完整藏文原文 · 德格版页 当前仅加载第 35 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
མཇེད་འདི་ཉིད་དང་། དེ་མ་ཡིན་པའི་གླིང་བཞི་པ་གཞན་དག་ནའང་སྐུ་གཞན་དང་གཞན་མཚན་གཞན་དང་གཞན། ཁ་དོག་དང་དབྱིབས་གཞན་དང་གཞན། ཆུ་ཞེང་གཞན་དང་གཞན། སྐུ་ཚེའི་ཚད་གཞན་དང་གཞན། སྐྱེ་མཆེད་
D44.035.0179a01.01བརྙེས་པ་གཞན་དང་གཞན། དབང་པོ་བརྙེས་པ་གཞན་དང་གཞན། འབྱུང་བའི་སྐྱེ་མཆེད་གཞན་དང་གཞན། སྐུ་གཟུགས་གཞན་དང་གཞན་དུ་དེ་བཞིན་གཤེགས་པ་སེམས་ཅན་རྣམས་ཀྱིས་རབ་ཏུ་ཤེས་སོ། །དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་དག་འཇིག་རྟེན་
D44.035.0179a02.01གྱི་ཁམས་གླིང་བཞི་པ་བཅོམ་པ་དང་ལྡན་པ་ཞེས་བྱ་བ་འདི་ཉིད་ན་ཡང་དེ་བཞིན་གཤེགས་པ་ལ་དོན་ཐམས་ཅད་གྲུབ་པ་ཞེས་བྱ་བར་རབ་ཏུ་ཤེས་སོ། །ཟླ་བའི་དཀྱིལ་འཁོར་ཞེས་བྱ་བར་རབ་ཏུ་ཤེས་སོ། །སེང་གེའི་ང་རོ་ཅན་ཞེས་བྱ་བར་རབ་ཏུ་ཤེས་སོ། ཤཱཀྱ་ཐུབ་པ་ཞེས་
D44.035.0179a03.01བྱ་བར་རབ་ཏུ་ཤེས་སོ། །དྲང་སྲོང་དམ་པའི་མཆོག་ཅེས་བྱ་བར་རབ་ཏུ་ཤེས་སོ། །རྣམ་པར་སྣང་མཛད་ཅེས་བྱ་བར་རབ་ཏུ་ཤེས་སོ། །གོའུ་ཏ་མའི་རིགས་ཞེས་བྱ་བར་རབ་ཏུ་ཤེས་སོ། །དགེ་སྦྱོང་ཆེན་པོ་ཞེས་བྱ་བར་རབ་ཏུ་ཤེས་སོ། །རྒྱལ་བ་དམ་པ་ཞེས་བྱ་བར་རབ་ཏུ་
D44.035.0179a04.01ཤེས་སོ། །མུ་སྟེགས་བྱེད་ཅེས་བྱ་བར་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་དེ་དག་ལ་སོགས་པ་འཇིག་རྟེན་གྱི་ཁམས་གླིང་བཞི་པ་བཅོམ་པ་དང་ལྡན་པ་ན་མཚན་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱིས་རབ་ཏུ་ཤེས་སོ། །ཀྱེ་རྒྱལ་བའི་
D44.035.0179a05.01སྲས་དག་གླིང་བཞི་པ་འདི་དང་། འདབ་ཆགས་སུ་ཤར་ཕྱོགས་ལོགས་ན་གླིང་བཞི་པ་ཤིན་ཏུ་བསྲུངས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་རྡོ་རྗེ་ཞེས་བྱ་བར་རབ་ཏུ་ཤེས་སོ། །དབང་ཕྱུག་ཅེས་བྱ་བར་རབ་ཏུ་ཤེས་སོ། །བློ་གྲོས་མངའ་བ་ཞེས་བྱ་བར་རབ་ཏུ་ཤེས་སོ། །
D44.035.0179a06.01ཐུབ་པར་དཀའ་བ་ཞེས་བྱ་བར་རབ་ཏུ་ཤེས་སོ། །སྤྲིན་གྱི་རྒྱལ་པོ་ཞེས་བྱ་བར་རབ་ཏུ་ཤེས་སོ། །ཉོན་མོངས་པ་མེད་པ་ཞེས་བྱ་བར་རབ་ཏུ་ཤེས་སོ། །སྐྱབས་མཛད་པ་ཞེས་བྱ་བར་རབ་ཏུ་ཤེས་སོ། །ཐུགས་དགྱེས་པ་ཞེས་བྱ་བར་རབ་ཏུ་ཤེས་སོ། །མཚུངས་པ་{མྱེད་,མེད་}པ་
D44.035.0179a07.01