ་བྱེ་བ་བརྒྱ་སྟོང་ཕྲག་བཅུ་དང་ལྷན་ཅིག་དུ་དོང་སྟེ། བཅོམ་ལྡན་འདས་བསུ་ནས་མེ་ཏོག་ཡོན་ཏན་གྲངས་{མྱེད་,མེད་}པའི་སྤྲིན་གྱི་ཆར་ནི་རབ་ཏུ་ཕབ། སྤོས་ཡོན་ཏན་བསམ་གྱིས་
D44.035.0356b04.01{མྱི་,མི་}ཁྱབ་པའི་ཆར་ནི་རབ་ཏུ་ཕབ། ཕྲེང་བ་ཡོན་ཏན་སྣ་ཚོགས་དང་ལྡན་པའི་སྤྲིན་ནི་རབ་ཏུ་བཀྱེ། གདུགས་རྣམ་པ་སྣ་ཚོགས་ཀྱི་སྤྲིན་གྱི་ཆར་ནི་རབ་ཏུ་ཕབ། ལྷ་རྫས་ཀྱི་གོས་རབ་ཏུ་ཕྲ་བའི་སྤྲིན་རབ་ཏུ་བཀྱེ། རིན་པོ་ཆེ་ཡིད་དུ་འོང་
D44.035.0356b05.01བ་མཐའ་ཡས་པ་ཐམས་ཅད་ཀྱི་སྤྲིན་གྱི་ཆར་ནི་རབ་ཏུ་ཕབ། སེམས་ཤིན་ཏུ་དང་བས་ལྷ་རྫས་ཀྱི་ལྷབ་ལྷུབ་དང་། ཕྱང་འཕྲུལ་གྱི་སྤྲིན་གྱི་ཆར་ནི་ཀུན་ཏུ་ཕབ། བདུག་སྤོས་རྣམ་པ་དུ་མའི་སྤྲིན་གྱིས་ནི་ཀུན་ཏུ་བདུག །ལྷ་རྫས་ཀྱི་ཙན་དན་གྱི་
D44.035.0356b06.01ཕྱེ་མ་དང་། ཨ་ཀ་རུའི་ཕྱེ་མ་དང་། སྤོས་དམ་པ་ཐམས་ཅད་ཀྱི་ཕྱེ་མའི་སྤྲིན་གྱི་ཆར་ནི་རབ་ཏུ་ཕབ། ལྷའི་བུ་མཐའ་ཡས་པས་ཀྱང་རང་རང་གི་ལུས་ཀྱི་སྤྲིན་ནི་ཤིན་ཏུ་བཀྱེ། དགའ་ལྡན་གྱི་རིས་སུ་གཏོགས་པའི་ལྷའི་བུ་བྱེ་བ་བརྒྱ་སྟོང་
D44.035.0356b07.01