完整藏文原文 · 德格版页 当前仅加载第 35 函德格 382b 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་པ་ལ་བསྟེན་པ་དེ་ནི་བློ་ངན་པས་བསྟན་པའི་ལམ་མོ། །སངས་རྒྱས་ཐམས་ཅད་ཀྱིས་སྨད་པའི་ཡུལ་ལོ། །དེ་དག་ལ་བསྟེན་པ་དེ་ལས་སྡུག་བསྔལ་ཐམས་ཅད་འབྱུང་བར་འགྱུར་རོ། །དེ་ལས་སེམས་ཅན་དམྱལ་བ་དང་། བྱོལ་སོང་གི་སྐྱེ་
D44.035.0382b01.01གནས་དང་། གཤིན་རྗེའི་འཇིག་རྟེན་འདི་དག་ཐམས་ཅད་ཀྱང་འབྱུང་བར་འགྱུར་རོ། །དེ་ལས་སེམས་ཅན་རྣམས་འཐབ་པ་དང་། འཚང་འདྲུ་བ་དང་། རྩོད་པ་དང་། གནད་ལ་འབེབས་པ་དང་། འཁྲུག་པ་དང་། ཀུན་ཏུ་འཁྲུག་པ་རྣམས་ཀྱང་རབ་ཏུ་འབྱུང་
D44.035.0382b02.01ངོ་། །སེམས་ཅན་འདི་དག་ནི་འདོད་པ་ལ་བསྟེན་པས་སངས་རྒྱས་བཅོམ་ལྡན་འདས་རྣམས་ལས་རིང་དུ་གྱུར་པ་སྟེ། འདོད་པ་དེ་དག་ནི་མཐོ་རིས་སུ་སྐྱེ་བ་ལ་ཡང་བར་དུ་གཅོད་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ལྟ་སྨོས་ཀྱང་ཅི་
D44.035.0382b03.01དགོས་ཏེ། སེམས་ཅན་ཐམས་ཅད་ཀྱི་བདེ་བ་དང་། དགའ་བ་ཐམས་ཅད་ཀྱི་ཡང་བར་ཆད་དུ་འགྱུར་རོ། །དེ་ལྟར་བདག་གིས་འདོད་པ་ནི་རོ་ཆུང་ཞིང་ཚད་མེད་པའི་ཉེས་པ་ཅན་དུ་མཐོང་ན། ཅི་ཡང་དེ་དག་སྤྱོད་པའི་ཕྱིར་འཇུག་གམ། དེ་ཅིའི་ཕྱིར་ཞེ་ན།
D44.035.0382b04.01བདག་ནི་དོན་འདི་དག་གི་ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཞུགས་པ་མ་ཡིན་ནོ། །འདོད་པ་ལ་དགའ་བའི་ཕྱིར་ཡང་བྱང་ཆུབ་སེམས་དཔའི་སྤྱོད་པ་ལ་མི་སྤྱོད་དེ། དེ་བས་ན་སེམས་ཅན་ཐམས་ཅད་ལ་ཕན་པ་དང་བདེ་བར་ཞུགས་པའི་
D44.035.0382b05.01སེམས་བསྐྱེད་དེ། བདག་ནི་འདི་ལྟར་སེམས་ཅན་ཐམས་ཅད་ཀྱི་དོན་གྱི་ཕྱིར་དེ་དག་ཉིད་ཀྱི་སྨོན་ལམ་ཡོངས་སུ་རྫོགས་པར་བྱ་བ་དང་། བསྔོ་ཞིང་བསྒྲུབ་པའི་ཕྱིར་དོན་དེ་ལ་ཞུགས་པ་སྟེ། དེ་བས་ན་བདག་གིས་སེམས་ཅན་སྡུག་བསྔལ་གྱི་ཞགས་
D44.035.0382b06.01པས་བཅིངས་པ་ཐམས་ཅད་ཀྱི་སྡུག་བསྔལ་གྱི་ཞགས་པ་བཅད་དེ། སྡུག་བསྔལ་ཐམས་ཅད་ལས་ཡོངས་སུ་དགྲོལ་བར་བྱའོ། །སྡུག་བསྔལ་གྱི་རྒྱུད་ལས་རྣམ་པར་བཟློག་པར་བྱའོ། །བདག་གིས་ཇི་ལྟ་ཇི་ལྟར་སེམས་ཅན་འདི་དག་ཐམས་ཅད་ཤིན་
D44.035.0382b07.01