完整藏文原文 · 德格版页 当前仅加载第 35 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པ་བཅུས་ན་ཡོངས་སུ་དག་པར་འགྱུར་ཏེ། བཅུ་གང་ཞེ་ན་འདི་ལྟ་སྟེ། ཀྱེ་རྒྱལ་བའི་སྲས་འདི་ལ་བྱང་ཆུབ་སེམས་དཔའ་ཇི་ལྟར་སྨྲས་པ་དེ་ལྟར་བྱེད་པ་ཡིན། ཤེས་བཞིན་གྱི་དྲན་པ་ཅན་ཡིན། ཁེངས་པ་མེད་ཅིང་གཡོ་བ་མེད་དེ། བསམ་གཏན་
D44.035.0288a01.01ཟབ་མོ་ལ་རབ་ཏུ་གནས་པ་ཡིན། སངས་རྒྱས་ཀྱི་ཆོས་ཟབ་མོ་བཙལ་བ་ལ་ནན་ཏན་དུ་བྱེད་ཅིང་རྒྱུན་མི་གཅོད་པ་ཡིན། ལྷག་མཐོང་མངོན་པར་བསྒྲུབ་པ་ལ་མཁས་ཤིང་ཇི་ལྟར་ཐོས་པའི་ཆོས་ལ་ཚུལ་བཞིན་དུ་རྟོགས་པར་ཞུགས་པ་ཡིན། བསམ་གཏན་གྱི་རྗེས་སུ་སོང་བའི་
D44.035.0288a02.01སེམས་ཀྱིས། དེ་བཞིན་གཤེགས་པའི་རྣམ་པར་འཕྲུལ་པ་ཟབ་མོའི་རྗེས་སུ་སོང་བ་ཡིན། ས་དང་མཉམ་ཞིང་མཐོན་དམན་དང་བྲལ་བ་ཡིན། སྦྱོར་བ་བཟང་ངན་དང་བར་མ་ལ་སེམས་ཉམས་པ་མེད་པ་ཡིན། སེམས་ཅན་ཀུན་གྱི་ནང་ན་ཆུང་ངུ་ན་ཐམས་ཅད་མཁྱེན་པ་ཉིད་དུ་
D44.035.0288a03.01སེམས་གཅིག་བསྐྱེད་པ་ལ་འང་སྟོན་པའི་བསམ་པ་ཐོབ་པ་ཡིན། མཁན་པོ་དང་སློབ་དཔོན་དང་དགེ་བའི་བཤེས་གཉེན་དང་། བྱང་ཆུབ་སེམས་དཔའ་དང་། ཆོས་སྨྲ་བ་རྣམས་ལ་རིམ་གྲོ་དང་། བཀུར་སྟིའི་ངང་ཚུལ་ཅན་དུ་གནས་པ་ཡིན་ཏེ། ཀྱེ་རྒྱལ་བའི་སྲས་རྣམ་པ་
D44.035.0288a04.01བཅུ་པོ་དེ་དག་གིས་བྱང་ཆུབ་སེམས་དཔའ་བག་ཡོད་པ་ལ་གནས་པ། ཡོངས་སུ་དག་པར་འགྱུར་རོ། །ཀྱེ་རྒྱལ་བའི་སྲས་དེ་ལ་བྱང་ཆུབ་སེམས་དཔའ་བག་ཡོད་པ་བརྩོན་འགྲུས་བརྩམས་པ། དྲན་པ་ཉེ་བར་བཞག་པ་མོས་པ་ཆེ་བ་རྣལ་འབྱོར་
D44.035.0288a05.01རྒྱུན་མ་ཆད་པ་ཆོས་ཐམས་ཅད་ལ་མི་གནས་པ། ཆོས་ཐམས་ཅད་ལ་བརྩོན་པ། ཉོན་མོངས་པ་མེད་པའི་ཚུལ་ལ་ཞུགས་པ། སེམས་ཡངས་པ་སངས་རྒྱས་ཀྱི་ཆོས་མཐའ་དང་དབུས་མེད་པའི་རྗེས་སུ་སོང་བ་རྣམས་ཀྱིས་ནི། དེ་བཞིན་གཤེགས་པ་དགྲ་བཅོམ་
D44.035.0288a06.01པ་ཡང་དག་པར་རྫོགས་པའི་སངས་རྒྱས་རྣམས་མཉེས་པར་འགྱུར་ཏེ། ཀྱེ་རྒྱལ་བའི་སྲས་བྱང་ཆུབ་སེམས་དཔའ་ཆོས་བཅུས་དེ་བཞིན་གཤེགས་པ་རྣམས་མཉེས་པར་བྱའོ། །བཅུ་གང་ཞེ་ན་བྱང་ཆུབ་སེམས་དཔའ་བརྩོན་འགྲུས་ཐམས་ཅད་ལ་ཕྱིར་{མྱི་,མི་}ལྡོག་པ་དང་།
D44.035.0288a07.01