完整藏文原文 · 德格版页 当前仅加载第 35 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་འཁོར་ལོ་ཐམས་ཅད་ཡོངས་སུ་བཟུང་བའི་ཕྱིར། གཟུངས་ཀྱི་སྟོབས་ཡང་དག་པར་བསྐྱེད་པ་དང་། སྙིང་པོ་བྱང་ཆུབ་ཐམས་ཅད་དུ་སངས་རྒྱས་ཀྱི་ཡུལ་ཐམས་ཅད། རབ་ཏུ་བརྗོད་པ་དང་། དེ་བཞིན་གཤེགས་པ་ཆོས་ཀྱི་
D44.035.0090b01.01ཚུལ་སྣང་བའི་འོད་ཆོས་ཀྱི་དབྱིངས་རྒྱ་ཆེན་པོ་དང་། ཐམས་ཅད་མཁྱེན་པ་ཉིད་ལ་དགའ་བའི་ཤུགས་རྒྱ་མཚོ་རྣམ་པར་འཕེལ་བར་བྱ་བའི་ཕྱིར། དེའི་ཚེ་ཚིགས་སུ་བཅད་པ་འདི་དག་སྨྲས་སོ།། །སངས་རྒྱས་རྨད་ག་ཅད་ཅེས་
D44.035.0090b02.01བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་བདུན་པ། ཡོན་ཏན་རྒྱ་མཚོ་རྣམས་ཀྱི་ཡེ་ཤེས་ཟབ། །མཐའ་དང་དབུས་མེད་དེས་ནི་ཞིང་རྣམས་ཁྱབ། །སེམས་ཅན་བསམ་ལ་སྦྱོར་བ་ཅི་བཞིན་སྣང་། །རྣམ་པར་སྣང་མཛད་ཆོས་ཀྱི་འཁོར་ལོའོ། །
D44.035.0090b03.01བསམ་གྱིས་མི་ཁྱབ་རྒྱ་མཚོའི་ཞིང་ཡོད་པ། །བསྐལ་པ་རྒྱ་མཚོར་རྒྱལ་བས་རྣམ་སྦྱངས་པས། །སེམས་ཅན་རྒྱ་མཚོ་ཡོངས་སུ་སྨིན་བྱའི་ཕྱིར། །སེམས་ཅན་ནང་ན་རྒྱལ་བ་རྣམ་པར་མཛེས། །སེམས་ཅན་རྒྱ་མཚོ་འབྱུང་བ་བསམ་མི་ཁྱབ། །སངས་
D44.035.0090b04.01རྒྱས་ཡུལ་ལ་འཇུག་པ་ཤིན་ཏུ་ཟབ། །སྲིད་པའི་གནས་ཅན་དད་པ་ཆུང་བ་ཡིས། །སངས་རྒྱས་བྱང་ཆུབ་ཤེས་པར་{མྱི་,མི་}ནུས་སོ། །གཞན་དུ་གང་རྣམས་ཤིན་ཏུ་སེམས་བརྟན་ཅིང་། །དགེ་བའི་བཤེས་ཀྱིས་ཡོངས་སུ་བཟུང་བ་དང་། །སངས་རྒྱས་
D44.035.0090b05.01ཀུན་གྱི་བྱིན་གྱིས་རླབས་པ་དག །སངས་རྒྱས་ཡེ་ཤེས་འདི་ལ་རབ་ཏུ་འཇུག །གང་རྣམས་སེམས་དག་གཡོ་མེད་སྒྱུ་{མྱེད་,མེད་}ཅིང་། །སྙིང་རྗེའི་སེམས་ཅན་ཁོང་ནས་བྱམས་དགའ་དང་། །དད་པ་ཆེ་ཞིང་རླབས་ཆེན་དེ་དག་ནི། །འདི་དག་
D44.035.0090b06.01ཐོས་ཤིང་དགའ་བ་ཐོབ་པར་འགྱུར། །ཀུན་ཏུ་བཟང་པོའི་སྨོན་ལམ་ས་དག་དང་། །ཆོས་དབྱིངས་ནམ་མཁའི་དབྱིངས་སུ་ཁྱབ་པ་ལ། །གནས་ཤིང་སྤྱད་པ་རབ་ཏུ་སུས་སྤྱོད་པ། །དེ་དག་རྒྱལ་བའི་སྤྱོད་ཡུལ་དེ་ཤེས་སོ། །གང་གིས་རྒྱལ་བའི་
D44.035.0090b07.01